Иако гасењето весници го зафаќа целиот континент, весниците од јужниот дел на Европа имаат посериозни проблеми.
Грција во последните две години затвори три дневни весници, додека во Италија, Шпанија и Португалија се најавени мерки за штедење.
- Ел Паис неодамна пријави загуба од 60% во приходите од огласување, заради што се предвидува отпуштање на 15% од вработените, односно 149 лица.
- Кориере дела Сера во исто време има план да отпушти 100 вработени.
- Португалски Публико веќе има отпуштено 48 од вкупно 250-те вработени.
Во богатиот дел на Европа, весниците кои не се затвораат едвај преживуваат како неделници + онлајн издание.
- Во Франција затворен е весникот France-Soir, а La Tribune од дневен весник се трансформираше во неделник, плус започна и дневно онлајн издание.
- Германците веќе ги затворија Frankfurter Rundschau кој се издава уште од 1945-та, како и Financial Times Deutschland, додека Дер Шпигел (тираж 900.000)најави преструктуирање заради 10-процентниот пад на приходите од реклами.
- Групацијата Гардијан (Гардијан + Обсервер) ќе укинува 68 работни места како дел од планот за заштеда на 7 милиони фунти.
Според светското здружение на новинари и издавачи на весници, прометот на европските печатени медиуми паднал за 3,4% меѓу 2010-та и 2011-та. Во исто време во САД падот бил 4,3%.
