Досега знаевме за инфекции, па за реинфекции па дознавме и за тнр брејктру инфекции, тоест за оние кои закачиле ковид иако комплетно вакцинирани. Излезе првата студија за пациент кој трипати закачил ковид. Некои бре, женска не можат толку пати да фатат.

Податоците околу ефикасноста и безбедноста на засилувачот на вакцината за ковид-19 се уште не се доволно убедливи, објави директорот на СЗО, Гебрејесус.

Веќе шеста седмица по ред, Велика Британија бележи смртност поголема од просекот, но најголем удел во тоа нема ковидот. Стручњаци велат дека една ипол година пореметено давање здравствени услуги, почнува да го наплаќа долгот.

„Нема дилема дека антителата што се создаваат кај пациентите по прележаниот вирус штитат одреден период, но имунитетот стекнат од вакцината е многу подолготраен и поефикасен“, ќе рече министерот за здравство Венко Филипче. Голема студија на тема антитела и нивно одржување во телото ќе рече сосема поинаку.

Пред година дена, дилемата прележување или вакцина беше бааги еретичка. Сега не почнуваме од нула па може да се прелистаат некои опции, иако, со оваа болештија, постојат многу малку константи. Со исклучок на онаа дека мерките и не-мерките кои ги спроведува нашата влада се константно фушерски и идиотски. Караџовски, не е смешно.

На почетокот од вакцинирањето имаше логика меѓу првата и втората доза од вакцината да минат само 3 до 4 недели за да може што повеќе луѓе што побрзо целосно да се заштитат. Меѓутоа процената е дека заради тоа сега има потреба од 3-та доза.

Ефикасноста на вакцината на Фајзер против делта сојот трае само 90 дена по целосната вакцинација, покажуваат резултатите на Универзитетот Оксфорд кој спроведува една од најобемните студии во светот.

Кога на почетокот на годинава повеќе држави предводени од Индија и Јужна Африка бараа да им се дозволи да почнат да произведуваат генерички верзии од вакцините на Фајзер и слични, како побрзо би се спречило ширењето и мутирањето на вирусот, тоа беше одбиено затоа што фармацевтските компании под никакви околности немаа намера да го споделат своето знаење. Делта сојот кој пустошува низ светот потекна токму од најсиромашните краеви на Индија.

Главниот инспектор на СЗО за истрагата во Кина тврди дека пандемијата може започнала заради човечка грешка и Кина не е „многу волна да го признае тоа“.

Медицинска сестра од северна Германија измамила илјадници луѓе кои верувале дека примаат вакцина против ковид, а всушност добивале само обичен солен раствор. Можно е да се работи за преку 8.000 луѓе.

Три нови состојби кои се пријавени од мал број луѓе што ги имаат примено вакцините на Фајзер и Модерна ќе бидат истражувани од ЕМА за да се утврди дали се можни нус-појави од вакцинирањето.

Ги викаат брејктру случаи и често добиваат големо внимание од медиумите а се работи за оние луѓе кои закачиле ковид-19 иако биле прописно вакцинирани со две дози. Она што често недостасува во сензационалистичкото покривање на овие случаи е контекстот и поголемата слика. 

Пред и за време на пандемијата беа создадени стотици алатки со вештачка интелигенција кои требаше да помогнат во откривање на ковид, дел од нив беа користени и во болници, меѓутоа ниту една не помогна.

Одговорот уште од старт е не, (за жал не е ни шприцер), туку еден сеприсутен но малку запоставен пијалок - млекото.

Британските работодавци што планираат да воведат задолжително вакцинирање за своите вработени, треба од тоа да ги исклучат веганите, е препораката на адвокатите и правните експерти.

Родниот град на новиот коронавирус најави дека сите жители ќе бидат тестирани откако се појавиле нови случаи на заразени. Станува збор за три односно седум случаи. Во град од 11 милиони луѓе.

Поскапувањата доаѓаат со новите договори што двете компании ги потпишаа со ЕУ за снабдување со вакцини, и не е некое ситно, симболично, поскапување, туку новите цени се повисоки за околу 30%.

Нанкинг е новиот центар на епидемијата во Кина, од каде ковид-19 се прошири во пет провинции и во Пекинг.

Се работи за препорака од американското ЦДЦ, кои тие ја оправдуваат со тоа што делта варијантата на ковид-19 „поинаку се однесува“ во споредба со претходните варијанти.

Кога втората доза е дадена осум недели по првата, Фајзер вакцината многу подобро заштитува од Делта варијантата. Проблемот е што во ова сценарио луѓето треба 2 месеца да седат само со заштита од една доза.

Првиот човек на СЗО изјави дека било „избрзано“ што се отфрлила теоријата за протекување на ковид-19 од лабораторија, бидејќи сепак во лаборатории „се случуваат несреќи“.

Според податоците од една апликација за следење на ковид, 47% од новите случаи на новозаболени од ковид во Велика Британија во себе имаат вакцина. За што се работи?

Ковид знае да се претвори во продолжена ноќна мора и да потрае 3, 6, 12 па и повеќе месеци. И додека стандардните прегледи се фокусираат на белите дробови и на кардиоваскуларни тестови, голема глобална студија укажува дека болеста зафаќа дури десет органи.

Луѓе вакцинирани со Астразенека вакцина официјално можат да влезат во ЕУ, меѓутоа луѓе вакцинирани со Астразенека исто така и не може да влезат во Унијата. Многу е важно да знаеш од каде ти е вакцината.