Пред да ги извадиме нашите локални есапи, натежнати со сопствени математики, фино е да се погледне како проблемот, од кој идентично страдаат и далеку поголеми градови од нашиот, го објаснуваат посериозни истражувања.
Првиот човек на Боринг компанијата порача дека компанијата не е само за фенси футуристички проекти како подземни тунели од град до град, туку дека радо ќе се зафатат и со помагање во решавањето на реални работи како копање канали за канализација.
И покрај запнувањето од највисоко ниво, Ши Џинпинг во повеќе наврати повторува дека во станови треба да се живее не е само да се купуваат, над 20% од вкупниот фонд на станови и куќи во Кина се празни.
Зданието се наоѓа во Бел ер, населбата во Лос Анџелес, има над 3.500 метри квадратни во кои меѓу другото се сместени 12 спални соби и 21 купатило, а купувачот од газдата добива и гратис хеликоптер.
Првиот човек на Тесла лично го отфрлил барањето на своите вработени компанијата да почне да произведува електрични скутери, со објаснување дека на тротинетите на батерии не се достоинствени.
Целта на Данците е до 2030 да имаат над 1 милиони електрични автомобили на своите патишта, а во исто време ова е крајниот датум до кој во земјата ќе може да се продаваат автомобили со дизел и бензински мотор.
Во 2003 година Сан Франциско си зададе амбициозен план до 2020-та да стане град со „нула ѓубре“. Како се приближува тој рок, сè појасно станува дека ваквиот план ќе оди во канта.
Без воопшто да фрлат око на поединец, американски научници најдоа начин како да одредат каде живеат дебелите и тоа само со гледање населби на сателитска снимка.
Како природен тек на нештата може да ни личи денес пожелниот начин на преминување улица: на семафор да чекаш зелено светло или пак на пешачки премин (второво кај нас оди со урнебесен додаток: климање со глава на тој што те пуштил во знак на неописива благодарност, ко да е Шиндлер кој само што решил баш тебе да те стави на листа). А зад таквите навики стои една подзаборавена агресивна кампања на автомобилџиите кои пред еден век решија да редефинираат кој ја има и кој е газда на улицата.
Чистејќи ги каналите низ Амстердам и копајќи нови тунели за метро, Холанѓаните извадија над 700.000 артефакти меѓу кои има и примероци постари и од самиот град кои датираат од 4300-та година пред нашата ера.
Околу 300 километри во тунели и речиси 500 одделни подземни објекти го составуваат најобемниот (јавно познат) подземен систем на светот, чија цел е да му се најде на главниот град на Финска во случај на каква било катастрофа (Русија).
Од девет клучни коридори во кои моментално инвестира ЕУ, шест се повеќе вертикални отколку хоризонтални. Ваквата хоризонтална попреченост на континентот треба да биде решена со коридор кој од Шведска и Финска, преку Данска, Германија и Австрија, стига до Италија и Малта.
Дури и секои можно ѓубре да го фрлиш во соодветно обележаната канта голем дел од пластиката повторно ќе заврши на депонии и во океани. Потрошувачите не можат да го решат овој проблем, пишува Феј Флам во Блумберг.
Градот со над 12 милиони жители не само што одлучи дека ќе го забрани користењето на пластика за една употреба (кеси, шишиња, чаши...), туку прекршувањето на забраната ќе се казнува со околу 300 евра или три месеци затвор.
Проблемот е што тоа не се случува по пат на економско и социјално издигнување на сиромашните слоеви, туку преку нивно систематско бркање од секој град во кој ќе се појави гигантот.
Како што цртањето две ленти сред ливада не е решение кога сакаш да создадеш мрежа за автомобилски сообраќај, така и проблемот со патеки за велосипед не се решава со просто исцртување ленти кои најчесто никој не ги почитува, што заради невоспитаност, што заради тоа што одземаат од и онака недоволниот капацитет на улиците или тротоарите. А како што ќе покаже Копенхаген, има огромна ќар од создавање на велосипедски-пријателски град.
Во САД дури и во националните паркови постојано се слушаат звуци произведени од човечки фактор а единствените мирни места во земјата се библиотеките и музеите.
По подолго време минато само со слика од дупката што ја направи на паркингот на својата компанија кога најави дека ќе почне да копа тунели, Маск на Инстаграм го апдјетуваше светот за прогресот на проектот за тунели под Лос Анџелес.
Досега 'цар' беше оној кој заради помал данок, покрај сите оние силни милиони и медиумски империи, имаше најдено време својата куќа да ја регистрира како планинарски дом. Ви текнува? Ама овој е појак, и е цар без наводници.
Пораката до гигантот е од еден од моментално најживите градови во Европа, Берлин, каде локалците се организираат против Гугл како во парк да ќе им отвораат Чернобил 2, а не кампус на една од најбогатите и најнапредни компании во светот.
Кинескиот град со 12,5 милиони жители брои 16.359 автобуси за јавен превоз, што е повеќе отколку бројот на автобуси во оптек во Њујорк, Лос Анџелес, Торонто, Њу Џерси и Чикаго, заедно. И сите до еден се електрични.
Како што е ред за град што руши рекорди со стан продаден за над 70 милиони долари, на ред дојде и да сруши рекорд за најскапо изнајмено паркинг место во светот.
Во обид да го намалат звучното загадување во главниот град, властите во Гана ги замолија одговорните мујезини во градските џамии, наместо да рокаат звучници, да ги повикуваат верниците на молитва преку WhatsApp. Нормално, овие веднаш реагираа дека е тоа шејтанска идеја.
