Лос Анџелес стана првата метропола во светот во кој сите семафори се синхронизирани. Се што им требаше беа 3 децении и 400 милиони долари.

Користејќи нов вид на фасада кој ги претвора хемикалиите од смогот во помалку токсични супстанци, Torre de Especialidades зградата во Мексико сити помага во уништување на смогот во градот.

Во Њујорк минатата недела заврши Architectural Digest Home Design Show, саем за се од кујни и плакари до ѕидови кои ќе ве чинат цело богатство.

Затоа што како нација последен успех на оваа тема ни е да банкротираме олл-инклузив хотели, од Лондон доаѓа нов предизвик - хотел што можеш да го изедеш.

А+ се првите годишни награди на Architizer онлајн базата за архитектура. Во изборот има 52 категории од Најдобар споменик до Најдобра бизнис повеќекатница.

Каде е најголемата скопска сообраќајна тромбоза во шпиц? Рампа кај Кисела, Судска палата? Лондонскиот еквивалент е Џамејка роуд.

Тојо Ито е Јапонецот кој по долги години правење на проѕирни и светли згради и куќи во Јапонија ја освои годинешната Прицкерова награда за архитектура (највисокото признание во архитектурата), за стадион во Тајван.

Посебни патеки за велосипеди (ама само за нив, без мешање од пешадија) кои ќе ги поврзуваат двата краеви на Лондон, се дел од планот на градоначалникот Борис Џонсон за претворање на Лондон во најатрактивен град за велосипедисти.

Продолжувајќи со праксата на корисни потрошувачки информации за нашите читатели, објавуваме дека во Бруклин се продава апартман од 18 милиони долари. Корисната информација е дека сега е на попуст од оригиналните 25 милиони долари.

Откако Кинезите ги направија градовите во кои не стапна жива душа (а требаше милиони да ги има) сега дебатата е дали "ја утнавме работата" или "само време треба." Во меѓувреме целиот проблем стана трилема откако во равенката влезе и можноста за крах на пазарот на недвижности.

Градскиот совет на Вотерфронт, Њујорк, забрани луѓе кои не се познаваат да делат стан. Да, зборувајте ни за фашизам.

Иако Хонг Конг често се појавува во врвот на листите за најдобар град за живеење, тоа ништо не им значи на добар процент од жителите на градот кои живеат во ужасни услови.

Канцелариите на Гугл во секое нивно издание се неверојатни места и без разлика за која канцеларија или претставништво зборуваме, тие секогаш изгледаат како да се правени за да бидат игротека за возрасни. Ова се новите канцеларии во Цирих и како и кај другите и кај овие главно прашање е - како луѓево воопшто завршуваат тука некоја работа?

Непрофитна организација прави студија во која добива дека Њујорк може да гo намали загадувањето за 90%, со тоа што ќе ги замени прозорците на зградите низ градот.

Ако за комплетирање на овој Валентајн ви недостасува само еден Џорџ Клуни, треба да сте во Лондон. И после да не оговарате по пријателки дека општиот маж од соништата бил некако восочен.

Една ревизија по речиси 10 години од заминувањето на Џулијани од позицијата откри дека Њујорк ќе изгуби околу 350 милиони долари заради тоа што властите лошо испреговарале еден договор за недвижности.

Компанија што поседува ладилница на 10 спратови, пропаѓа и ја затвора ладилницата. Сепак ладењето продолжува уште некое време да работи без никој да го чисти мразот. Неколку години подоцна други ја купуваат зградата за да прават канцеларии во неа.

Затоа што просторот потребен за комотно живеење во Њујорк чини повеќе пари отколку што има кој било реален човек, некои луѓе најдоа начин како да сместат цел стан во една гарсоњера.

И облакодерите имаат свој рок на таење. А нивното класично уривање е многукратно зезнато, особено во густо изградени средини. Јапонците најдобро го знаат овој проблем бидејќи имаат 797 згради повисоки од 100 метри. А кога Јапонецот има проблем, тој го решава.

Кандидат за докторат на тема транспорт и урбана инфраструктура, добива казна за паркирање. Неколку месеци подоцна смислува нов систем кој комплетно ќе ја уништи потребата од казни за паркирање.

Беа потребни повеќе од две децении но успеаа: во Мексико сити, мегалополисот кој порано важеше за најзагадениот урбан простор на светот, денеска се дише нормално.

Пред 7 години Кинезите го отворија најголемиот трговски центар на светот, со вкупна површина за дуќани од 650.000 метри квадратни. До денес имаат издадено само 1 процент од сите дуќани.

Сличен проблем како што музичарите имаат со пиратерија на интернет, архитеките имаат со пиратерија на нивните дела во Кина. Моментално еден ист проект се гради на две различни локации во земјата. Пиратската верзија побрзо се гради.

Некои од најдобрите канцеларии од стартап сцената во Њујорк. Не се сите во Менхетен и не се сите во облакодер. Ама сите се со многу стил и генерално сè е опуштено.