Поглаварот на римокатоличката црква вели дека човек кој ќе се насанка да дебатира со Сатаната е осуден таа дебата да ја изгуби („Ќе избрише патос со вас“ како што обожаваат да го кажат тоа некои) бидејќи Сатаната е поинтелигентен од луѓето. Чаре? Наместо да се расправате, избркајте го.   

Редот по кој одат работите е: кинеските туристи излегуваат од земјата преку туристички агенции кои во основа се државни компании под контрола на властите. Овие последните одлучија дека нога на нивен турист веќе не стапнува во католичката престолнина.

Еден од најискусните егзорцисти на католичката црква открива како познава кој од оние кои му ги носат се опседнати од ѓаволот а кој си има друго гајле. И патем сумира дека многу повеќе ги има од овие вториве. И ѓаволот дигнал раце од нас.

Знаете што правеше Мис Стон на овие простори (пред да ја грабнат). Денес е обратно. Христијани од Афика, Јужна Америка и Азија се обидуваат да ја рашират божјата реч во земјите од кои им е дојдено христијанството.

Моментално Мека ја посетуваат околу 8 милиони туристи годишно. Саудиската влада има намера оваа бројка до 2030 да порасне за дополнителни 20 милиони туристи.

Си-ен-ен ја објавува содржината на писмото што свештеникот Бил Шилади и го испраќа на Хилари Клинтон утрото на 9-ти ноември 2016, еден ден откако таа ги изгуби претседателските избори од Доналд Трамп.

Како што бројот на католици и протестанти во Германија продолжува да се намалува, според Евангелистичката црква на Германија земјата 2016 ја завршила со стотици илјади христијани помалку, пишува Ди Цајт.

Поради помодарските трендови кои фаќаат замав, Ватикан реши да стави малку ред во „телото и крвта“ Исусова, односно хостијата и виното кои тие ги симболизираат во причеста. Хостијата мора да има бар малку глутен, а виното да е вино; не шприцер, не бамбус, не сангрија.

За нација што низ својата историја има усовршено чекање пред шалтер, пред продавница, пред каде и да има потреба, не беше никаков проблем да почека и до 10 часа во ред за да види дел од останките на Свети Никола што од Италија пристигнаа во московската катедрала Христос Спасител.

Да не биде дека "чеканот во сè гледа шајка" ама длабоко упатени католици видоа ерес во фиџет спинерот и неговото поврзување со Светото Тројство.

Митрополит на една руска православна групација тврди дека ако сака човек да ја промовира богоугодната хетеросексуалност, треба да престане да се бричи и да пушти брада. Е, до толку не се разбираат во секс ова поповиве.

Од сите што можеа да го кажат ова дал Хиченс, дал Докинс, дал Џервејс, сугестијата доаѓа од главниот (католички) заменик на горниот, папата Франциско.

Како што републиканците и општо десницата направија светиња од религијата, така либералите ја претворија во табу тема, за која не знаат како вистински да зборуваат ниту со своите симпатизери.

Дел од преобратените ја земаат христијанската вера на својот пат кон Европа, а најчеста причина за ова е затоа што во своите родни земји под страв од репресија не смееле да ја сменат верата, објавува Индепендент.

На домашен терен приказнава би изгледала вака: задрт македонски поп покренува кампања против детската емисија Пет Плус. Зошто би го правел тоа? Па, да речеме, затоа што додека ние се крстиме во светото Тројство, тие го фураат - Петко.

Не е бог мртов, како што тврдеше Ниче (што на оној графит доби легендарна реплика: Ниче е мртов - Бог). Само, на луѓето им е сè потешко да му одат на гости (на овој свет). Со други зборови, проблемите на верата не се во науката туку во логистиката.

Седиштето на скиентолошката црква се наоѓа во Хемет, Калифорнија, се вика Златната база, сместено е на површина од 200 хектари, и ова е првата снимка од комплексот. Направена е со 4К камера монтирана на дрон, a видеото потоа е анализирано од новинар кој има посветено сериозно многу време на скиентолозите.

Од петокот Ница и официјално се придружи кон сè поголемиот список на француски градови што го забрануваат носењето буркини (бурка-бикини) на своите плажи. Како што се шири списокот на забрани, така се шири и дебатата.

Русинка успева да измами купувачи на станови за вкупно 2 милиони долари, не ги зема парите за себе, не и се за на доктор, туку за црквата и требаат. Скиентолошката црква.

Отворањето на мега-џамијата во близина на Вашингтон Д.Ц. требаше да биде кулминацијата на посетата на Ердоган на Турција. Тоа што Обама не се појави малку им скрши филм на Турците, кои објектот го сметаат како дел од своите напори презентираат умерена верзија на исламот, на што тој одлично ќе дојдеше како некаква симболика за помирување меѓу двете страни.

Истакнати теолози и верски великодостојници од Британија, вклучително и бискупот на Англиканската црква, повикуваат на преоценка на ликот и делото на ученикот на Исус, чие предавство со милениуми е симбол на подмолност и користољубие.

Водечкиот клерик на Саудиска Арабија, шеикот Абдулазиз ал -Шеик мрдна неверојатно глуп потег. Му удри забрана на шахот и му фрли фатва. А вистината не е толку црно - бела. 

Надбискупот од Кентербери процени дека христијаните наскоро ќе имаат еден заеднички и фиксиран датум за обележување на христовото воскресение. Традиционалистите уште сега се потат.

Тензиите меѓу Саудиска Арабија и Иран повторно досегнаа нови шпицови по погубувањето на угледен шиитски клерик од страна на властите во Ријад, Тоа истовремено повторно ја разбуди љубопитноста за религиозната поделба меѓу сунитската Саудиска Арабија и шиитскиот Иран.