„Можеби не бев најдобар син ама ти беше најдобар тато,“ напиша Марко Марјановиќ за својот татко кој почина од коронавирус на убави 89 години живот. Ѓорѓе Марјановиќ стана легенда поради својата сценска експлозивност и страст со која царуваше на бината.  Петар Луковиќ забележува дека тој прв се одважува да го симне микрофонот од сталак и со него да прошета низ публика, пореметувајќи ја дотогаш прибраната и штиркана естрада.

Ги ставал во сеф ама го заборавил пасвордот. Неговите наследници го имаат кракнато и сега може да издаваат по еден албум годишно цел милениум. До 3.000 годдина.

27-годишниот Владислав Иванов повеќе од 3 месеци ја молеше кинеската публика да го изгласа за напуштање на реалното шоу за создавање на следниот кинески бој-бенд. Конечно му успеа.

Иако тешко ќе најдете постар читател на овој сајт кој нема некоја лична хорор приказна за тоа како неговата омилена касета била изџвакана од некој касетофон, или пак таков кој е полн себе што „младиве денес“ појма немаат како касетите биле мотани со молив, ова инфериорно но слатко чудо навистина се враќа на сцената.

Шпанија го имаше најмасовниот настан во Европа досега, одржан во услови на пандемија. На рок концерт дошле 5.000 луѓе кои дента минале негативни на брз корона тест.

Бучноупокоениот фронтмен на Моторхед беше кремиран а неговата пепел била ставена во куршуми кои биле поделени на најблиските пријатели. Така сакал Ѕверот. 

Мамфорд енд санс се собрале и решиле дека после 14 години поминати заедно, за гитаристот и бенџоист Винстон Маршал веќе нема место во бендот. Многу нагнуел накај десно.

Ветеранот на рок фотографијата чие презиме судбински го врза за таа сцена, Мик Рок, зборува  за раѓањето на некогашниот андерграунд и објаснува зошто мисли дека тоа нема повторно да се случи.

Селма Бориќ, жената по која е напишана прочуената песна на Бијело дугме, почина во Загреб во 92 година од животот. Веста за нејзиното заминување ја објави Жељко Бебек.

Откако Џон Клиз ја оцени актуелната „административна управа“ на BBC за здружение на кукавици кои не заслужуваат ни пени од своите дебели плати, британскиот бродкастер го подбра и Ник Кејв поради шупачката одлука да „избањаат“ една од најубавите божиќни песни, неповторливо тажниот противотров на вообичаените празнични тралалајки, химната на оние со скршени соништа и неисполнети копнежи, „Њујоршката бајка“ од Поугс.

Не сте/сме стари ама нешто што се вика „Бед Бани“ е најслушаниот музичар во 2020 на Спотифај на светско ниво, а неговиот албум по име „YHLQMDLG“ ја има истата титула во категорија на албуми.

Музичкиот виртуоз кој никогаш не научи да чита музика, го изгуби дуелот со ракот. Еди Ван Хален имаше 65 години.

На првата аукција на хип-хоп сувенири што некогаш ја организирал Сотебис, главен експонат беше пластичната круна на Биги од една негова фотосесија и ја оправда оваа позиција.

Зависи кој го продава. Има артисти за кои албумот е само иницијална каписла за нов бизнис проект кој ќе донесе многу повеќе пари од самиот албум. А има и такви кои знаат дека иако целата музика веќе е на стриминг платформите, постојат фанови кои ќе платат многу повеќе за да го држат албумот во рака, како талисман.  

Џамбо Агушев и неговиот оркестар повторно е награден со престижната награда на "German Record Critics" кои албумот "Brasses for the Masses" го прогласија за глобално најдобар албум во 2020 година. Браво, царе! .

Таква приказна вади еден сериозен репортер на Њујоркер кој признава дека нема докази за теоријата а за тоа слушнал од неименувани извори од Агенцијата. Од разузнавачката заедница нејќат да демантираат таква можност знаејќи дека ЦИА сакала да се плетка во такви работи.

Флоријан Шнајдер почина на 73 годишна возраст по кратко боледување од рак. Тој беше најенигматичниот член на Крафтверк, таков останува и по смртта. Веста за неговото заминување светот најверојатно ја дознава една недела откако е погребан.

Роби Робертсон објаснува каква случајност ја покренува инспирацијата за една од најубавите песни на The Band. Погледнал во својата Мартин гитара а таму е запишано каде се изработуваат гитарите, во Назарет, Пенсилванија. И тргнало....

Светот денес се дели на две групи на луѓе: едни кои животот го минуваат во блажена изолираност и незнаење за „Бејби шарк“; и други, морни татковци и мајки со ПТСД, на кои веѓа почнува да им игра кога ќе го чујат сатанското „ду ду ду ду ду ду...“

По неколку години создавање конечно излегува четвриот албум на групата Баклава. Јубилеен со своите четири страни, богат со 13 песни, огромна екипа, различни жанрови и е вртење на сосема нова страница.

Загадочен Јутјуб канал постираше и бргу потоа сокри колекција од 75 ретки и необјавени песни на Ролинг стоунс. Потегот најверојатно има врска со европските закони за копирајт по кои правата траат 50 години, ако никаде не се објавени.

Годинешната изведба на една од двете нумери што ги знаете од Новогодишниот концерт ќе биде малку поинаква од вообичаено, откако на Радецки марш му најдоа нацистички врски.

За време на концертот во Лос Анџелес Морисеј на сцена излегува со маичка (без ракави) на која е испишано „Fuck the Guardian“, објавува Гардијан.

Австралиската музичка легенда БонСкот ќе добие епски трибјут каков што заслужува кога десети километри автопат кај неговиот роден Перт ќе бидат затворени за дузина мини концерти на кои ќе пичат песни на AC/DC.