После половина век натегање по судови, Џон Фогерти од Криденс Клирвотер Ривајвл конечно повторно е во посед на своите песни од тоа време. Така е кога како тинејџер потпишуваш долгорочни договори со намазани менаџери.

За враќаме точно половина век, во 1973-та година. Вилица да ви падне кога ќе видите кои сè албуми се извадени само во таа година. 50 години подоцна, не можеме да очекуваме ништо од Лу Рид, Боуви, Квин, Лед Цепелин, ЗЗ Топ.... Ама па, хеј, Карди Би е жива, а и Ластовица може да изненадат.

Пет децении од ремек-делото на Лу Рид, Трансформер, албум што е поактуелен од кога било. Остана запишан како еден од најзначајните придонеси на рокенролот кон општата култура, затоа што за првпат некој проговори за драмата на сексуалниот идентитет низ поезија.  

Малку се оние музичари кои можат да отворат албум со стихови како “Got a dick and two balls, that’s more than you all”. Уште помалку се оние кои можат тоа да го кажат а да звучат уверливо. За среќа, го имаме Иги Поп.

На 75 годишна возраст почина Вилко Џонсон, поет и музичар кој ја свиреше гитарата како машин-ган. Помладите можеби повеќе го знаат како немиот џелат од Game Of Thrones. Другите го памтат од Др. Филгуд. Оние кои беа панкери пред панкот.

Ремикси лесно се прават ако секој инструмент го имаш засебно на канал. Но, Битлси за некои рани албуми имале само 4 канална миксета, па на секој канал се ставани по неколку инструменти. Како да треба торта да „отпечеш“ за да дојдеш до нејзините основни состојки.

Штулиќевото форсирање на јак „хал ефект“, или пак непарното броење такти, произведуваат чувство дека музиката доаѓа од некое место со еони далеку од овде - за некои валкан звучен пекол, а за други како мене, неизвалкан рефлекс на бунтовничкиот нерв.

Заради една сцена во последната сезона од Стренџер тингс, Металика влезе во радарот на младата тинејџерска тиктокерска публика и некако многу природно ги воодушеви, за по некое време истата оваа публика многу природно да почне да ровари низ 40-годишната кариера на Металика.

Кој никогаш не ги слушал Ролинг Стонс во живо, тој не знае ништо за животот, затоа предлагам државата веднаш со ваучери да го субвенционира одењето на нивните концерти, иако се плашам дека за оваа сезона веќе е доцна. Сите билети се распродадени. Сеедно, ќе свират тие вечно.

Кога првпат беше објавена, песната „Running Up the Hill“ на Кејт Буш добутка до третото место на топ листите. Речиси 40 години подоцна, песната руши рекорди на истите тие топ листи и тоа по повеќе основи. 'Stranger things' се дешаваат. 

После оваа вест, уште поќеиф ни е што отсекогаш сме ги сметале за буљаши и фејкери, без разлика на русија-мусија. Кленовите го смениле текстот на единствената песна која луѓе им ја знаат затоа што не сакале „да ја романтизираат Русија“.

Не сме сигурни дали ја имаме слушнато оваа песна од Битсли (може да, може не) ама сме сигурни дека досега немавме појма дека на неа свири и Брајан Џонс, прерано починатиот гитарист на Ролинг Стонс. И тоа свири - саксофон.

Научна студија на двајца истражувачи од лондонскиот Квин Мери Универзитет резултирала со  импозантна плејлиста од 715 песни за кои се тврди дека го подобруваат расположението и го имаат  оној ефект кога песната „те дига“. Шеренолика е тоа листа пошто кога си сјебан, бадијала е да слушаш „раке пуке, раке шлаке“ па има и такви како Алелеуја на Коен или „Tears in Heaven“ на Клептон.

Во својата едиција „Хитови од светот“ Билборд деновиве извади листа од 25 најслушани песни во Хрватска. Главно, она што стварно се слуша нема врска со она што се пушта по радија или се рецензира по медиуми. Под радарот на тисучљетните комплетно незабележано поминал трапот, оној најлошиот, со аутотјун и турбо-фолк. Тја!

Откако минатиот месец бесно замина од стриминг платформата бидејќи не му паднаа на уцената и целиот свој музички каталог го вдоми на други стриминг сервиси, деновиве излезе дека сепак музика од Јанг легално останала на Спотифај.

Целиот животен музички каталог на Стинг заврши кај Универзал Мјузик Груп, вклучително сите соло нумери и материјалот од Полис, за сума од 250 милиони долари.

Старите песни во моментов претставуваат 70 отсто од музичкиот пазар во САД. Оние кои живеат од нова музика - особено загрозениот вид познат како музичар - нема многу леб да се најадат. Сиот пораст во музичкиот свет денес доаѓа од старата музика а најголемите инвестиции се во купување каталози на автори кои се или починати или имаат 70-80 години.

Спенсер Елден кој како голо бебе се појавува на обвивката на „Неврмајнд“ албумот на Нирвана, го тужеше бендот тврдејќи дека бил жртва на сексуална експлоатација на деца.

Добивам подбрадок како на мисирка и лицето не ми е убаво како некогаш, вели во интервју за Гардијан никогаш убавиот Шејн МекГауен, кој, сепак, би сакал да биде глумен од  - Леонардо Ди Каприо. Лошо спие, не му е гајле како ќе биде запамтен ама нејќе кога од публика ќе му добацат дека е дебел.

Оној нашион што редовно ја викаше Цеца дур беш струмички кмет, од премиерска позиција  за музичка порака ја имаше одбрано Рибља Чорба. Ангела Меркел, за проштална песна одбра една од - Нина Хаген! Ја контате ли разликата, глупи „прогресивци“?

Феноменална „саудаде“ приказна за една ливерпулска четворка, а не е онаа. Неколку девојки од градот, инспирирани од своите музички идоли, во раните 60-ти години решаваат да го направат првиот комплетно женски бенд по тој урнек. Првото проблемче им е - што не знаат да свират.

Виолинисти обично не прават вести освен кога се работи за некој скандал или контроверза или пак кога во прашање е Најџел Кенеди. Овде ги има двата елемента.

Партибрејкерси пред некој ден имаа концерт на белградски Ташмајдан а во пресрет на концертот, Цане даде интервју. Малку од првото, малку од второто.

Ерик Клептон најави дека ќе одбива да свири во сали и места каде што ќе се пуштааат само луѓе кои ќе докажат дека се вакцинирани. Може ви делува тоа антиваксерски, ама, замислете Битлси и Стонси да инсистираа да свират само пред публика вакцинирана од заушки.