За прв пат во историјата францускиот народ ја заврши годината со повеќе изедени бугери отколку традиционалните багет сендвичи со шунка.

Ако се водиме по пресметката за исхрана, од олимписка норма ние ја имаме исполнето исхраната на нордиски скијач.

По анализирање на над 1.000 различни состојки, научниците прават ранг листа на храната што „обезбедува најдобар баланс на вашите дневни прехранбени потреби.“ Добра вест е што свинска маст е меѓу топ 10 на листава, а брокула и прокељ се на крај. Лоша вест е што свинска маст е единствен производ поврзан со црвено месо.

Моментално на различни и често некомпатибилни фронтови се води битка за намалување на јадењето месо од говеда. Па така луѓе што не јадат месо во име на заштита на животни, здрава исхрана и борба против ГМО, во исто време го поздравуваат напредокот што се прави во одгледување месо во епрувети. Проблемот е што работите за говедата ќе станат далеку полоши ако човештвото одлучи комплетно да се откаже од месо.

Ако веќе сте скршнале од стартната позиција дека сите диети се за избегнување, Британското диететско здружение уште од сега има список со диети кои веројатно ќе навалат во 2018 и кои по секоја цена треба да се избегнуваат. Ако не заради здрав разум, тогаш барем заради здравје.

Денес просечната Американка е потешка од просечниот Американец во 60-тите години на минатиот век. Доналд Трамп по секоја цена сака да го зголеми извозот а тие што први станаа нивни трговски партнери, први се здебелија.

Авторот на книгата со овој наслов не е некој „од наша банда“, туку е доктор и директор на американски центар за здравје. Неговиот совет за оние ситуации кога човек се колеба дали да касне нешто за кое мисли дека е штетно гласи: А нели е штетно да си ја мачиш душата?

За Французи не е проблем ако останат без леб. Kако што на времето ги советуваше Марија Антоанета, во таков случај можат да јадат колачи. Ама, за колачи треба путер. А путерот е проблем.

Вградувањето редовни "паузи" во твојата диета може да ти помогне да ослабеш повеќе и подолго да ја задржиш новата тежина отколку ако се обидуваш да тераш непрекината и поштена повеќемесечна диета, гласи најдобрата препорака што човек на диета би сакал да ја чуе и доаѓа од австралискиот Универзитет на Тасманија.

Еден од најугледните француски готвачи чиј ресторан ги има максималните три Мишелин ѕвезди веќе 20 години, побара тие да му бидат одземени и веќе да не учествува во рангирањето. Човекот не сака да живее под притисокот да биде еден од апостолите на светската гастрономска библија.  

Иако ние мрсното го браниме со години (чисто од инат што нè отекоа со тоа здравите срања), сè почесто ветар во едра ни дава науката. Овојпат преку  една гигантска студија, со преку 135.000 лица од најразлични земји. Вие другите, каде погрешивте?

Со оглед на тоа што постојат толку многу диети кои меѓу себе се контрадикторни по „филозофијата“ и нутриционистичките правила па сепак за секоја ќе најдете некој што се колне во неа, една храбра теорија вели дека е можно сето тоа е едно обично плацебо. Дека луѓето можат да слабеат ако се уверени дека прават нешто што ги слабее. 

Рестораните на Запад забележуваат чудни промени во изборот на она што нивните муштерии го јадат. Не се бира по вкус или цена. Се бира она „што ќе го личи“ на Инстаграм.

Во американски кокошки обележани со етикетата „100% природно“ најдени се антибиотиците хлоранфеникал и амоксициклин, стероиди, хормони, против-воспалителни лекарства па и кетамин, кој знае да има и халуциногени ефекти. Ќути, овие немале прозак (лек против депресија), оти на пазарот има и такви. Американците главно не се свесни дека и она што кај нив е дозволено, во нормални земји е забрането.

Во земјата од која ни дојде Кембриџ програмата секое петто дете верува дека рибините прсти се направени од - пилешко месо. Се разбира, не е сè до програмата, нешто и до родителите е. 

Белиот леб не мора да е штетен за вас. Чак што више (цврц), може на вашиот организам да му годи повеќе отколку оној 'здравиот' од интегрални зрна. Сè зависи од тоа што имате во цревата. 

Клучниот аргумент на веганите и вегетаријанците со кои ја докажуваат етичката супериорност на нивниот начин на исхрана во однос на месојадците е дека животни не страдаат од тоа што тие го јадат. Како да кажеме а тоа да биде вегански просто к'о грав: неточно.

Еден од условите за американските органски млекари е на кравите да им биде дозволено секојдневно да пасат (во сезона на растење) - односно да бидат хранети со трева и да не бидат затворени во штали. Во земја во која органскиот пазар годишно вреди 40 милијарди долари излезе дека ова е речиси неизводливо.

На научниците со деении им е јасно дека она што го јадеме може да го менува балансот на бактериите кои ги имаме во дигестивниот тракт. Но, се чини дека се работи за двонасочна улица: и бактериите имаат влијание врз одлуката што ќе го одбереме за јадење.

На млечните и други рафтови по нашите продавници постои фина понуда од секакви млека кои се разликуваат не само по масленоста и другите компоненти туку и по изворот. Ако ве збунуваат сите оние кокосови и бадемови млека, млека од соја и слично, па не знаете што е што, треба само да се запрашате: молзено ли е тоа млеко?

Студија на оваа тема обелоденува дека во споредба со другите животни, човечкото месо има слаба нутритивна вредност и дека тој што решил да јаде луѓе, везден ќе ака гладен.

Како биолог, знам што може да се случи со морската храна пред да заврши во нашата чинија, и затоа ја нема во мојата, пишува биологот за риби од Мекгил универзитетот, Лора Мекдонел.

Американските пицерии ќе мора да стават знаци со нуртиционистичкиот состав на секоја варијација на своите производи. Да е кебапчилница би било лесно. Едно кебапче толку и толку, сè друго се множи со 10 (оние кои не нарачуваат округли бројки кебапи се психопати). Овде проблем е што пицата може да има околу 34 милиони комбинации.  

Чиа семето во последно време е една од најголемите ѕвезди на здравата и фенси исхрана. До толку е станато популарно што пред некој ден шокирани слушнавме двајца најнаши луѓе, довчерашни хедонистички соборци, како си зборат дека едниов користел чиа, а другиов ленено семе. Џизс! Па така малку да им го сјебеме ентузијазмот.