Човекот што го напиша филмот „Јас сум легенда“ со Вил Смит деновиве мораше јавно да објасни дека филмот е фантастика а не документарец за луѓе кои по вакцинирање се претвориле во зомбија... ако некој воопшто му верува.

По две работи ќе памети Бота Николиќ, српскиот режисер и директор на фотографија: по Бред Пит и по Бата.

На годинешните Оскари Нетфликс ја има најдобрата жетва на статуетки во историјата, и освои повеќе Оскари од кое било друго филмско студио.

Познато беше дека „Житието на Брајан“ постои благодарејќи на маестралниот потег на Џорџ Харисон да ја заложи својата куќа за да го финансира филмот. Сега еден Пајтоновец открива како други рокери со свои пари помогнале да се појави еден друг нивен филм.

Кино салите во САД се на издишување. Холивуд изгледа реши да ги батали со одлуката филмовите да се пласираат истовремено и во кино салите, и на стриминг.

2.900 независни кино сали во САД  кои моментално се затворени поради пандемијата, порачуваат дека без државна помош која би требало да стигне ASAP. веќе во јануари го оставаат катанецот за стално.

Во иднина за еден филм да се квалификува во категоријата најдобар филм ќе мора да исполни 2 родово-расно-етнички предуслови, и ова ќе биде поважно од какви било кинематографски и уметнички квалитети на филмот.

Најважното од се за новата генерација што сакаат да се знае е дека 36% се луѓе што не се белци, а 45% се жени.

Оригиналниот успех на Џокер беше што студиото успеа да го сними „за само“ 55 милиони долари, подвиг кој одамна се нема случено во Холивуд. Сè понатаму им е ќар.

Нетфликс годинава имаше 9.215 членови на филмската академија што требаше да ги убеди да гласаат за 24-те номинации што стриминг платформата успеа да ги избори за финалето на Оскарите. Убедувањето наводно го чинело Нетфликс околу 100 милиони долари.

Меѓу 1 и 2 милијарди долари е штетата што Холивуд очекува да ја претрпи откако неговиот втор најголем пазар на светот затвори 70.000 киносали како дел од обидите за спречување на коронавирусот.

Она што кај нас е газење кој прв слушнал за Хатиџе, во САД последниве години во ова време е газење колку се и колку не се застапени малцинствата во номинациите за Оскар, и колку тоа треба да се промени или не. И Оскарите за сега немаат проблем со галама се додека има галама.

Кругови во Холивуд се ужаснаа од проуениот писател на хорори и неговото мислење за тоа кому треба да му се даваат Оскари. Што е тоа толку контроверзно и шокантно што го рекол Стивен Кинг? Дека критериум треба да биде квалитетот а не диверзитетот.  

Скорсезе потроши милиони од парите на Нетфликс за софтверско подмладување на неговата звучна актерска ергела во последниот филм, за да ги долови во различни делови од нивните биографии. Нам не ни пречеше но некои не беа најзадоволни од резултатот. Јутјубер седнал и со слободен софтвер за недела дена видливо го поправил она што овие големите го забрљале.  

Ако до сега Дизни беше застрашувачки колку пари прави од филмовите (а и троши на нив), во 2019 неговата доминација достигна ниво „без преседан“.

Веројатно најпознатото филмско студио во последните 80 години, неделава ја лансираше својата стриминг платформа Дизни плус. Во неа има речиси сè од импозантниот анимиран, филмски и документарен капитал на Дизни и пријателите. Проблемот е во она „речиси сè“.

Летово парот продуценти одговорен за Игра на тронови заедно со своите семејства беа на летување во Италија, семејствата да одморат, а овие двајца за да се видат со Џорџ Лукас и да разговараат со него за трилогијата филмови Ѕвездени војни што треба да ги снимаат. Во понеделникот, двајцата објавија дека го напуштаат проектот.

Никој не е пророк во своето село и тоа му се случува на денес веројатно најпознатиот Канаѓанин на светот, Џордан Питерсон. Кино по кино, дали арт или меинстрим, одбиваат да прикажат еден филм за него, или пак ги откажуваат веќе закажаните проекции. Главно, на невидено.

Човекот почина минатата година во ноември, за неполна година подоцна ќерка му да излезе со изјава “никој не можеше да го третира татко ми полошо од директорите на Марвел и Дизни“.

Како што изборната машинерија почнува да набива притисок, а масовните убиства во САД се таложат со вонредно темпо, Универзал студио одлучи дека ова може не е време за премиера на нивниот нов хорор „The Hunt“ на тема лов на луѓе.

Договорите на актерите на франшизата „Брзи и бесни“ се изделкани на начин кој го штити нивното его со тоа што на нивните најголеми ѕвезди им гарантира дека секој од нив ќе добие подеднакво ќотек во филмот.

Насловот на новиот филм (кој малку влече накај ТВ новела) е „Тор: Љубов и молња“ (Thor: Love and Thunder) и ќе биде еден од првите од 4-та фаза на Марвел филмскиот универзум.

Игранката станува лакома па онаков каков што го знаеме, без или со мала претплата, стримингот се ближи кон својот крај. Старите серии веќе се повлекуваат од Нетфликс и повторно се враќа времето кога за пет омилени филмови ќе треба да се плаќаат пет посебни претплати. 

На 11 дена откако почна да се прикажува во кината низ светот, Авенџерс ја мина границата од 2.000.000.000 долари (со букви: две милијарди долари). И ова му нема успеано на ниту еден друг филм во историјата. Па и ретко на што друго му успеало да заработи 2 милијарди на 11 дена по пуштање во оптек.