Минатиот месец јужнокорејската компанија Шинил груп објавува дека го открила трупот на над 110 години потонатиот руски воен брод Димитриј Донски, и дека на него има товар од 200 тони злато со вредност од 130 милијарди долари. Нормално дека сето ова е премногу добро за да биде вистина.

Трамп потпиша закон со кој на американската влада и на сите компании и изведувачи што работат за владата им е забрането да користат технологија од двете кинески компании. И ова е од чисто безбедносни (шпионски) причини.

Ако мислиш дека Гугл престанал да те следи само затоа што така си му рекол и си исклучил „Location history“ на телефонот има многу да се изненадиш.

Потребно е посебно ниво на храброст и крајна игнорантност кон адвокати и тужби за да градиш бренд базиран на лажно Самсунг лого. Сето ова за сега го поседува Шаасуивг.

Се чини дека Хомери се накотија по светов (оние од цртаните, не од антиката) а нуклеарните централи си останаа исти какви што отсекогаш биле. Не ќе да е така. На тоа поле се случуваат чудесии од идеи и иновации (добро сега, не како реинкарнација...). Едни од најверојатните носители на новата генерација се реактори кои се ладат со сол.

Од почетокот на 2017 сите над 85.000 вработени на Гугл успешно спречуваат фишинг на нивните службени мејлови и сметки благодарејќи на „УСБ стик“ од 20 долари.

Иако се уште не е потврдено од компанијата, повеќе американски медиуми објавуваат случаи на Самсунг смартфони кои почнале сами од себе да испраќаат рандом слики од вашиот телефон на рандом контакти што ги имате.

Традиционалната конференција за програмери освен востановената презентација на софтверски новини од Епл годинава се претвори отворен фронт против Фејсбук и неговиот јавашлук со личните податоци на корисниците.

Ако го прашуваш Марк Ришер, тоа што ќе ставиш бројки и симболи во пасвордот не ти врши работа (или што ќе натераш некого да ги стави). Кој е Марк Ришер да го прашаш? Поранешен „спам цар“ во Јаху, моментално директор за продукт менаџмент во Гугл, каде работи на безбедноста на мејловите и во тимови за спречување на злоупотреба.

Во фаталната сообраќајка од крајот на март годинава автономното возило на Убер детектирало дека пред себе има пешак, ама избрало да не застане.

Група хакери успева да ја украде базата со податоци на најголемите коцкари на едно казино, упаѓајќи во системот преку термометарот во аквариумот за риби во лобито на казиното.

За да ги премости сите можни недоразбирања и препреки во ширење на пораката, Кина одлучи својата решителност околу посветеноста на обновлива енергија да ја покаже со пари.

Дури ни долар да не заработи од производите на Сан микросистемс, Оракл ќе ги врати сите пари што ги даде за купување на компанијата (7,4 милијарди долари) само од една тужба против Гугл по основа недозволено користење на една нивна технологија.

Минатата недела автономно тест-возило на УБЕР ја усмрти 49-годишната Елејн Херцберг од Аризона додека минуваше улица. Во време на несреќата возилото имаше и возач кој не управувал со него. Иако уште се утврдува кој систем крахирал и довел од несреќата, производителот на сензорите тврди дека не е до нив.

Хуавеи успева да набие разлика од 60% поголема продажба пред второпласираната ЈД.ком и покрај тоа што таа речиси е банирана од американскиот пазар, а 4-те најголеми мобилни оператори во земјата - АТ&Т, Веризон, Т-Мобиле и Спринт, не смеат да ја користат нејзината опрема.

ФБИ минатата недела го уапси ЦЕО-то на Фантом секјур, компанија која на припадниците на нарко-картели и сличен еснаф им обезбедува „смартфони фокусирани на безбедност“.

Кобалтот е клучен дел на секоја можна литиумска батерија во светот, без разлика дали за смартфони, таблет уреди и лаптопи, или бор-машини и Тесла возила. Проблемот со него е што го има во многу ограничени количини, многу тешко се вади (често пати од деца рудари) и Кинезите обезбедија многу голем дел од светските резерви доминантно сместени во Африка.

Во Барселона периодов се случија две важни работи. Прво, како дел од глобални климатски промени врнеше снег. Второ, се одржа најголемиот саем за мобилни уреди во светот, каде како дел од глобални технолошки промени, главен беше Самсунг со новиот Галакси С9.

Дизелгејт на Фолксваген останува една од најголемите и најмасовни измами во историјата на корпорациите, не само на авто-производителите. Како што минува времето целата афера само се збогатува со содржина, последно е дека германската корпорација ги тестирала издувните гасови од своите автомобили на десет мајмуни.

Денес во светот околу 2,5 милијарди луѓе имаат смартфони. Неброените милиони што ги заработуваат производителите на смартфони, социјалните мрежи и луѓето што прават апликации, не се само од твоето дремење на телефон, туку од тоа што речиси никој од овие 2,5 милијарди не може да одолее и да го остави уредот.

„Дипфејк“ е синоним за видеа во кои лицето на еден човек дигитално е монтирано на телото на друг човек, и во прво време ова беше повеќе „заземање на домејнот“ отколку што воопшто постоеше некое видео кое може барем на момент да прелаже човек. Последниве месеци сето ова се смени откако почнаа да кружат програми кои речиси автентично ги менуваат главните ликови во цели видеа, и ова претежно беше искористено во порно.

На интернет се појави изворниот код за Ајбут компонентата на оперативниот систем на Ајфон, одговорна за подигање на оперативниот систем, нешто што моментално се води како „најголемото протекување„ во историјата на Епл.

Американската администрација размислува државата да преземе дел од националната мобилна мрежа, конкретно 5Г мрежата. Предлогот за национализација бидејќи доаѓа од советниците на Трамп за безбедност, се води како мерка за заштита на американската мобилна мрежа од Кина.

Еплинсајдер врз основа на предвидувања од аналитичари објавуваат дека доколку побарувачката за Ајфон Х е под очекувањата, Епл најверојатно ќе го прекине неговото производството кога ќе излезе нова генерација од уредот. Оваа вест Њузвик ја презема со наслов „Дали Епл е на пат да го откаже Ајфон Х? Лошата продажба значи крај на животниот циклус на уредот“. Ова, како што објаснува Џон Грубер, еден од највлијателните блогери на тема Епл, се две сосема различни работи.