На самитот на НАТО во Мадрид Русија е маркирана како „директна закана“ а Кина како „сериозен предизвик“. Пекинг порача дека НАТО е тој што прави проблеми а Путин возврати „ок, ќе играме како што играте вие“. А НАТО игра така што дури осумкратно ќе ги зголеми силите за брза интервенција. 

Холандската влада го објави планот за намалување на загадувањето со азот за 70% до 2030 година. Холандските земјоделци објавија дека никој во Холандија нема никаде да мрдне дур не се повлече овој план.

НФД е американска организација која начелно служи за поддршка на демократијата по светов но често се доживува како фасада за рушење непожелни влади и инсталирање марионети. Ги има и овде, со години финансираат Метаморфозиси, Вистиномери, бараат следачи на говор на омраза... нешта без кои не би ни можеле да замислиме волку добро да ни оди.  

Седумте лидери ветија фонд од 600 милијарди долари, државни и приватни пари, кои во текот на следните 5 години ќе ја финансираат потребната инфраструктура во земјите во развој, како контра на кинеската исто така мултимилијарди долари вредна „Појас и пат инцијатива“. Истото ветување го имаа и на Г7 самитот во Британија во 2021, и не направија ништо.

Само Зеленски нека и нареди на војската да го положи оружјето и војната завршува, порача портпаролот на рускиот претседател, Дмитри Песков.

Официјално, Русија не стигна да ги плати парите по основа на долгорочни обврзници кои најдоцна требаа да бидат исплатени на 27 јуни. Официјално, ама од другата страна, пари има, ама вашите не даваат да ви ги платиме.

Африкански мигранти, по цена од 23 загинати, успеаа да ја пробијат заштитата околу Мелила, шпанската енклава во Северна Африка, и околу 140 од нив (500 според неофицијални бројки) да влезат на тло на ЕУ.

Главна вест е дека американскиот Врховен суд ја укина одлуката која на федерално ниво половина век на жените им гарантираше право на абортус, но мислење на еден од судиите исто така побудува големо внимание на јавноста. Тој цени дека сега му е мајката да се продолжи во иста насока и на други теми. 

Официјална Москва не ни стигна да распали со стандардните закани за уништување на секое парче американска воена помош, а Украина и САД речиси едногласно се сложија околу бесцелноста на испраќање американски дронови на боиштето во Украина, со објаснување „па не ти е ова Авганистан.“

Од првичното дека депортации „едноставно нема да се случат“ сега британскиот премиер изјави дека украинските бегалци кои нелегално ќе влезат во Британија би можеле да бидат испратени во Руанда.

Со оглед на тоа кој доби зелено светло од ЕУ (Украина, Молдавија) а кој не (Македонија, Албанија) јасно е дека Унијата не се пали толку ако некој ја сака, колку што се пали по држави кај што има луѓе кои се палат на Русија. Реформи - меформи? Дајте не се шалете.  

Добра вест за Белата куќа е што конечно има нешто на што почнаа да паѓаат цените во Америка. Лошата вест е што тоа е вториот човек во Белата куќа.

Од 1-ви јули ниту едно Тесла возило два месеца нема да смее да припари во кинескиот крајбрежен туристички дистрикт Беидаихе, во кој треба да се одржи летниот партиски состанок на раководството на Кинеската комунистичка партија.

Запад тврди дека за кризата со храната е виновна Русија чија стратегија е, меѓу другото, да ја доведе Европа до глас. Русија возвраќа, како тоа знаете да носите онолкаво оружје во Украина а не знаете да изнесете жито од таму?

Граѓаните на Увалде кои изгубија 19 деца и две наставнички одлучија основното училиште Роб да биде затворено и срушено.

Патрис Лумумба кратко откако е сменет од власт со белгиска помош е заробен од тамошните власти, стрелан во присуство на белгиски офицери, за потоа неговото тело да биде откопано од белгиски офицери, раскасапено со пила, распаднато во солна киселина а коските смелени и расфрлани. Од Лумумба останат е еден златен заб, зачуван од неговиот касап, кој до сега се чуваше во Белгија.

Во нерамноправна битка ватиканската полиција успеа да го сопре и приведе Архангел Михаил кој во неделата бил решен да упадне во Ватикан со кола.

Со некои си 60-на километри должина, Сувалки коридорот е парче земја меѓу Полска и Литванија што го одделува руски Калининград од најблиското парче сојузничка територија, Белорусија. Деновиве Литванија одлучи да го ограничи железничкиот товарен сообраќај и снабдувањето на Калининград.

Заради пандемијата, Републиканците од Тексас се немаат меѓусебе видено во живо цели 4 години па сега кога се видоа, им тргна шутот. Бајден го прогласија за нелегален претседател а нивниот сенатор кој договара контролата на оружјето го исвиркаа. И нејќат да даваат автомобилски ленти за точаци. 

Најголемиот дел од Европејците се подготвени да ја отстапат окупираната територија на Украина во замена за крај на војната што е можно побрзо, покажуваат новите анкети објавени од британски Тајмс.

Украинската државна компанија Нафтогаз, објави дека итно отпушта еден од највисоките советници на претседателот на компанијата. Не заради соработка со Русите, туку заради соработка со Бентли.

Една војна и толку од загриженоста за планетата. Нели работата беше дека ако продолжиме со јаглен, ќе се самоуништиме за пар децении? „Честа“ на сограѓаните да им каже дека копањето јаглен е единствениот спас за следната зима му падна на германскиот министер од Партијата на зелените.

Бројката доаѓа од главниот украински преговарач, а според него од овие 1.000 во борбите во Донбас на војното поле секој ден загинуваат од 200 до 500 се војници, а остатокот се ранети.

Итноста што се создаде околу приемот на двете скандинавски држави не само што сега не резултираше со нивно членство, не само што има капацитет да го измести самитот на НАТО, туку нивното зачленување најверојатно нема да се случи во догледна иднина.