Стејт Департманот објави во јавност 5 комплети со мејлови на Хилари Клинтон од времето кога беше државен секретар на САД (2009-2013). Чат-пат и Македонија се спомнува меѓу нив.

Хилари Клинтон е почастена што има поддршка од некогашниот државен секретар Хенри Кисинџер. Берни Сандерс  е горд што Кисинџер НЕ му е пријател. Тоа е таа разлика меѓу нив двајца.

Рускиот премиер Дмитриј Медведев предупреди дека копненото влегување во Сирија би можело да се претвори во глобална војна.

Лесно гадливите евро-бирократи имаат неочекуван сојузник за својата политика за затворање на европските порти за бегалците од Сирија. Кандидатот за републикански претседателски избор мисли (чуј, мисли!) дека политиката на Ангела Меркел кон бегалците може да ѝ стави крај на Европската Унија.

Пред една година Хилари Клинтон во Њу Хемпшир има 40 поени предност пред Берни Сандерс. Синоќа на партиското гласање Хилари беше поразена со над 20 поени разлика.

Курдските сили кои цело ова време се единствената групација што има успех против ИСИС, побараа од САД 300 милиони долари месечно за да ја продолжат борбата против ИСИС. Луѓето од септември немаат примено плата.

Американска тинк тенк организација се занимавала со сценариото што ако Русите тргнат на исток. Во сите разгледани сценарија, НАТО претрпува брз пораз а Русите би пиеле вотка во Рига и Талин за помалку од три дена. Освен....

Математиките беа дека колку повеќе гласачи излезат во неделата толку се поголеми шансите на Трамп да победи. Излезе рекорден број Републиканци, ама вечерта заврши со пораз за бизнисменот и победа на Круз.

Доналд Трамп го попуши од Тед Круз. Кај демократите испадна толку нерешено меѓу Берни и Хилари што буквално фрлале петка - глава. Зошто ова не му текна на Хан како решение за предизборни пат позиции?

Два од најголемите европски продавачи на конфекција признале дека во нивните фабрики во Турција работат и деца од Сирија. Некои од текстилните гиганти не се ни потрудиле да проверат. 

Анкета спроведена од Блумберг (медиумот) извади разочарувачки бројки за Блумберг (милијардерот и политичар) и неговата амбиција да се кандидира за претседател предложен од трета партија - гласачите од Ајова едноставно не го сакаат.

Нашата емпатија е недвосмислена во поглед на мигрантите кои бегаат во Европа бегајќи од хоророт кој се случува во нивната земја. Ама, да ти доаѓа полиција на врата и да ти вика дека многу твиташ против бегалците?

Ноќеска во Ајова, Фокс Њуз организираше уште една дебата за републиканските претседателски кандидати. Модератор на кампањата беше водителката на Фокс Њуз, Меган Кели. Нејзиното непојаување беше главен предуслов на Трамп за тој да се појави на дебата. Меган Кели беше модератор, Трамп беше дома.

Десетици илјади граѓани на Малезија лани во август излегоа на улиците на Куала Лумпур барајќи одговор на прашањето како било можно близу 700 милиони долари од еден инвестициски фонд да завршат на личните сметки на нивниот претседател. Неколку месеца подоцна стигна одговорот кој допрва отвори нови прашања

Последната епизода на Панорама на БиБиСи го обвинува Путин дека е еден од најбогатите луѓе во земјата, и дека овие пари ги има стекнато преку корупција. Истото ова, во емисијата им го потврдува и Адам Зубин, функционерот на американското министерство за финансии, кој е задолжен за надзор на санкциите против Русија. Ова до сега, вака официјално се нема случено.

Без да ни прави посебни протоколарни компликации, Хaсан Рухани може во секое време да дојде кај нас. И да се слика во Жена парк.

Спорот околу тоа што инвестициската банка и плаќа на демократската кандидатка 200.000 долари на час за да зборува пред нивните директори и инвеститори, е што едно од главните ветувања на Хилари е дека таа е човекот што ќе го заузда Вол Стрит.

По претрпувањето на целото она патешествие во кое го препешачуваат пола континент, ирачките бегалци стигнати во Германија не можат да ги трпат условите во тамошните бегалски кампови. Поплаката им е придружена од една прилично празна закана - попрво ќе се вратиме дома отколку тука да седиме.

Шкотска има влада слична на македонската во поглед на желбата шаком и капом да се делат бенефиции на широки слоеви од популацијата. Но, таа земја има и некој во системот кој може авторитетно да каже дека се претерало.

Во последниве години меѓу Европската Унија и Кина се одвиваше една упорна војна која Кина конечно успеа да ја добие. Битките не беа рововски, беа штрафовски.

Минатата недела Камерон преку колумна во весник испрати смирувачка порака што англискиот дел од нацијата чекаше да ја чуе, за која кај нас политичарите добиваа шамарање преку уста, дека ако некој сака да живее во Англија треба да зборува англиски и да ги почитува вредностите на земјата во која живее. Деновиве излегоа реакции, од типот - во право е.

Деновиве ги гледаме како домаќини на европското првенство во ракомет.  Црвено-бели, бучни, убави и радосни навиваат за своите. Но, како се живее таму, што ги секира и кои се секојдневните жиивотни и и политички дилеми на тие луѓе? Њујорк Тајмс ги праша, ние ќе ви пренесеме, а вие сигурно ќе се пронајдете во некој од нив.

На последната дебата меѓу демократите, Берни Сандерс доби прилика каква што овдешен политичар во предизборие би ја зграбил со две раце и не би ја пуштал: шанса пред десетици милиони гледачи да ги коментира сексуалните скандали во семејството на неговиот политички противник. Но, Берни е поинаков.

40.000 деца од Конго, некои од нив и со само седум години, аргатуваат во рудниците низ земјата вадејќи кобалт кој завршува во смартфоните на некои посреќни деца и возрасни од други делови на планетава.