По дефиниција, иселеник е човек кој привремено или трајно живее во држава која не е негова според раѓање, ама во пракса никогаш не сме слушнале вест со „Во Медитеранот потона брод со иселеници.“

Како што колонијализмот го богати западниот дел до Европа, а Африканците кои не беа масакрирани во негово име во најдобар случај завршуваа како робови, така истиот процес успева да го измени самиот состав на планетава, тврдат за Гардијан двајца британски научници.

Големата филантропија е дефиниција за влијанието на плутократите (плутократија - владеење на богатите) врз демократијата, практикување на моќ од страна на богатите која не е под ничиј надзор, не е транспарентна, насочена e од донаторите, нема крај и добива даночни субвенции, порачува професорот од Станфорд и прв човек на Центарот за етика во општеството, Роб Рајх.

Еден од најинспиративните ликови на човештвото, вториот човек што стапнал на Месечината, Баз Олдрин, моментално е сред еден крајно неинспиративен процес - се тужи со сопствените деца.

Иако ракетниот систем С-400 никогаш не е употребен во борба, Русија успева истиот да го продава по страшно висока цена и тоа на држави кои стандардно се сојузници на САД.

На Доналд Трамп му доаѓа убаво кој било од Холивуд да го пофали, не па еден од култните фигури на филмската уметност. Дејвид Линч во актуелниот претседател гледа потенцијал да стане еден од најголемите претседатели кои САД воопшто ги имале. Оние што се ежат на Трамп викаат дека ваквата изјава на Линч му ја разбираат колку што му ги разбираат филмовите.

Тоа што по изборот на Ердоган ќе се истуриш од навреди за турскиот електорат нема да го донесе посакуваниот ефект. Вината е кај демократските институции, пишува колумнистот на Гардијан, Сајмон Џенкинс.

Б-2 е еден од најневеројатните и најнапредни стратешки бомбардери на светот кој е создаван со цел да послужи во случај на нуклеарна војна со СССР. Дваесетина години од неговото воведување во служба, бомбардерот, кој заради цената е произведен во 21 примерок, доби задача да разбие збирштина од терористи сред пустелија.

Кон крајот на мај милијардерот Џорџ Сорос излезе со мрачни пророштва за ЕУ, порачувајќи дека „сè што можело да тргне на лошо за ЕУ, веќе тргнало.“ Од Блумберг сметаат дека предупредувањата на Сорос се типични за „Европа е во опасност“ школата.

Откако првоборците на Кембриџ аналитика уште пред некој месец глатко се префрлија во друга компанија што ја основаа минатата година, сега и остатокот од поставата се снајде за идни ангажмани.

Откако победоносно изјави дека проблемот со Македонија е решен, шефот на грчката дипломатија изјави дека преоѓа на оној со Албанија и дека „нема да оди на одмор додека и тоа не биде решено“. Не дека на Грците им гори баш за утре задутре, ама во влијателните кругови на ЕУ, на чело со Јункер, зрее идејата дека консензусот како начин на донесување одлуки е пречка за нејзината ефикасност. Па да не дојде ден она фамозно право на вето да не вреди ни пет пари.

Требаше 300 имигранти да се удават во близина на Италија, во октомври 2013, за европските политичари да се ужаснат околу страдањата на мигрантите кои се обидуваат да стигнат до Европа. Во 25-те години пред ова се проценува дека најмалку 20.000 луѓе загинале обидувајќи се да стигнат до брегот на стариот континент.

Пред две години во интервју за Ле Монд, Жан-Клод Јункер изјавува: „со крајната десница не е возможна никаква дебата или дијалог.“ Пред некој месец на чело на една од најголемите економии на Унијата дојдоа токму крајно десните.

Со оглед на нивната стартна позиција, ретко која земја имаше повеќе бенефит од интегрирањето во ЕУ од Романија. Стигнаа пари, стандардот се подобрува, но приказната има и друга страна: милионско намалување на населението, 40% од учениците им се функционално неписмени и слично. Накратко, добро е ако си во некој од големите градови. Надвор од нив е гола сиромаштија.

По последниот училиштен масакр во Тексас, наместо поставување на вистинските прашања, таму повторно се отворија дебатите за дизајнот на американските училишта. Те имале премногу прозорци, премногу влезови, те немало доволно бришан простор за навреме да се пука кон напаѓачот. И стварно, затворине што убаво се смислени.

Падот на шпанскиот премиер и новата коалициона италијанска влада соствена од популисти од двата краја на политичкото миље ја зголемува загриженоста за нова нестабилност на Европа. „Еден фактор е во двата случаи: корупцијата“, пишува Аксиос.

За 30 години ќе има 85% помалку автомобили отколку што има денес. Ама затоа бројот на часови поминати во автомобил ќе биде 400% поголем. Како тоа? Помислете каде во овој момент се наоѓа вашата кола. Чмае некаде паркирана. Зошто? Затоа што нема кој да ја вози. Тука сме.

За глупиот твит поради кој изгуби работа, Розен Бар проба да се оправда дека го пишувала додека била на апчиња за спиење. Производителот на тој лек се јави и кажа дека напад на акутен расизам не е меѓу нус-ефектите на тој производ. 

Европската комисија предлага забрана на десетина пластични производи за кои вели дека прават 70% од европското ѓубре. Аут оди прибор за јадење, чинии за пикници и родендени, чашки за кафе, цевчиња за сок, чепкалки за уши и слични евтини удопства за еднократна употреба. Ќе растеме нокт на мал прст.

САД изгубиле секаква трага од речиси 1.500 имигрантски деца кои лани биле смесетени во згрижувачки семејства. За само 28 од нив се знае дека намерно избегале од новите домови, за останативе не се знае ама баш ништо

Ако индивидуата може да направи едно нешто за спречување на климатските промените тоа никако не е да рециклира, туку да се здружи и колективно да почне да врши притисок врз корпоративната моќ.

Што се однесува на поделбата на богатството општиот впечаток и уверување меѓу Американците е дека државата е поделена меѓу 1% кој поседува значителен дел од парите во земјата, и 99-те проценти или „луѓето“. Иако не го спори ова, Метју Стјуарт од Атлантик лицитира околу процентите.

За тие што ги абат тастатурите уште од времето на Буш помладиот комплетно неверојатно изгледа целата ревизија што периодов се прави на ликот кој беше прогласуван за најлошиот и најнеквалификуваниот претседател на САД, претседателот чија интелигенција беше тема на општ потсмев, и претседателот кој ги постави основите за Гвантанамо, измачување затвореници и масовно прислушување како дома, така и низ свет, елементи кои пак некако успеаа да опстанат и една деценија по него.

Британската влада во јули ќе биде домаќин на самит на тема зошто останатите земји од Европа ТРЕБА да ѝ се приклучат на Европската Унија. Британската влада!