Ако брегзит требаше да биде почетокот на трансформација на силите во ЕУ, по кој националните владите ќе почнеа да си враќаат дел од овластувањата предадени на Брисел, на крај тој се претвори во показна вежба зошто не треба да му се спротивставуваш на Брисел.

„Трескавичното бладање на либералите на тема Трамп-Русија достигна статус на пародија“ е насловот на колумната на Метју Валтер во магазинот Вик, инспирирана од обемната главна сторија на новиот број на Њујорк магазин, чиј краен заклучок е дека актуелниот американски претседател од 1987 е агент на руската влада.

Некогаш беа носени со прогресивни анти-воени, анти-нуклеарни и анти-патријахални идеи. Денес се борат да се венчаат во црква и да влезат во војска, институции кои некогаш ги презираа.

Им се видело многу историја па решиле светот да започне во 15-от век. Стадардните школски тестови во иднина ќе го покриваат само тој период. И таму и овде некој не чул за Сантајана и неговото: „Кој не си го памти минатото, проколнат е да го повторува“.

Светската здравствена организација и нејзините делегати од стотина земји биле подготвени брзо и без проблеми да обноват резолуција за важноста на мајчиното млеко. И потоа наишле на делегацијата на САД која на некои земји им ставила до знаење дека мајчино млеко ќе проплачат ако не се пишманат. 

На некогашниот член на Монти Пајтон му прекипе од денешната хистерична политичка коректност кога од висока позиција слушна коментар дека ако биле составувани денес, Пајтоновците не би биле шест бели дечки, туку би имало многу повеќе диверзитет во таа група. Затоа Тери Гилијам реши да се претставува како црна лезбејка.

Наведувајќи со што сè ЕУ моментално се справува, и нејзината неспособност да постигне „голем договор“ кој ќе ги опфати клучните проблеми, професорот од Принстон по Историја и меѓународни работи, Харолд Џејмс, објаснува дека главниот проблем е сложеноста на ЕУ која речиси не е опремена да функционира во времиња на хаос како денешниве.

Без разлика дали било наплив на милиони мигранти, криза околу формирање Влада, криза околу ЕУ и справувањето со мигрантите, медиумите стандардно со години го предвидуваат крајот на Меркел и почетокот на Европа без канцеларката. И стандардно Меркел од целата работа пак излегува како победник.

„Wirkungsgleich“ е германски термин кој се преведува нешто во рамките на „со ист ефект“ или „еквивалентно ефикасно“, и тој заврши како еден од главните зборови од викенд битката што се разгоре меѓу германските коалициони партнери.

По дефиниција, иселеник е човек кој привремено или трајно живее во држава која не е негова според раѓање, ама во пракса никогаш не сме слушнале вест со „Во Медитеранот потона брод со иселеници.“

Како што колонијализмот го богати западниот дел до Европа, а Африканците кои не беа масакрирани во негово име во најдобар случај завршуваа како робови, така истиот процес успева да го измени самиот состав на планетава, тврдат за Гардијан двајца британски научници.

Големата филантропија е дефиниција за влијанието на плутократите (плутократија - владеење на богатите) врз демократијата, практикување на моќ од страна на богатите која не е под ничиј надзор, не е транспарентна, насочена e од донаторите, нема крај и добива даночни субвенции, порачува професорот од Станфорд и прв човек на Центарот за етика во општеството, Роб Рајх.

Еден од најинспиративните ликови на човештвото, вториот човек што стапнал на Месечината, Баз Олдрин, моментално е сред еден крајно неинспиративен процес - се тужи со сопствените деца.

Иако ракетниот систем С-400 никогаш не е употребен во борба, Русија успева истиот да го продава по страшно висока цена и тоа на држави кои стандардно се сојузници на САД.

На Доналд Трамп му доаѓа убаво кој било од Холивуд да го пофали, не па еден од култните фигури на филмската уметност. Дејвид Линч во актуелниот претседател гледа потенцијал да стане еден од најголемите претседатели кои САД воопшто ги имале. Оние што се ежат на Трамп викаат дека ваквата изјава на Линч му ја разбираат колку што му ги разбираат филмовите.

Тоа што по изборот на Ердоган ќе се истуриш од навреди за турскиот електорат нема да го донесе посакуваниот ефект. Вината е кај демократските институции, пишува колумнистот на Гардијан, Сајмон Џенкинс.

Б-2 е еден од најневеројатните и најнапредни стратешки бомбардери на светот кој е создаван со цел да послужи во случај на нуклеарна војна со СССР. Дваесетина години од неговото воведување во служба, бомбардерот, кој заради цената е произведен во 21 примерок, доби задача да разбие збирштина од терористи сред пустелија.

Кон крајот на мај милијардерот Џорџ Сорос излезе со мрачни пророштва за ЕУ, порачувајќи дека „сè што можело да тргне на лошо за ЕУ, веќе тргнало.“ Од Блумберг сметаат дека предупредувањата на Сорос се типични за „Европа е во опасност“ школата.

Откако првоборците на Кембриџ аналитика уште пред некој месец глатко се префрлија во друга компанија што ја основаа минатата година, сега и остатокот од поставата се снајде за идни ангажмани.

Откако победоносно изјави дека проблемот со Македонија е решен, шефот на грчката дипломатија изјави дека преоѓа на оној со Албанија и дека „нема да оди на одмор додека и тоа не биде решено“. Не дека на Грците им гори баш за утре задутре, ама во влијателните кругови на ЕУ, на чело со Јункер, зрее идејата дека консензусот како начин на донесување одлуки е пречка за нејзината ефикасност. Па да не дојде ден она фамозно право на вето да не вреди ни пет пари.

Требаше 300 имигранти да се удават во близина на Италија, во октомври 2013, за европските политичари да се ужаснат околу страдањата на мигрантите кои се обидуваат да стигнат до Европа. Во 25-те години пред ова се проценува дека најмалку 20.000 луѓе загинале обидувајќи се да стигнат до брегот на стариот континент.

Пред две години во интервју за Ле Монд, Жан-Клод Јункер изјавува: „со крајната десница не е возможна никаква дебата или дијалог.“ Пред некој месец на чело на една од најголемите економии на Унијата дојдоа токму крајно десните.

Со оглед на нивната стартна позиција, ретко која земја имаше повеќе бенефит од интегрирањето во ЕУ од Романија. Стигнаа пари, стандардот се подобрува, но приказната има и друга страна: милионско намалување на населението, 40% од учениците им се функционално неписмени и слично. Накратко, добро е ако си во некој од големите градови. Надвор од нив е гола сиромаштија.

По последниот училиштен масакр во Тексас, наместо поставување на вистинските прашања, таму повторно се отворија дебатите за дизајнот на американските училишта. Те имале премногу прозорци, премногу влезови, те немало доволно бришан простор за навреме да се пука кон напаѓачот. И стварно, затворине што убаво се смислени.