Законот бара од кинескиот сопственик на Тикток, Бајтденс, да го продаде својот удел во платформата во рок од девет месеци до година дена, во спротивно истата ќе биде целосно забранета во САД.

Студија утврдила дека ставови кои отстапуваат од вообичаените и можат да се сметаат за ексцентрични или екстремни, дури и кога не се за политика или религија, привлекуваат повеќе интернет внимание и интеракции. Проблем е што кога ќе се види на што се пали публиката, тоа те мами да продолжиш во таа насока. Така безброј портали се самозакопаа со оние глупите „шокантно“ и „ексклузивно.“

Пред две децении, за да се отвори Gmail беше потребно да се добие покана од некој што веќе има отворено сандаче. Добивањето таква покана повлекуваше чувство на гордост и избраност. 20 години подоцна, онлајн сандачето на Гугл стана една огромна и хаотична збирка од сешто, како шпајз во кој само се оставаат работи кои не ни требаат, а страв ти е да почнеш да го чистиш.   

Милиони корисници на Хром со години ја користеа опцијата за приватно „инкогнито“сурфање убедени дека на тој начин нивните талкања на интернет остануваат приватни и дискретни. Да беше навистина така, Гугл ќе немаше што да брише. Ама има, и тоа милијарди податоци за „приватни“ интернет посети и пребарувања на милиони „инкогнито“ корисници.

Гувернерот на Флорида потпиша закон со кој на децата до 14 години целосно им се забранува пристап до социјалните мрежи, а на 14 и 15-годишниците им треба согласност на родителите за да бидат на социјални мрежи.

За намалување на ширењето омраза и однесување со омраза канадската влада ќе ја зголеми казната за онлајн омраза од пет години до доживотен затвор за поддржување на геноцид.

Иднината е тука и излегува дека таа е многу расистичка. Деновиве пишувавме за ВИ алатката на Гугл, генераторот на слики Gemini GI кој има многу добри страни но едно нешто сигурно не е меѓу нив: историската точност. Но, не се менува само минатото. Технологијата пробува да нè нахрани со лажна слика и за денешнината.

Паралелно со спогодбеното решавање на 5 милијарди долари тешката тужба по истата основа, Гугл јавно откри дека собира податоци од вашето користење на Гугл Хром дури и кога сте во „инкогнито“ начин на работење.

Истражни органи во Англија го истражуваат првиот случај на „силување“ во метаверзум, откако девојче било „нападнато“ во видео игра за виртуелна реалност. Нема физички повреди бидејќи и немало физички напад, но малата била вознемирена откако нејзиниот дигитален лик бил нападнат во виртуелна „соба“. А за оние силни убиства во катаљарда игрици, кога ќе почнат истраги?

Мета бара забрана за користење вештачка интелигенција за политички кампањи, но прашање е дали и како тоа може да се спроведе. Дотогаш, два совета: не конзумирајте социјални мрежи за време на изборна кампања бидејќи таму ве чекаат алгоритмите со пораки создадени па ваш вкус. А ако веќе користите, не верувајте во ништо што ќе прочитате.

Не за ти да се погледнеш самиот на што личиш, туку за да се спречи деца да сурфаат порно на интернет, Британија размислува да воведе системи за „фацијално препознавање на возраст“ кои преку фотографија од вашето лице ќе одлучат дали да ви ја отворат порно страната или не.

Компанија на која Мета ѝ банираше илјадници сметки, неодамна демонстрираше како ВИ може да се користи за мониторирање на расположението на мрежите. На пример, најавени се демонстрации. Се скенираат мрежите, податоците му се даваат на ЧетГПТ и тој ти кажува до каде ќе оди кавгата, дали ќе се прелее на улици и дали ќе треба да се вика полиција. 

Новиот закон за електронска идентификација и автентикација што ЕУ сака да го донесе доаѓа со член кој предвидува дека издавачите на сертификати за енкрипција треба да соработуваат со владите и да им дозволат да го шпионираат енкриптираниот интернет сообраќај.

Користејќи ја опцијата за директен пренос на Доујин (кинескиот Тикток) корисничката Женг Шијангшијанг успева да продаде 10 милиони примероци од најразлични производи што ги промовира на своите преноси во вредност од над 13,7 милиони долари. И сето тоа изгледа многу поневеројатно отколку што звучи.

Иако по Фејсбук се ширеше еден глуп текст за неприфаќање на претплата на платформите на Мета, веста, односно заканата за 10/13 евра месечно беше реална. Засега нема да се оствари ни во ЕУ, не па кај нас (папокот на светот!), ама барем дознавме колку кошта „бесплатниот ручек“. Тој и натаму ќе го плаќаме со личните податоци и дозволувањето Фејсбук снајперски да нè гаѓа со реклами.     

Врвни светски интелектуалци и креативци предупредија дека цензурата ја уништува слободата, замолчува легитимни мислења и ја поткопува демократијата која бара дебата и соочување на различните мислења. Секогаш го имало тоа, само што сега размерите се стравични, благодарејќи на моќните технолошки алатки и „експертите за дезинформации“ кои го чуваат просторот од непожелни мислења. 

Копијата на Икс (Твитер) на гигантот Мета блокира да се интересирате за ковид, но и за ред други „непријатни“ теми. Ќе пуштеле резултати за пребарувањата кога ќе биле сигурни дека тие ќе бидат  „квалитетни.“ Надвор од темата: пишурија беше да се следи како на Threads итно се натопорија локалните квази- прогресивци, среќни што си нашле место далеку од лошиот Маск.  

Опцијата за блокирање корисници на Твитер ќе биде укината од социјалната мрежа, бидејќи, како што објасни Илон Маск, таа нема многу логика.

Давајќи си на себе алиби дека работат на зголемување на стапката на вакцинирани против ковид, функционери на Белата куќа вршеле притисок врз Фејсбук да добијат специјален пристап до алатки со кои располага компанијата, дополнително обвинувајќи ја дека не споделува доволно содржини со владата.

Советници од Белата куќа извршиле директен притисок врз Фејсбук да цензурира содржини кои не им биле по мерак, покажуваат документи објавени од американскиот Конгрес.

Ако мислите дека троловите кои трујат за политика ( кои погрешно ги нарекуваме ботови) се најлоши, веројатно не сте патувале или не сте купувале онлајн. Бидејќи е време за патување и летни одмори, нормално е да ги читате искуствата на другите кои престојувале таму каде што планирате да одите.

Новата социјална мрежа на Марк Закерберг изгуби повеќе од половина од дневните активни корисници само една недела откако беше пуштена за користење.

За неполни два месеца, стапува на сила законот по кој прво големите интернет платформи а подоцна и помалите, ќе треба да отстрануваат содржини кои ќе се оценат за непожелни во „цветната градина“, како што ЕУ ја опиша Жозеп Борел. Европската Унија некако мисли дека ќе ја победи авторитарна Русија и комунистичка Кина ако стане поавторитарна и покомунистичка од нив.

Ако за време на немири во Унијата социјални мрежи не ги испочитуваат барањата од властите за бришење на за нив спорни содржини, тогаш истите овие власти ќе можат целосно да ги изгасат социјалните мрежи.