Млад и амбициозен, но социјално неприлагоден, Артур Шопенхауер му испратил на еден уредник ракопис од неговата книга „Светот како волја и претстава". Уредникот ја одбил, но на крајот од писмото му дал и неколку гратис вонкнижевни совети. Или можеби не?
„Дури и помеѓу буржујските економисти, тешко дека има сериозен мислител кој ќе одрече дека е можно, со средства кои во моментов постојат во смисла на материјални и интелектуални сили, да се стави крај на гладта и на сиромаштијата, и дека сегашната состојба на нештата се должи на социо-политичката организација на светот" Херберт Маркузе, „Крајот на Утопија"
Се сеќавате на изјавата на рускиот омбудсман дека најдоброто сексуално образование е читањето книга? Ајде да видиме кои се ставовите на писателите, во и вон книжевноста, по ова деликатно прашање.
Били Кристл, актер, продуцент, комичар и режисер, кој стана најпознат по „Кога Хари ја сретна Сели", и по тоа што дури девет пати го има водено доделувањето на Оскарите, издаде автобиографија. Богами, има и што да раскажува.
Вчера (24.09) Френсис Скот Фицџералд ќе го славеше својот 117 роденден. Го замислуваме како прави журка на небото во стилот на Гетсби, и со Зелда танцуваат до сабајле. Но она што понекогаш се заборава кога се зборува за него е неговата нежна, татковска страна, која е очигледна во ова писмо до неговата ќерка Франсис.
Марсел Рајх-Раницки повеќе од половина век беше највлијателниот книжевен критичар во германското говорно подрачје. Писателите му се плашеа, а читателите го обожаваа, особено кога се сликаше како кине книга која не му се допаѓа.
Заборавете на кондоми, орални контрацептиви, море најубаво заборавате воопшто на секс, и фатете книга да читате. Не, не ви го викаме ова ние. Ова е порака од рускиот детски омбудсман.
Oткако неодамна ја релативизиравме вредноста на цитирањето како интелектуален чин, најлогичниот след на настаните е да објавиме - цитати за пишувањето!
Берман (1940), кој заради долгата коса и брада дури и личеше на Маркс, промовираше нов начин на разбирање на германскиот филозоф - не (само) како некој кој ги инспирирал советските револуционери, туку и како некој кој извршил влијание врз слободните мислители воопшто.
„Чудна пуританска номенклатура“ е книга од 19. век која содржи примери на ексцентрични имиња, кои биле такви и во времето кога настанале. Нив на своите деца им ги давале пуританците. Не, не тие пуританци.
Taман кога мислиш дека се се знае за некој славен автор, излегува нова биографија за него, со сочни детали кои ветуваат „нови хоризонти во разбирањето на неговиот книжевен опус". Во случајот со Селинџер, клучот за толкувањето излезе дека се наоѓа - меѓу неговите нозе.
Приказна од само неколку зборови. Како твит или хаику, кои дестилираат некакво силно, тешко искажливо чувство. Тоа сигурно важи за овие, кои се хроники на искуствата на американските војници во „војната против теророт".
Сметан за најголем ирски поет по В. Б. Јејтс, добитникот на Златниот венец на Струшките вечери на поезијата од 2001 и на Нобеловата за литература замина во вечните поетски ловишта на 74 години.
Нова биографија на славното „врапче" тврди дека неколку работи кои досега важеа како точни во врска со нејзиниот живот се целосни измислици. Не дека тоа нешто ни менува кога е во прашање нејзината музика.
Ако некој ви понуди книга од областа на „фундаменталните концепти на логичкиот дискурс" вие најверојатно веднаш, и сосема логично, ќе заклучите дека баш тогаш имате нешто работа. Но што ако некој ги одбрал најчестите грешки во донесувањето заклучоци, и ги визуелизирал толку интересно што никогаш нема да ги заборавите, логично, ако воопшто ги прочитате?
Американскиот поет Кенет Голдсмит во уметничка галерија во Мексико сити успеа да собере 10 тони хартија со веб материјал, кои се дел од изложбата „Печатејќи го интернетот".
„Ако знаеме дека смртта е она со кое се раѓаме, тогаш ведрината е она што ни е потребно. Па ние сме смртни, секој од нас е, тоа сите го знаеме. Никој не може да се радува на нечија смрт, бидејќи таа го чека и него" - ова го изјави Мирко Ковач во едно од неговите последни интервјуа.
Ако сте приморани по цел ден да гледате цртани на некој од странските канали сигурно сте забележале дека во нив често се провлекува и по некој скриен цитат, иронија или референца кои како да сакаат кажат: јас (цртачот/сценаристот на глупиов цртан) бев роден и образован за повеќе од ова.
Дури и за еден не-гејмер темата на играва делува промашено. Покрај толку верзии на историски спектакли, тепачки, стратегии, кој е тој кој би сакал да си троши време на игра со човек што се мачи да напише роман, и тоа на машина за куцање?
„Дали е до вложениот труд, или до вродената дарба?" - вака обично размислуваме за врвните уметници, во чии биографии најчесто се вели дека од мали покажале талент за областа во која подоцна се прославиле. Поретко истото прашање го поставуваме за врвните спортисти.
Во Букбокс се обидуваме да промовираме различни начини на кои може да се дојде до книга, разменувајќи ја, или позајмувајќи ја. И ич не ни текнало да претставиме една алатка што ни е ептен на дофат на рака.
„Албертина Саразен (1937-1967) е француско-алжирска писателка. Рано го напуштила училиштето и се оддала на криминал и проституција. Ги напишала нејзините два романа во затвор, а умрела на 29-годишна возраст. Ова ново издание од 2013 е придружено со предговор на Пети Смит.
Бред Стоун, долгогодишен репортер од Силициумската долина, долго време работи на нешто за што се надева дека ќе биде најисцрпната биографија на Безос до сега. Излегувањето на „Продавницата за сè: Џеф Безос и ерата на Амазон" се планира во октомври.
Бизарната навика ревносно да ја следам рубриката со некролози по медиумите понекогаш се покажува како прилично корисна. Инаку можеби никогаш не би слушнала за Конгар-ол Ондар, мајсторот на туванското грлено пеење.