Минхен 1860 го елиминираше Шалке во 3. коло од Купот на Германија со 1:0. Голот падна уште по 5 минути игра, по една лоша проценка на македонскиот репрезентативец, Дарко Чурлинов кој се однесуваше многу комотно во одбрана. Тренерот го казни за лошиот потег и го извади во 22-ра минута.

Минатиот четврток данскиот шампион Брондби гостуваше кај Ренџерс во Глазгов и изгуби 2-0 во рамки од групната фаза на Лига Европа. Еден 18-годишен навивач на данскиот клуб ќе го памти ова гостување по многу нешта.

Во Милан сигурно не е, а и што би правел кога “бранеше“, односно држеше место само поради брат му и го цицаше клубот 1 милион евра по сезона како трет голман. Епа во трета лига е дрвцето.

Гигантите Барселона и Бока Јуниорс објавија дека е договорен пријателски меч во декември а натпреварот ќе биде наречен „Куп Марадона“ посветен на првата годишнина од смртта на легендарниот Аргентинец.

Во фудбалот повеќе не играат имиња, туку желбата, срцето, мотивацијата. Да не постоеа овие карактеристики, немаше да постојат приказни од типот на Шериф Тираспол. Но оваа е поинаква од сите други и неверојатна, а ни доаѓа од Африка.

Легендарниот кошаркар направи шоу по крајот на трката за Големата награда на САД. Ефектно го донесе победничкиот трофеј кон подиумот качен на огромен Кадилак со рогови.

Деветтото коло во Серија А донесе рекорд од четири исклучени тренери, откако црвен добија Мурињо, Спалети, Инѕаги и Гасперини. Да видиме кој се снајде најдобро.

НБА лигата како одново да влегува во конфликт со Кина. Секој чекор на една од двете страни се следи со огромно внимание и со соодветни критики. Сега причина за нови искри е излетот на Енес Кантер на Твитер кој сними 2 видеа со пораки до претседателот на Кина.

На 25 октомври, во понеделникот вечер АЕК Ларнака на гости го совлада Анортозис со 1-2, а резултатот го отвори Иван Тричковски со гол од пенал. Ова беше вкупно осми гол за Македонецот и тоа на седми меч по ред со што влегува во редот на најдобрите стрелци во историјата на кипарскиот фудбал.

Пикантеријата е кратка, ама многу вредна и важнa. Прво затоа што ја отсликува играта на терен. Второ, тоа е најважниот сегмент кај еден тренер во било кој спортски колектив и нешто непоимливо кај еден Фергусон. Трето, ја кажува еден од најмоќните луѓе во фудбалот и го открива изворот.

Никола Јокиќ на врвен начин ја почна и новата сезона. Но момент на слава синоќа во НБА доби и Финецот Лаури Марканен од Кливленд кој заби преку српскиот репрезентативец. На крајот Кавалирс беа поуспешни од Нагетс со 99:87. Јокиќ го заврши мечот со 24 поени и 19 скока и 3 асистенции.

Тој што дрибла е Тарик Лампти, бекче од Брајтон, роден 2000-та, а тој што се обидува очајно да му ја земе топката е Џек Грилиш за кој Сити на Астон Вила му исплати рекордни 100 милиони фунти. Тарик си го работи како сака најскапиот англиски фудбалер и ја забавува публиката и покрај поразот од 1:4.

Tренерот се вика Бошко Јоловиќ и работи во Саудиска Арабија. Од дополнително инфо и немаме потреба, туку бараме да пуштат втор, па и трет дел. Старо, ама многу добро видео. И Џордан им го спомнува.

Мехди Шаири од Каен изгледа гледал многу клипови од Роналдо Луис Назарио да Лима, бидејќи овие движења и маестрална игра со топка, некако на него не потсетија. Многу профи ги изработи, ама ептен.

Маркос Антонио е Бразилец. Денес има 38 години, а на времето играше во неколку европски екипи. Дали на превара или на којзнае што, овој централен бек, стопер, стигна дури и до Жил Висенте, Оксер, ПАОК, Рапид Букурешт.

Марко Балота и Џиџи Буфон како голмани некако ќе ги разбереме, па и дефанзивците меѓу кои се наоѓа по некој постар кој стои позади како командант. Ама напаѓач да не се дава на 40, па уште и во една од најтешките лиги за играње? Само Ибра.

Ѕвездениот тим на Бруклин Нетс доживеа пораз од Шарлот Хорнетс. И покрај 38 поени, 5 скока и 3 асистенции на Кевин Дурент, Хорнетс славеа 111-95. Во екипата и натаму не е контроверзната суперѕвезда Кајри Ирвинг кој остана на ставот да не се вакцинира и со тоа не му е дозволен влез на затворено во салата на Бруклин според законите во Њујорк.

Во дербито на колото во Франција, во 57-та минута ПСЖ остана со играч помалку против Марсеј откако Хакими доби црвен. 15 минути подоцна силите на терен беа израмнети, а најхит ќе беше Лео да му ја додаде и овој да даде гол.

Големото дерби на Италија заврши нерешено 1-1. Интер поведе со 1-0 преку Џеко по една одбиена топка од пречката по силниот шутот на Чаланоглу во 37’ минута. Во моментите кога нераѕурите беа на прагот од три златни бода, во 89’ минута судијата Маријани досуди пенал за Јуве кој го искористи Дибала и кој предизвика големи реакции во јавноста.

По најголемиот срам во клупската историја на Рома која Мурињо и фудбалерите им го приредија на тифозите минатиот четврток во Норвешка (6:1 пораз од Бодо Глимт), синоќа одиграа без голови на дербито со Наполи. Ама Жозе пак направи голем проблем, почна да шутира шишиња поради една судиска одлука и го исклучија.

Гронинген го совлада АЗ Алкмар со 2-0 во мини-дербито на холандската Ередивизија. Првиот гол на мечот, дело на Сирил Нгонг беше нешто феноменално, нешто што не се гледа често.

На Манчестер Јунајтед вчерашниот датум ќе му остави црна флека која не се брише, бидејќи не се памети ваков потоп да имале на домашен терен и тоа забележан во едно од најголемите англиски ривалства. На толку многу имиња во тимот, на Оле пак не му оди и изгледа дека е во очајна ситуација.

100% промашени шанси еден на еден со голман има многу. Сме виделе и еден куп неверојатни зицери на празен гол. Ама ова што го направи напаѓачот на Легија Варшава е новитет кој отвора нови димензии за несмасно реагирање пред гол. Па човеков „измисли нов челинџ“.

Либан носи фудбалска сцена која подобро да ја избришеа, бидејќи ова што го пренесуваат не е фудбал. Будалетинкава кој е излезен од шеснаесетник и не знае кај тера се вика Муад Елафи и брани за Триполи. Старт за робија.