Остров во морето на модерниот фудбал - на Виљареал навивачите му се поважни од парите

Модерниот фудбал е бизнис во кој сè помалку има место за некои стари добри вредности. Има уште малку примери во кои емоцијата кај навивачите е поважна од парите.

Речиси сите условно „помали“ клубови големите продори на меѓународна сцена ги користат да заработат што е можно повеќе. Макар и на сметка на навивачите.

Од друга страна навивачките групи низ годините се обидуваат преку акции, пароли и собири да укажат на безобразно високите цени на влезници кои веќе се сериозни дури и за најбогатите.

Честа појава е најверните следбеници на еден клуб кои се тука и кога се игра некој „помалку важен“ првенствен дуел, да не можат да си приуштат место на голем натпревар од еврокуповите.

Но тоа не е случај со шпанскиот Виљареал, синоним за права фудбалска бајка.

„Жолтата подморница“ го растури Јувентус и стигна до четвртфинале на Лига на шампиони. Таму им се падна Баерн Минхен.

Пред првиот меч на 6 април, од управата на Виљареал излегоа со соопштение дека цените за влезници за оние кои поседуваат сезонски карти ќе бидат 20 евра, а за младите под 25 години цената ќе изнесува 10 евра.

Ова е незамисливо на другите големи европски стадиони од Минхен, Лондон, преку Париз, Мадрид и Торино каде цените на влезниците се преку 70 евра.

Не ни требаат шеици за да го сакаме клубот - бајката Виљареал, клуб кој го прави среќен цел град

22 март 2022 - 16:51

Штета ако сте пропуштиле

Школскиот ден треба да почне подоцна

Кумановско работно време

Реплика на денот

Ивица и Марица се нефер кон вештерките