Питер Крауч даде поддршка на Movember, но брковите не му помогнаа при вчерашниот дуел со Фабрицио Колочини. Тој загуби два заба, а уште еден му е навлезен во вилицата и деновиве треба да подлегне на хируршки зафат.

На денешен ден во 1899-та година Жоан Гампер и група на швајцарски, англиски и шпански фудбалери го оформија еден од најуспешните шпански и европски фудбалски клубови.

Тамам пишавме дека го имаме автоголот на годината и веднаш не демантираа. И тоа не било кој, туку Герет Бејл со нокаут-автогол на натпреварот против Ливерпул.

Валенсија го победи третолигашот Љагостера во рамките на шпанскиот куп со 3:1, а голот на вечерта го постигна Адил Рами кој го совлада противничкиот голман со удар од 50 метри.

Во новата книга на официјалниот клупски фотограф, Мигуел Руиз, се објавени до сега неприкажани фотографии од фудбалерите на Барселона по елиминацијата од Челси во полуфиналето од Лигата на шампиони.

Ако случајно одите на натпревар во Италија на реновираниот стадион на Каљари, немојте да се збуните ако не можете да го најдете седиштето со број 17. На стадионот Ис Аренас во Каљари такво седиште не постои.

За овој лизгачки старт од зад грб со две нозе судијата не покажа црвен картон. Нормално, затоа што се работи за старт од полицаец над навивач кој влета во терен за време на натпревар од израелското првенство помеѓу Макаби Хаифа и Беитар Ерусалим.

Колку и да не го сакате Новак Ѓоковиќ, мора да признаете дека дечкото има харизма и тешко кој може да му одолее на неговиот шарм. Овие бразилски девојки се согласуваат со тоа.

Спортските клубови во минатото имале живи маскоти, а една од нив и тоа како ја промени историјата на еден од најславните фудбалски клубови. Да не беше бернендинецот Мејџор, можеби денес немаше да постои Манчестер Јунајтед.

Јанис Хаџи, син на легендарниот романски фудбалер со македонско потекло, Георге Хаџи постигна прекрасен гол за репрезентацијата за фудбалери до 15 години на натпреварот против Турција.

Во повеќето земји судиите страдаат од хулигани, но во Тринидад и Тобаго полицијата го спасуваше навивачот кој се обиде да го нападне помошниот судија.

И покрај тоа што за последните три сезони на рангирањето за конструктори на првото место заврши Ред Бул, а вредноста на нивниот тим од 2010-та е порасната за 67%, сепак тие се само трет највреден тим во Формула 1. Далеку пред нив сè уште се Ферари и Мекларен.

Додаваме уште еден предлог на нашата листа за новогодишни подароци. Тоа е џемперот инспириран од Златан Ибрахимовиќ кој го изработи една американска уметничка за нејзината изложба во Малме. Сигурно добро ќе му стои на „другар му" Гвардиола.

Можеби звучи чудно, но овој факт покажува колку е краткотраен работниот век на тренерите во шпанската Примера. Жозе Мурињо кој во кариерата до сега во ниту еден клуб се нема задржано повеќе од 3 години, моментално има најголем стаж во лигата.

Легендарната изјавата на комичарот Родни Денџерфилд: „Вчера бев да гледам бокс и изби хокеј натпревар", по којзнае кој пат се потврди и на дело. На натпреварот од AHL (американската хокеј лига) помеѓу Портланд и Ворчестер имаше премногу тепачки, а на моменти и по неколку одеднаш па камерите не успеаја да ги регистрираат.

На денешен ден пред една година во неговиот дом беше пронајдено безживотното тело на Гери Спид. Тогашниот селектор на фудбалската репрезентација на Велс си го одзеде животот со бесење, а фудбалскиот свет веќе цела година си го поставува прашањето: „Зошто?"

Огромен број на светски медиуми, а потоа и голем број на македонски медиуми ја пренесоа изјавата на Бенитез од 2007-та година кога тој изјавил дека никогаш нема да седне на клупата на Челси. Овие медиуми беа жртва на интернетот.

Себастијан Фетел се запиша во историјата на Формула 1 како најмлад трикратен шампион. БиБиСи направи ретроспектива на неговата сезона со ова одлично видео.

Што ако Каталонија добие независност? Кој ќе победи при евентуален дуел на Шпанија и Каталонија?

Тетекс го совлада Силекс со 2:1 во дербито на дното од македонската Прва лига, а домаќините може да слават и повисока победа, но Владимир Секулоски - Љаки со ударот од белата точка за малку ќе ја префрлеше и трибината на стадионот во Тетово. Серхио Рамос може вода да му носи.

Во 13-то коло од шпанската Примера, екипата на Барселона славеше на гостувањето кај Леванте со 0:4, а на поголемиот дел од овој натпревар на теренот играа 11 фудбалери кои се производ на нивната академија.

Екипата на Ход која едвај се спаси од испаѓање во трета лига, во финалето на норвешкиот куп го победи Тромсо и следната сезона ќе ја претставува оваа земја во Лига Европа.

Во дуелот помеѓу најтрофејните екипи во Италија, Милан со спорен пенал го победи Јувентус, но голманот на актуелниот шампион призна дека неговиот тим го заслужил поразот.