Додека Демократите даваат се од себе за да им пројде импичментот, Доналд Трамп постави претседателски рекорд постирајќи 125 твитови и ретвитови во еден ден.

Откако „влијателните“ успеваат спектакуларно да ја кренат продажбата на неколку производи за кои стандардно треба рецепт од доктор, министерството за здравство почнува со лов на само-прогласените Јутјуб / Инстаграм здравствени гуруа.

Иако не е погрешно да ги опишеш и како „оние што прават смешни клипови“, КолеџХумор е видео продукција која има над 100 вработени. Од пред некој ден речиси сите овие вработени беа отпуштени.

Почна со видеа со мачки, стана алтернатива на телевизијата, а во следната итерација се очекува дека ќе се врати како исполирано, корпоративно изедначено воскресение на телевизијата.

Или глобалните он-лајн статистиките на кои се базира милијарди долари вредна индустрија за рекламирање се комплетно погрешни, или сите лажете дека не гледате порно, затоа што трето објаснување нема како два порно сајтови се најдоа меѓу десетте најпосетени за годинава на светско ниво.

Во декември 2018 ненадејно почина еден биткоин тајкун на чие име имаше 145 милиони долари во биткоин. Проблемот е што овие 145 милиони долари уште се на негово име.

Во говор кој инстантно се рашири, Саша Барон Коен, по основа на анти-семитизам и слични зла пред некое време го обвини Фејсбук дека е „најголемата пропагандна машина во историјата“, порачувајќи „само замислете што Гебелс би можел да постигне со Фејсбук“. Тоа што Барон Коен изостави, е дека Фејсбук за некои е слобода.

На глобалните јавни услуги (од здравство до полиција и пожарна), државните службеници и проекти им се ускратени над 100 милијарди долари во данок што големата шесторка од Силициумската долина го избегнува на секој можен начин.

Единствениот критериум за големото бришење е дали некој се има логирано на Твитер во последните 6 месеци, па ако не сакате ботовите да ви изрикаат сега е време да им посветите два клика внимание.

„Ако го оставиме да тера вака како што е сега, многу работи ќе тргнат на лошо“, проценува сер Тим Бернерс Ли, човекот кој во 1989 година прв оствари HTTP комуникација а денес е директор на конзорциумот кој го надгледува развојот на глобалната мрежа.

Изминативе месеци, не по лична волја на сопственичките, ги снема Инстаграм профилите на стотици порно ѕвезди и сексуални работнички кои ги почитувале правилата на социјалната мрежа идентично како и регуларните ѕвезди.

Во вест што ќе го израдува секого кој објавува постови за порција крилца на попуст и сонува дека еден ден може ќе дотера и до пар патики, агенција за анализа на пазарот објавува дека цените за инфлуенсерството се скокнати за над 10 пати.

Во новите правила што Јутјуб ги воведува од декември (по основа кој не сака, слободно нека напушти), компанијата „нема обврска“ да хостира ничие видео што не и се бендисува, а и тие што ги хостира ќе треба да почнат да носат пари.

Алибаба официјално го води како Денот на самците и е празник што го презеде од кинеските студенти, кои го започнаа во 1990-те како прослава на Кинезите без партнер/ка. За само десет години тие успеаа денот да го претворат во најголемиот шопинг настан на светот, привлекувајќи стотици милиони луѓе кои заедно за еден ден ќе потрошат десетици милијарди долари.

Намерата на новото лого е да донесе „чувство на оптимизам“ околу брендот што на светот му го донесе Кембриџ аналитика скандалот.

Официјално, после првиот обид за самоубиство, милијардерот, педофил и близок човек на добар дел од американските елити, беше преместен во одделение со висока безбедност каде требаше да се внимава тој да не си го одземе животот. По неколку дена, Епстин се „самоуби“. И барем за меинстрим медиумите приказната тука заврши, ама не и за добар дел од јавноста, посебно онаа на интернет.

Да не им баксузираме со нашиот „Ден на дрвото“, Јутјубери решија да се организираат и да соберат пари за да ја пошумат планетата со 20 милиони дрвја. Во нивната математика, слично како и во гореспоменатиот „Ден на дрвото“, една садница чини 1 долар.

Откако императорот Закерберг обзнани дека на натпреварот за претседател 2020 ќе дозволи политичарите да лажат во предизборните реклами, една од поранешните вработени на Кембриџ Аналитика (и клучен сведок во нивните злодела низ светот) порача дека кампањата на Трамп ќе има значителен бенефит од ова.

Нов американски закон во основа предвидува дека директори на технолошките џинови треба да бидат одговорни за постапките на својата компанија.

Ни помалку ни повеќе човекот има уредувачка одговорност за Европа, Блискиот Исток и Африка, додека во исто време е припадник на единицата за психолошка војна и пропаганда на британската армија.

Не постои агенција и држава на светот која знае толку многу за своите луѓе (а не па странци) како што знаат Фејсбук или Гугл, порачува некогашниот прв човек на британските разузнавачи задолжени за следење комуникации.

Во јавноста протекоа околу 2 часа снимано аудио во кое Марк Закерберг, налик почетокот на секој филм за подемот на масовен глобален култ, ги регрутира своите вработени за идната борба против критичарите, конкурентите, американската влада и што и да е останато што ќе му застане на пат.

Ако сакате интернетот да го заборави вашето минато, најдобро е да се преселикте во ЕУ. Таму Гугл мора да ги тргне непријатните линкови за вас ако тоа го побарате, на други места не.

ХБО Макс даде 1 милијарда долари за „Big bang theory“, Нетфликс годишно располага со по неколку македонски буџети што ги троши на содржини, слично е и со Амазон Прајм, а ништо послаби нема да бидат ни Дизни+ или Епл ТВ+. Единствена причина за ваквото баснословно трошење е ексклузивното поседување на содржините. Токму тоа е и проблемот.