Па така во петте термини што Србија најмногу ги пребарувала годинава во исто време се наоѓаат и Коби и Исидора, и тоа по следниот редослед: Google Classroom, Koronavirus, Izbori u Americi, Kobe Bryant и Isidora Bjelica. Од спортски настани најголем интерес имало за тенис иако НБА е на прво место: NBA, Srbija - Škotska, Roland Garros 2020, Australian Open 2020, US Open 2020. Изненадувачки е што на 9-то место како најпребаруван спортски настан е - Inđija - Crvena zvezda.
Во ТВ продукцијата Србите главно се држат до домашните серии. Најпребарувана е српската „Igra sudbine“, па „La casa de papel“, на трето место е турската „Nemoguća ljubav“ (Hercai), па има уште две српски „Južni vetar“ и „Ubice mog oca“.
Хрватите имаат 6 категории. Најпребарувани термини во земјата се: Koronavirus, Google Classroom, Office 365 za škole, Potres Zagreb и Kobe Bryant. Од рецепти што годинава ги интересирале Хрватите биле: Kruh recept, Palačinke recept, Dalgona kava recept, Musaka recept, Pizza recept
Кај ТВ сериите само една од петте за која се интересираат Хрватите е од домашна продукција: прва е La Casa de Papel, па Ljubav osvetnika (Hercai), хрватската Drugo ime ljubavi, српската Južni vetar и на петто е Broadchurch. Од „How“ категоријата, главните пребарувања во Хрватска се: Kako napraviti kvasac, Kako napraviti sredstvo za dezinfekciju, Kako do e-Propusnice, Kako napraviti masku и Kako nastaje potres.
На Бугарите Гугл им вади три категории: коронавирус, личности и рецепти. Кај коронавирусот Бугарите најмногу ги пребаруваат термините: коронавирус съвети, коронавирус новини, worldometers, единен информационен портал и извънредно положение. Прв на листата на најпребарувани личности е тамошниот тајкун и најбогатиот човек во Бугарија, Васил Божков, па по него следуваат: Джо Байдън, Доналд Тръмп, Ким Чен Ун и Генерал Венцислав Мутафчийски.
Од храна, Бугарите во 2020 ги интересирале: леща рецепта, кисело зеле рецепта, крем брюле рецепта, тирамису рецепта, мусака рецепта.
Глобално, топ 10 најпребарувани термини за 2020 се:
1) Coronavirus
2) Election results
3) Kobe Bryant
4) Zoom
5) IPL
6) India vs New Zealand
7) Coronavirus update
8) Coronavirus symptoms
9) Joe Biden
10) Google Classroom
П.С. Најпребарувана ТВ серија на светот во 2020 е - Tiger king.
