Сметките се хакнати преку упад во системите на Твитер, а не преку поединечно хакнување на секоја од жртвите. Откако добиваат пристап до едни од најпопуларните, и со најсериозна тежина, Твитер сметки напаѓачите масовно почнуваат да твитаат пораки во кои се обидуваат да ги измамат следбениците да префрлат криптовалути во нивни паричници.
Ветувањата од светски познатите милијардери, политичари и ѕвезди е дека тие како акт на филантропија ќе ја дуплираат сумата на биткоин што корисниците ќе ги уплатат на нивните биткоин сметки.
Седум часа по масовното преземање Твитер сметки, се обраќаат и луѓето од Твитер кои признаваат дека напаѓачите успеале да преземат контрола измамувајќи и на друг начин убедувајќи ги вработените да им го предадат својот пристап.
„Откривме, она што веруваме дека е координиран напад со социјален инженеринг од лица кои успешно таргетирале некои од нашите вработени што имаат пристап на внатрешните системи и алатки.
Знаеме дека го искористиле овој пристап за преземање контрола врз повеќе сметки со голем број следбеници. Разгледуваме која друга малициозна активност ја спровеле или информација до која пристапиле, и дополнителните информации ќе ги споделиме кога ќе ги имаме,“ беше објавено на официјалната сметка на @TwitterSupport.
We detected what we believe to be a coordinated social engineering attack by people who successfully targeted some of our employees with access to internal systems and tools.
— Twitter Support (@TwitterSupport) July 16, 2020
Во текст објавен на Мадерборд, се цитираат неименувани хакери, придружени со скриншотови, во кои се тврди дека хакерите добиле пристап до системот откако му платиле на висок вработен на Твитер.
