- Технолошкиот тајкун кому не му се туѓи деловните ризици, предупредува дека постои ризик кој САД не смеат да си го дозволат: да банкротираат.
- Токму тоа ќе се случи доколку Америка агресивно не ги прифати новите технологии како вештачка интелигенција и роботите, тврди Илон Маск.
- Маск ја повтори својата загриженост за зголемениот национален долг, бидејќи каматните плаќања за долгот го надминаа воениот буџет. Потсети дека земјата плаќа 1 билион долари само за каматни плаќања на долгот.
- „1.000 посто ќе банкротираме и ќе пропаднеме како држава без ВИ и роботи. Само тоа може да го реши националниот долг,“ предупреди Маск на еден поткаст.
- Арбен Фетаи. Беше вицепремиер за „добро владеење.“ Со месеци немаше одено на работа а земаше плата. Конечно, на 10 јуни оваа година даде оставка.
- Два месеца подоцна, владата го назначила за „специјален пратеник за Европската Унија“ и ќе оди во Брисел. Човекот се пофали за тоа на Фејсбук, само на албански јазик.
- Го виде ама пак види го насловот.
- Македонија остана без пристап до околу 60 милиони евра од програмата ИПА наменети за третата делница од железничкиот Коридор 8 кон Бугарија, затоа што во предвидениот рок не бил склучен договор за изградба на пругата.
- За да продолжи да го реализира проектот, Владата до Собранието достави измени на законите за заемите од Европската банка за обнова и развој и од Европската инвестициска банка од по 175 милиони евра. Не се бара ново задолжување, туку се менува начинот на спроведување.
- Според предложените измени, носител на проектот ќе биде ЈП Железници на Република Македонија, кое ќе ги спроведува тендерските постапки, ќе избира изведувачи и ќе склучува договори. Новиот тендер ќе ја опфати само изградбата на делницата од Крива Паланка до западниот портал на прекуграничниот тунел.
- Министерството за финансии во 2023 година соопшти дека за завршување на последната делница од пругата до границата со Бугарија се обезбедени 560 милиони евра од Европската инвестициска банка, Европската банка за обнова и развој, од ЕУ преку ВБИФ грант и 60,77 милиони евра преку ИПА програмата.
