По неколку месеци тестирање Твитер за сите корисници ја пушта опцијата за оставање бакшиш на секој корисник што некогаш ти дошло да му оставиш пари за твитови.

Фејсбук има програма во која милиони ВИП корисници се заведени на белата листа со што се ставени вон сите правила и стандарди за модерирање на содржини на социјалната мрежа.

Милиони пораки разменети преку апликацијата на Вотсап, кои наводно треба да се енкриптирани и недостапни за никого освен за луѓето што ги праќаат/примаат, редовно се евидентирани и читани од вештачка интелигенција или луѓе модератори на Фејсбук, открива истрагата на Пропублика.

Најскапата публика за огласувачите, САД и Британија, минува повеќе време на апликацијата на ТикТок отколку на Јутјуб.

Наместо целосно блокирање и бришење на порнографијата на платформата, Онлифанс деновиве изгледа подобро се преброи и одлучи дека сака да биде „дом за сите креатори“.

Доаѓаш на работа гледаш кој ти е таргетот за денот, стискаш копче и почнуваш. На екран се појавува првата содржина. Гледаш што е, носиш одлука, стискаш неколку копчиња, таа ја снемува и се појавува следната содржина, и следната, и следната. А содржината што се појавува се некои од најодвратните работи што ги има на интернет.

ЦЕО-то на Јутјуб доби награда за „слободно изразување,“ во настан спонзориран од самиот Јутјуб. Свечената прилика се искористи да се објасни како функционира цензурата.

Он-лајн енциклопедијата е преземена од левичарски „волонтери“ кои изворите што не одговараат на нивната агенда ги отпишуваат како лажни вести, порачува човекот кој во 2001 ја ко-основаше Википедија, Лари Сангер.

Откако Бајден низ муабет спомена дека социјалната мрежа „убива луѓе“ со тоа што дозволува да се шират дезинформации за вакцините против ковид-19, Фејсбук излезе со статистики дека тоа не е така.

Стручњаци за компјутерска безбедност открија девет малициозни андроид апликации кои од Гугл Плеј биле преземени речиси 6 милиони пати. Тргнати се од дуќан, но ако ги имате симнато во телефон, и натаму прават белја.

Социјалната мрежа до сега јавно вети а и спроведе искоренување на секоја ваква активност, меѓутоа исклучиво од „странско“ (не-американско) потекло.

Дилемата дали Инстаграм (алогоритамот) се има променето или корисниците пораснале и веќе не се заинтересирани, доаѓа од проблемот како Инстаграм стана толку досаден.

Социјалните мрежи стануваат глобален политички фактор кој не дошол на таа позиција преку избори туку со (зло)употреба на моќта која ја имаат. Акаунтот на Трамп е замрзнат на Фејсбук и Инстаграм на две години а претседател на една африканска држава напиша нешто што не му се бендиса на Политбирото на Твитер па просто - го избришаа.   

Истражување на Касперски ги покажува трендовите во последните две години меѓу децата на интернет. За родителите, убава вест е дека нивните млади доста слушаат музика. За нив, уште подобро е ако нивните млади слушаат музика со слушалки. 

Алармот го вклучи ФСБ, според кои странски хакери упаднале во руски федерални агенции во организирана кампања за дигитално шпионирање, која е „без преседан“ по својата софистицираност и обем.

Со украдени милијарди долари од банки, единиците за сајбер-војна на кореанската армија се многу подиректна и поитна закана отколку нејзината забранета нуклеарна програма.

Не вие да заработите пари, туку тие да заработат пари. Цената на платениот Твитер би била 2,99 долари месечно, а вклучува опција за „undo tweet“ и организирање на твитовите во колекции.

Се вика „интернет компјутер“, почна да постои во понеделникот, веќе е влезена во топ 10 криптовалути во светот и има вкупна пазарна вредност од 45 милијарди долари.

За сега не е отворена закана туку е фино спакувана во „помогнете Фејсбук / Инстаграм да останат бесплатни“, и е упатена кон корисниците на Ајфон што ќе го инсталираат апдејтот кој треба да го блокира постојаното шпионирање од социјалните мрежи.

Умрел оној чичко чија заразна насмевка беше една од најискористените подлоги за разно-разни интернет заебанции на која тема сакаш. Требаше да почине па да дознаеме за што уствари се смее на оригиналот.

Сноупс со децении беше и уште е ултра корисен сајт за проверка на вистинитоста на митови, легенди и стории кои вирално кружат по интернет. Станаа и соработници на Фејсбук за проверка на факти. А потоа, работите тргнаа удолу. 

Речиси 85% од порно содржините на интернет луѓето ги гледаат како да се казнети, на мобилен или на таблет. Само 15% консумира порно на екран со асална големина.

Австралиското министерство за здравство, на својот сајт има дел за прашања и одговори во кој без ронка надменост, одговараат и на најглупите прашања. Mеѓу нив и дали со помош на вакцината може да се споиме на интернет.

Прва беше Алибаба која мина со казна од 2,8 милијарди долари, и таа е наведена како пример за 34 други локални гиганти на кои кинеската држава главно им го забранува насилничкото монополско однесување карактеристично за западните веб џинови.