Онлифанс ја поткупилe Мета (Фејсбук) да стави илјадници порно ѕвезди на листата на потенцијални терористи, за истите да не можат да ги промовираат своите порно содржини што ги продавале на конкурентски сајтови.

Претставувајќи му се како Виталиј Кличко (кој е градоначалник на Киев), познатите руски пранкстери Вован и Лексус извлекоа интересен став на градоначалникот на Мадрид: Главниот град на Шпанија е расположен да депортира Украинци и да ги праќа на фронт против Русите.

Највисоките кинески воени функционери немаат кренато на повеќе телефонски повици од нивните колеги од САД, откако Пелоси реши дека сепак треба да слета во Тајван.

Организација со седиште во Лондон а поврзана со украинската влада е обвинета за несовесно загрозување животи со објавување список на „предавници“ со лични податоци, фотографии, па дури и семејни податоци на наводни руски соработници. Вклучително и деца.

Со судски налог, ФБИ влезе во домот на екс претседателот во Флорида. Мајкл Мур, Розен Аркет и други познати фаци кои не го поднесуваат Трамп, не го кријат одушевувањето. Би рекле дека е неубаво тоа од нив, само што не сме сигурни дека и ние не би биле радосни кога полиција би влегла кај некој екс-државник кој ни ја продаде државата и попат зачува бомби за рекетирање луѓе.

По правење секакви отстапки околу човекови права, медиуми, војна на соседни држави, и поскапи цени на енергенси, ЕУ на крај сепак потпиша договор со Азербејџан кој треба да биде каква таква замена за руските енергенси. Деновие и таму од ведро небо се припука.

Втор мандат на Бајден или Трамп би било „најлошото нешто што би можело да се случи“ сметаат нешто помалку од 40 проценти од анкетираните Американци.

Полјаците прават математика за парите што Москва ќе ги изгуби заради санкциите од ЕУ, и излегува дека Русија ќе мине подобро отколку Полска со казните од Унијата на која е членка.

Планинарите со амбиции за искачување на Монблан во иднина ќе треба да остават 15.000 евра депозит кај локалните власти пред да тргнат нагоре, откако десетици планинари решиле да ги игнорираат предупредувањата за искачување на планината.

Минатата недела организацијата објави извештај во кој ги обвини украинските сили дека ги загрозуваат цивилите со тоа што се барикадираат во цивилни области, згради, училишта и болници, што за британски Тајмс покажува колку Амнести интернешнл станале пропагандисти на Путин.

Соочен со опасноста од премрзнување на народот и гасење на фабричките погони, германскиот канцелар порача дека продолжувањето на животот на германските нуклеарки всушност има смисла.

Лидерот на Ал Каеда не бил убиен со експлозија од проектил, туку бил распарчен од сечила на „летечки Гинсу“ проектил на балконот од неговата резиденција во Кабул.

Се гаси улично осветлување, базени не се топлат, цели градови ја гасат топлата вода за туширање, претседателската палата во Берлин веќе не е осветлена, а општини низ земјата подготвуваат „центри за греење“ на кои луѓето би можеле да се загреат за зимоска да не измрзнат. Сè ова само за да се забави празнењето на резервите со гас за зимоска. И сè може да е задоцнето.

Анатолиј Чубајс, поранешен вицепремиер на Русија, човекот кој го воведува Путин во политиката и се до почетокот на војната работи како негов советник, деновиве е хоспитализиран во „критична состојба“ на непозната локација.

Шпанија воведе вонредни мерки за заштеда на енергија. Во затворени јавни објекти не ќе смее да се држи поладно од 27 целзиусови степени. Зимно време ќе може да се грее најмногу до 19 степени а дуќаните ќе треба да гасат светло во 10 саат навечер.

Залихите на САД со ракети за ХИМАРС системите се неколку десетици илјади, меѓутоа проблемот е што Украина ги троши ракетите како сите овие да се за нив.

Додека целосна цивилна и воена администрација на САД пробуваат да ја пишманат Пелоси од посетата на тајванскиот остров, првиот човек на републиканците во сенатот најјавно ја сска дека не смее да уцвика пред Кина.

Виктор Бут е поранешен советски офицер и еден од најлегендарните светски трговци со оружје, кој моментално одлежува 25 години казна затвор во САД. Сега Си-ен-ен објавува дека САД е подготвен да го трампа Бут за двајца нивни што лежат затвор во Русија.

Британски пратеници од Конзервативците, балтички држави, и украински пратеници, се силно застанати зад потенцијалната кандидатура на Борис Џонсон за генерален секретар на НАТО. Наспроти Џонсон пак истопорено е едно многу веројатно француско вето.

Сименс енерџи објави дека спорната турбина за Северен тек 1 е готова за испорака, само се чека Газпром да пушти некои документи за на царина за транспортот да може да тргне.

Пред неполна година Запад му вети на Конго половина милијарда долари за да ги заштити своите прашуми кои се драгоцени за климатскиот баланс. Се случи Украина и Запад комплетно го заборави Конго. Тие сега решаваат да се копа нафта и гас кај нив, зашто додека ја спасуваат планетата, ќе умрат за јадење.

Папата Франциско им се извини на домородните луѓе во Канада заради злото кое им е правено за да се асимилираат и претопат во белата Канада. Културниот геноцид е правен исто како што е планирано да се прави кај нас - преку образованието.

Истиот проблем што Русите го имаат со руските медиуми, Западот го има со своите медиуми, барем за тие што се обидуваат да дознаат реално кој победува, а не кој Западот би сакал да губи.

Предложениот план на ЕУ за намалување на потрошувачката на гас од 15% на ниво на цела Унија, за сега наидува да одбивање од членки како Грција, Шпанија и Португалија, кои на централата и објаснуваат дека гасот им треба и дека немаат простор за намалување.