Го памтите оној затвореник од драматичното видео на CNN кој излегува од тримесечна самица во Дамаск со средена брада и нокти? Ако не, видете во „Кому му се верува, нека верува“. Дури подоцна проверија за кого се работи. Озлогласен член на силите на Башар ал Асад, познат по тоа што ги мачел оние што одбивале да му платат. Фатени живи, CNN признаа дека утнале.

Просечниот корисник на социјалната мрежа годишно со своето скролање по клипови на Тикток создава штетни гасови колку што кола на бензин би произвела на дистанца од 200 километри.

Воениот вакум во Сирија после падот на режимот на Башар Ал Асад Израел го користи максимално: моментално ги изведува најжестоките напади во таа земја во последните 14 години, срамнувајќи сè што е воен објект. Сеизмолозите веќе не знаат кој потрес е од земојотрес а кој од нивните експлозии. Во меѓувреме, Тел Авив го населува Голан со Евреи бидејќи знае, планината е на оној кој ги има овците. 

Во 2020 година, сириската војска броеше 130.000 јако опремени војници. Кога кон крајот на ноември, неколку илјади исламистички бунтовници од Хајат Тахрир ал-Шам (ребрендирана филијала на Ал Каеда), ја започнаа својата офанзива кон крајот на ноември, никој не им предвидуваше триумф. Па сепак, за две недели сè беше готово. Накратко: така е кога платите се мали, корупцијата голема а војската ти ја командуваат странци.

Што ќе биде со оние државни проекти кои веќе се минати на тендер? - го праша своевремено новинар аргентинскиот претседател Хавиер Милеи, сомневајќи се во неговото ветување дека ќе ја победи огромната буџетска дупка. - Ќе им кажеме дека нема пари. - Ама... - Ама ќе го отпуштам секој министер кој ќе потроши повеќе отколку што треба, се закани Милеи. И така, миц по миц....

Магазинот Тајм повторно го прогласи новоизбраниот американски претседател, Доналд Трамп, за Личност на годината. Таа долговечна листа се прави од 1927 година и во меѓувреме беше толку девалвирана со некои избори што фановите на Трамп и немаат причина многу да слават. Посебно што во конкренција годинава му беше и Камала Харис. А неа може да ја победи и во ластик.

По филмското враќање на Трамп во Белата куќа, сосе избегнувањето и затвор и убиство, Закерберг реши дека треба со добро да го почне вториот мандат на американскиот претседател па одлучи да ја спонзорира неговата инаугурација.

Нето вредноста на Илон Маск за прв пат ја надмина границата од 400 милијарди долари, што е рекордна сума за него и за кој било друг милијардер на кој јавно му се знаат парите.

По заземањето на Голанската висорамнина, Израел ги искористи најматните денови од падот на Асад за на долг рок да заврши уште една стратешка цел - уништување на сириската морнарица.

Како што сириските милитанти се побрзо напредувале кон Дамаск, Русија, која се чуди како толку доцна разбира за опасноста, го убедила сирискиот претседател Башар Ал Асад, да се откаже од каква било борба и да го фаќа авионот накај Москва.

Администрацијата во заминување размислува за давање на серија превентивни помилувања на бројни сегашни и поранешни американски јавни функционери што би можеле да настрадаат во идни постапки кои потенцијално би ги започнал Доналд Трамп.

Жртва на терористичкиот напад во Манхајм, кој беше прободен со нож од исламист заради неговите критики на Исламот, шест месеци по обидот за убиство е осуден од германската држава за омраза заради своите ставови и критики на Исламот.

Војната во Украина влегува во нова фаза: дронови напаѓаат дронови. Иако се користеа и претходно, во украинската војна тие доживеаја бум. Се користат за напади на командни пунктови, магацини, инфраструктура, оклопни возила и тенкови, а во последно време сè почесто и за напади на други беспилотни летала.

Доколку Украина ја заврши војната во 2025 тоа најверојатно ќе го направи по цена на жртвување на дел од територијата која изминативе години не можеше да ја ослободи од руската војска. Надежта на Украинците е дека за возврат би добиле „помала, но посреќна и побезбедна Украина.“

Неделава силите требаше да ги одмерат двајца најдобро пласирани романски претседателски кандидати:  ТикТок 'ѕвездата' Калин Георгеску и поранешната тв новинарка Елена Ласцони. Но, само 48 часа пред отворање на гласачките кутии, Уставниот суд реши да го поништи целиот процес заради руска вмешаност. Истовремено се оддржаа и парламентарни избори, ама, види чудо, тие резултати на државата ѝ се чинат неспорни.

Американската амбасада во Сирија во 2017 година објавува награда за озлогласениот терорист Абу Мухамед Ал Џавлани, нудејќи 10 милиони долари за негово откривање или ликвидирање. Седум години подоцна, откако Обама рече „Асад мора да замине“, денешен Вашингтон прилично неутрално порачува дека „внимателно го следи развојот на настаните во Сирија.“

Два месеца откако влегуваат во брак, Кинез уплаќа животно осигурување на својата нова сопруга, чиј краен корисник е самиот тој. И тоа не е едно, туку неколку. За жал ништо од ова не и е ни најмалку сомнително на жената.

Уште месец и половина останува до стартот на вториот мандат на Доналд Трамп. Веќе се познати имињата на клучните лица во власта и агенциите а најмногу се очекува од новиот оддел DOGE (Оддел за владина ефикасност), кој ќе делува како советодавно тело надвор од самата влада. Ќе го водат Илон Маск (Тесла, Спејс Икс, Икс) и републиканскиот политичар Вивек Рамасвами.

Белата куќа составила стратегија за засилување на Украина која треба да биде испорачана пред доаѓањето на Трамп на власт. Таа вклучува 20 милијарди долари во заеми и дополнителни сеопфатни санкции против Русија.

Воената хунта во Нигер која на власт дојде минатата недела, вети дека ќе ги ревидира и поништи сите договори кои претходните власти галантно ги имаат склучено со странски фирми за експлоатација на екстремно богатите рудни наоѓалишта во земјата. Први тоа го почувствуваа Французите кои менаџираа рудници со преку 200.000 тони ураниум.

Само во ноември Украина изгуби повеќе територија отколку територијата на цел Њујорк (градот), што претставува најголема загуба на територија од септември 2022, кога ја организираше својата најуспешна контра-офанзива.

Дел од највисоките украински функционери преговараат со колегите од идната американска администрација во надеж дека ќе ги намалат разликите што ги имаат со Трамп за тоа колку Украина треба да попушти во идните преговори.

За прв пат по 27 години холандското министерство за одбрана размислува за воведување задолжителен воен рок во земјата. Веќе имаат план што треба да се направи и сфатиле дека многу треба да се направи, ама веројатно друго решение нема да има.

Полјаците буквално го сфатија надмениот опис на Жозеп Борел за ЕУ како „градина“ чии луѓе и институции имаат обврска да ја штитат од „варварите“ од надвор. На источната граница поставуваат тн змејски заби, бетонски фортификациски објекти кои се користат уште од Втората светска војна и со нив прават одбрамбен бедем. Колку долг? 800 километри!