Во понеделникот, една од најсмртоносните милитантни групи на Египет, Ансар Беит ал-Макдис, вети послушност на глобалниот господар на теророт. Ова е најголемата, ама не и прва терористичка група која се подаде пред ИСИС.

Во конкуренција на 142 држави Норвешка е најпросперитетна нација на светот. Ова на Норвешка и е шеста година по ред како таква. Ние сме 69-ти, Белизе е 58-мо.

Организацијата за промоција на бела супериорност преку убивање, палење и бесење црнци, Евреи, гејови, латиноси и се останато што не е супериорно бело, одлучи да се ребрендира со цел "новиот клан" да може да привлече повеќе членови посебно црнци, Евреи, гејови, латиноси и се останато што не е супериорно бело.

Саудиското кралско семејство на Блер му исплаќало 52.000 евра месечно и 2% од вредноста на секој договор што Кинезите ќе го потпишат за трошење саудиска нафта. Соработката на Блер со Саудијците е во времето кога тој е мировен пратеник за Средниот Исток.

Со глава низ куп плочки, кршење гранитна плоча на гради со чекан, кршење сијалици со еден прст, се дел од квалификациите што треба да ги минеш за да ја добиеш најголемата чест во твоето постоење - да го штитиш животот на врховниот лидер, објаснува за СиЕнЕн поранешниот телохранител на Јонг Ил.

Американците до сега имаат извршено 800 воздушни напади против ИСИС, во кои имаат уништено сè од командни центри, до рафинерии, оклопни возила, бункери и ниту еден убиен водач на терористичката организација.

Како уметност, спинот комплетно е издишан, претерано искористен и мртов. Тој е пародија на самиот себе. Евтина комедија. Кич. Со години како што двете страни се оддалечуваат и се повеќе влечат на своја страна, така и целата пракса се движи кон спинсурдност (спин + апсурдност), пишува магазинот Политико по општите избори во САД.

Има извршено над 400 борбени мисии, убиено над 30 мети и еден од најодликуваните членови на СЕАЛ на сите времиња, се вика Роб О'Нил и е човекот што во Аботобад со три истрели во чело го елиминираше лидерот на ал Каеда, објавува Дејли Меил.

Прва масовна и заради одредени одлуки една од најскапите војни (Германија да им плаќа репарација на победниците), во 2014-та, 100 години по почетокот, Британија уште го отплаќа својот долг од учеството во Првата светска војна.

Откако го апсат заменик директорот на Националната управа за енергетика (на Кина), властите почнуваат да му пребројуваат колку мито во готовина заплениле кај него дома. До крај на пописот им се расипуваат 4 машини за броење пари.

Поранешните сојузници на Западот и луѓето кои ја спасуваа Либија од Гадафи, ја внесоа земјата во комплетен хаос за кој сега никој во светов не е ни најмалку заинтересиран, порачува Амнести интернешнл.

На портите на Аушвиц стоеше дека работата го ослободува човекот. Лукашенко нема против, само би додал: И обратно.

Викендов и Уругвај и Бразил одржуваа избори (кај првите ќе има втор круг, кај вторите Вилма доби втор мандат) за кои заедничко е што секој граѓанин мораше да излезе на гласање. Освен овие две, во Латинска Америка има уште 11 држави во кои гласањето е задолжително (во свет се вкупно 30).

Што е заедничко за нео-Нацисти, расисти, некромансери, негатори на историјата, лоши сметководители, и садо-мазо фанови? Шинзо Абе, нивниот шеф.

За маскарадата наречена избор на ЕУ комесари.

Целата работа звучи како почеток на шпионски трилер - ЦЕО-то на Тотал загинува при заминување од Москва, каде што бил на состанок со Медведев во неговата дача, и каде разговарале за инвестиции и случувањата во Украина. Сведоштвото на одговорниот за несреќата воопшто не го менува почетниот впечаток.

Прво вооружен напаѓач убива невооружен канадски војник на стража пред Националниот меморијал на војната (споменик на сите војни во кои учествува Канада), а потоа влегува во парламентот. Таму е убиен од редарот (sargent at arms) на канадскиот парламент.

Западната опсесија со ИСИС повеќе е поттикната од верската нетрпеливост отколку која било вистинска проценка на ризикот или свирепоста на групата, пишува Муса ал Гарби за Ал Џезира.

Украина беше за Путин, тоа што Аустерлиц беше за Наполеон, и падот на Париз за Хитлер, моментот кога конечно се' беше централизирано во неговите раце, објаснува поранешниот полски министер за надворешни работи, Радек Сикорски.

11-годишно дете од Стокхолм во паника се јавува во полиција за да пријави дека некој му упаднал дома. Полицијата инстантно интервенира, стига во домот и гледа дека нема провалник. Потоа продолжува по шведски.

Градоначалникот на Чикаго има сериозен проблем со јавноста откако одлучи траењето на жолтото светло на семафорот да го намали од 3 на 2,9 секунди. Околу 77.000 луѓе од градот имаат зошто да му се гневат.

На 20 (моментално) моќни држави половина од владините приходи им зависат од продажбата на нафта, а кај уште 10 овој удел е меѓу 50 и 25 проценти.

Од средата Италија повеќе не е во рецесија само затоа што ЕУ започна со новото пресметување на БДП-то, во кое од сега влегуваат и нелегалните економски активности како проституција и наркотици.

Австралиски полицаец запира автомобил возен од муслиманка облечена во никаб (она комплетчето, ко кај нинџи). Таа веднаш ја потегнува верската карта и дига медиумска и судска врева обвинувајќи го полицаецот за малтретирање на расна основа. Кармата и враќа со видео - сè е снимено и нема ништо од тоа што го тврди. Добива 6 месеци затвор.