На ниво на официјални изјави и меинстрим медиуми, Пакистан е горд што нивен човек освои Нобелова награда за мир. Малку подолу, во сивите зони на медиумскиот простор, едно гласно малцинство отворено ја омаловажува 17 годишната Нобеловка сметајќи ја за кукла на Америка.

Од 1976-та властите на Алјаска решаваат вишокот пари од нафтата да го поделат со сите жители на државата (со одредени услови). Годинава секој доби по 1.884 долари.

Пред половина век, овој темин на Маршал Маклуан му вршеше фина работа на западниот човек: му даваше чувство дека е дел од иста фамилија со останатите луѓе на планетава, но, сето тоа од безбедна дистанца. Сега мизеријата на глобалното село му дојде некако преблиску.

Крајниот цех на Американците за војната во Ирак беше неколку илјадници милијарди долари. Операциите против ИСИС до сега ги чинеа над 1 милијарда долари, а моментално трошат по 10 милиони долари на ден.

Иако сè на тема Северна Кореја е шпекулација, изминатиот месец сите муабети за земјата се вртат околу иста тема - Ким Јонг Ун е жртва на внатрешен државен удар.

За да не ризикува сопствени луѓе Ал Каеда ја имаат аутсорсирано работата и соработуваат со цела мрежа локални банди, кои за пари им киднапираат луѓе што им требаат. За разлика од нив ИСИС најголемиот дел од работата сами ја вршат.

Шведска стана првата членка на ЕУ која објави дека ќе ја признае Палестина. Според Швеѓаните, ништо нема да се реши во регионот додека Палестина не биде признаена.

Снимањето Топ Гиар во Аргентина завршило со панично бегање и оставање на автомобилите на сред пат, откако целата екипа била каменувана од поголема група Аргентинци. Причина - Кларксон имал регистрација на тема Фокландска војна.

Пребегнати високи дипломати, висок функционер во министерството за безбедност, армиски офицер со висок чин и поранешен клучен член на пропагандната машина на Ким Јонг Ил, во септември беа дел од конференција во Холандија на тема - состојбата на режимот во Северна Кореја. Заклучокот беше: Северна Кореја е сред граѓанска војна.

На целата подготвеност на Пекинг и комплетната полициска машинерија што им е на низок старт, луѓето никако да стигнат да покажат се што знаат на тема смирување протести и покрај тоа што пола Хонгконг е излезен на улица.

Откако и Долна Саксонија ја укина школарината сите факултети во Германија се бесплатни. Генерално ставот за партиципацијата им е - не е ферски.

Откако победи во Студената војна, на Америка и светна дека сега ќе треба и да се грижи за целиот овој свет. По неполни две децении пробување да ги пофаќаат конците, Американците кренаа раце. По ова останува вакуум што го користи секој од ИСИС до Русија и Кина.

Кога луѓето во Хонгконг излегоа на протест, како што е редот за овој период од годината тие со себе земаа и чадори. Сред протест чадорот им се најде и како заштита од солзавец. Па сега протестите се преплавени со чадори.

Најновата забрана доаѓа директно од украинското министерство за внатрешни работи, од каде бараат барем за време на предизборна кампања луѓето да бидат малку цивилизирани и да престанат да ги фрлаат политичарите во ѓубре.

120 муслимански учители и научници од целиот свет се обединија и напишаа писмо на 18 страни до "борците и следбениците" на ИСИС, во кое со најмуслимански термини им објаснија дека тоа што тие го прават нема врска со Исламот.

Откако Курдите почнаа да ги фаќаат џихадистите на фора со регрутирање жени војници, сега истото почнаа да го прави и коалицијата што го бомбардира ИСИС - жени пилоти на воени авиони.

Сирија е седмата држава која САД ја бомбардира по пресвртниот 11-ти септември. За првпат, Американците немаат релевантна сила на теренот која треба да ја помогнат, туку се надеваат дека бомбите ќе го создадат нивниот сојузник.

За Франција веќе не постои ни ИСИС, ни ИС, ни ИСИЛ. Им најдоа ново име - Даеш. Ова џихадистите го дочекаа со иста толерантност како и за сè до сега - кој го изговори ова име, му го сечеме јазикот.

Вработена во приватна болница во Мерсин, град на медитеранскиот брег на Турција, испрати писмо до полицијата и парламентот со тема - смачено ми е да лекувам ранети терористи од ИСИС.

По 307 години обединетост, денес 4,2 милиони шкотски гласачи излегуваат на референдум за да кажат дали сакаат да продолжат со обединетоста.

Германска фирма за истраги е контактирана од лица кои се заинтересирани за детали околу соборувањето на авионот над Украина. За информацијата даваат 30 милиони долари. (САД за бин-Ладен даваше 25.)

Групата има приходи од нафта, има армија и оружје, организација и хиерархија, има контрола на огромни делови од Сирија и Ирак, а сега сака да и биде признаена и државноста.

Избирајќи дали да одат по патот на некои новокомпонирани искуства (како нашиве локални) кога луѓе навиваат и го подржуваат екстремизмот, или ќе ги почитуваат начелата за мир и соживот на својата вера (како што беше во Норвешка), германските муслимани се решија на ова второто. Во петок во 2.000 германски градови муслиманите ќе излезат да протестираат против екстремизмот, ИСИС и таквото толкување на Исламот.

Структурата и поентата на 1984-та има застрашувачки прецизна сличност со актуелното однесување на Путин и моменталната позиција на Русија кон Украина.