Еден стар советски филм со децении е фикс во новогодишната тв програма на Украина (како "Сам дома" кај нас). Сeга филмот се соочува со забрана бидејќи една од актерките во последно време била 'со Русите'. Опозицијата стравува дека следен за забрана ќе биде Дедо Мраз.

Не постои единствен и дефинитивен начин да се измери една година. Њусвик се реши да ја квантифицира.

Тајландската воена хунта која на чело на земјата дојде лани, најави дека не планира таму да остане засекогаш и дека бргу ќе ја предаде власта на цивилните институции во земјата. Но, во меѓувреме "открива" дека, јеби га, 99,3 проценти од населението се среќни со неа.

Откако Пекинг реши да им ги прости долговите, Зимбабве реши да се оддолжи со прогласување на јуанот за една од официјалните валути во земјата.

Норвешка почна да нуди часови за машките бегалци дојдени од конзервативните средини за да им помогне да се навикнат на новата земја. Дека е тоа земја во која жените имаат повеќе слобода а помалку облека и дека можат сами да шетаат по улица а тоа да не значи дека некого викаат за секс.

Американскиот буџет за 2016-та беше донесен со едно спектакуларно изненадување, Конгресот не само што на НАСА и ги даде сите пари што ги побара, туку и доделија и 1,27 милијарди долари над побараното. И тогаш некој седна детално да го прочита текстот на буџетот од 2.000 страни.

Ако ИСИС го водиме како фирма, тие на својата завршна сметка би пријавиле бруто приходи од околу 900 милиони долари годишно. Од овие пари околу две третини тие ги вложуваат во своето војување.

Во однос на тоа како што можеше да заврши, ова е чудо. Во однос тоа како требаше да заврши, ова е катастрофа, пишува колумнистот на Гардијан, Џорџ Монбио.

Кон средината на декември, во Белгија првите луѓе на најголемите земји во Унијата ќе седнат да разговараат за планот што предвидува на Турција да и бидат платени милијарди евра помош, за таа да се справи со бегалците од Сирија во име на ЕУ и ништо да не пропушта накај Запад.

Со својата последна изјава да им се забрани влез на муслиманите во САД, Трамп успеа да антагонизира уште една важна изборна групација. И ако победи како републикански кандидат и ако на изборите оди како независен кандидат, математиката оди во прилог на Хилари Клинтон. А нејзиниот есап може да го расипе Берни Сандерс.

Во последниве 30 години во Канада има речиси 1.200 убиства или исчезнувања на домородни жени кои воопшто не се решени. За да не остане така, Трудо вети 40 милиони долари (канадски) за решавање на овие случаи, што го најави како "тотално обновување" на врската со староседелците.

Глобално истражување за тоа колку луѓетo ги познаваат клучните факти за својата земја покажува една разочарувачка вистина: ни степенот на демократија ниту пак развиеноста и слободата на медиумите имаат врска со тоа каде колку 'трупови' има.

За сите баратели на азил во Норвешка важи понудата од Владата доброволно да се вратат од каде и да дошле, а за возврат ќе добијат десетици илјади норвешки круни за среќен пат (1000 круни се 6.500 денари). Во понудата е покриен и патот назад, повторно, до кај и да треба.

Десет африкански држави дадоа ветување ќе обноват 100 милиони хектари изгубена џунгла (за споредба Македонија по површина е околу 2,5 милиони хектари). Надзор и помош им се Светската банка и Германија.

Сомнежите околу тоа ги пренесовме (види: Париз против конференцијата во Париз), но да пробаме и со нешто позитивно. Чудна работа се случи оваа 2015-та година; за првпат можеме да бидеме оптимисти околу климатските промени. Во некој друг, подобар свет, тоа би била вест на годината, наместо заебанциите и пиздариите низ светов.

Ришард Легутко, европарламентарец од полската партија за Право и праведност, на една неодамнешна седница здружно посетена од Меркел и Оланд им го посвети својот говор на лидерите на двете најголеми држави во Унијата.

Еден поинаков пристап на преговорите во Париз за спасување на човештвото тргнува од тоа: какви се шансите за средување на климатските промени кога очајничкиот последен обид да се направи нешто е спонзориран од енергетски компании и авио-превозници?

Пред потенцијалното излегување на Британија од ЕУ, кое би се одлучило по референдум во 2017-та, британски Телеграф ја пренесува помалку познатата приказна за формирањето на Унијата и кој е крив за тоа, "гласачите на британскиот референдум мора да разберат дека од прв ден Европската Унија е обид за изградба на федерална супердржава."

ИСИС од сред истокот, во едно свое видео му се заканува на Мексико од сред Америка, за тоа што учествувал во коалицијата против нив, оддалеченост и културолошка некомпатибилност која Мексиканците крајно шармантно ја искористија.

Без разлика на комплетната разорност и трагичност, француски Ехо проценува дека нападите од 13-ти ноември, најверојатно ќе имаат пократкотраен ефект отколку што се мислеше.

Редовниот пакет на економски санкции и влошување на дипломатските односи кој и следуваше на Турција по соборување на рускиот воен авион, Русија го надополни со создавање нови пријателства на теренот во Сирија.