Саудиската државна новинска агенција објави дека Ријад ги затворил своите граници, прекинувајќи секаков копнен, воздушен или поморски контакт со Катар, со што речиси го изолираше кралството.
За првпат во Европа донесена е судска пресуда против некој што ставил лајк на Фејсбук пост. Суд во Швјацарија проценил дека и лајкнувањето е ширење на некаква вредносна проценка па треба да се бере памет пред да се стисне рачето.
Врховниот верски авторитет во Палестина забрани раскинувања на бракови додека трае муслиманскиот пост со многу логично објаснување: гладен човек знае да носи избрзани и непромислени одлуки.
За време на првата меѓународна турнеја лидерот на слободниот свет, Претседателот Доналд Трамп го сфати проблемот со првиот впечаток - дека нема втора шанса, пишува Скот Биксби во текстот за Дејли Бист.
Британската полиција што го истражува бомбашкиот напад во Манчестер арена одлучи да престане да споделува доверливи информации со американските власти откако дел од нив, повторно, стигнале до американските медиуми.
Американскиот секретар за трговија го сподели своето пријатно изненадување од народот во Саудиска Арабија затоа што во текот на посетата на Трамп, немало никакви протести или демонстрации во земјата. Има само еден мал проблем во ова; во Саудиска Арабија се забранети протести.
На штотуку ре-избраниот претседател на Иран му е јасно каква политика од САД може да очекува кога Трамп реши своето прво стапнување во странска држава да биде во Саудиска Арабија. Па кога е веќе така, барем да им подели некоја лекција од демократија.
Првата дама на САД ја пофали Саудиска Арабија за нивните напори и мерки кои водат кон „оснажување на жените“. За 110 милијарди долари колку што нејзиниот златен сопруг на домаќините им наплати во вид на нарачки за оружје, Меланија можеше да каже и дека САД од оваа земја можат многу да научат за третманот на жената.
Пораката е од Дејвид Бесли, поранешен гувернер на Јужна Каролина, а денес генерален директор на Светската програма за храна на Обединетите Нации, според кого тоа што моментално се случува во делови од Африка не се "лажни вести, туку реалност".
Филипинскиот претседател Родриго Дутерте го повика народот да му помогне да ја спроведе неговата ригорозна забрана за пушење ја јавни места. Како што тоа бидна и порано, ваквиот повик е зелено светло за секоја битанга да шета по улици и да го спроведува законот по свое видување.
Нели турскиот претседател во посета на САД. Нели таму на секоја посета на некој државник ќе се најде некој да протестира против неговата политика. Е па, не може тоа така, мислат бодигардите на Ердоган. Им влегоа и ги затепаа, среде Вашингтон.
Руски хакери уште во 2008 ја таргетирале кампањата на Обама, додека американски функционери биле мета на нивни напади уште од 2007-ма кои продолжиле и откако тие ја напуштиле владата, се тврди во нацрт верзијата на безбедносен извештај што го објавува Њузвик.
Десничарските медиуми го нарекуваат мамино синче и се сомневаат во финансиите на неговата кампања. Останатите главно ја поздравуваат победата на најмладиот претседател во француската историја (една година помлад од Наполеон) како стопирање на популистичкиот бран.
Идејата за две држави се чини дека веќе не живее меѓу Палестинците. Денес тие се за останувањето во Израел но со комплетно еднаков државотворен статус. „Тоа би било крај на израелската држава“, предупредува Сандерс, без ронка булшит во него.
Јапонија почна да дава упатства и СВОЗ насоки за евентуален ракетен напад од непредвидливите комшии кои ги води она дебелко психопатче Ким Јонг Ун. А немаат што многу да им кажат, освен сериозно да побрзаат.
Во Британија на гласањето за брегзит младите не го добија она за што навиваа, во САД имаа ист исход за време на претседателските избори. Ништо поразлично не минаа ни во првиот круг од изборите во Франција.
Во старата глобална поделба на развиени земји и земји во развој, САД мазно ги ставаме во првата група. Американски економисти тврдат дека повеќето Американците не живеат во таква земја.
Американските војници кои го наведуваат хуманизмот како свој систем на уверувања конечно ќе бидат рамноправни со религиозните соборци, меѓу кои има сешто, па и Пастафаријанци, следбеници на Црквата на летечкиот шпагети монструм.
Авторот не може да им се дочуди на своите, т.е. Турците во Германија кои масовно гласаа за опцијата на Ердоган. Феноменот инаку им е познат на балканските народи, кога нивната дијаспора често гласа за рестриктивни политики во родната земја а во земјата во која живеат се жалат на рестриктивни политики кон нив.
Симпатизерите и активистите кои работеа на отцепување на Калифорнија од САД во понеделникот официјално се пишманија и ја повлекоа петицијата на оваа тема.
MOAБ (во оригинал MOAB - Mother Of All Bombs) која ноќеска беше употребена за прв пат во историјата е најголемата ненуклеарна бомба на светот (*Русите имаат амандман на ова), има 8,5 тони експлозив и до метата беше носена со товарен авион.
Изминативе десетина дена главна информација од Пјонгјанг беше дека на 13-ти април во градот ќе се случи "голем и важен настан" на кој беа поканети новинари од цел свет, и на кој ќе биде присутен лично Ким Јонг-Ун. И се случи, отворање улица со згради.
Оние африкански мигранти кои ќе стигнат на кое било европско тло, макар не стaпнале во италијанско Лече туку во Македонска Kаменица, можат да слават не втор туку трет живот: ги преживеале не само тоа брановите во кои се гине масовно туку и либиските пазари на кои се продаваат како робови.
