Затворска но релативно мала казна му е определена на еден Нигериец кој со озлогласените финти преку меил успеал да олесни илјадници луѓе за 25 милиони долари.

Тазе признанието на рускиот хакер дека ги украл мејловите на Хилари по наредба на Москва, следува само неколку месеци откако американските медиуми објавија дека руски хакер одбил да прифати пари, државјанство и стан во САД, во замена за преземање на одговорноста хакирањето.

Без разлика дали се рекордните пожари во Калифорнија, или 300 и кусур жртви во терористички напад во Египет, или Јемен каде се случува најголемата хуманитарна криза од Втората светска војна до денес, (или локално името, црквата, јазикот, историјата) годинава јавноста гледаше само да го пројде денот, не ни обрнувајќи внимание на целосниот распад што се случува околу нејзе.

Нешто слично како со дилемата околу американските феминистки кои почна да користат слика од забулена муслиманка како симбол на борба за унапредување на правата на жените и за сечие право да реши што со себе, така и со Најк Про Хиџаб колекцијата, не е јасно дали им помага или им одмага на муслиманките.

Целата онаа глобална предигра против црвеното месо (триглицериди, ракови) доаѓа до својата логична фаза: сексот. Месото во иднина да се третира како порок и како такво, акцизно да се оданочи. Сето тоа спакувано како грижа за здравјето на луѓето и планетата.

Македонската мрза не чини ама и тоа јапонската опседнатост со работа има своја опачина. Откако се изнаработиле за доброто на својата компанија и татковина, старите Јапонци тераат старост во која нема кој да провери ни дали се живи. 4.000 стари луѓе умираат секоја недела, сами, најсами во свет. Ни деца, ни пријатели, ни куче, ни маче.

Социјалните медиуми беа верба во една транснационална мрежа која ќе го зближи човештвото. Истите тие мрежа всушност ги вчаурија луѓето во групи на истомисленици кои везден споделуваат слични ставови и погледи. И ако човек улулкан во тој истомислечки свет некогаш успее да сретне поинакво мислење, за него е нормално што тоа мислење го прогласува за ненормално.

Американските политички власти имаат моќи и ограничување врз Пентагон и неговите луѓе кога се во прашање регуларните воени сили, и тука завршува нивниот досег без никаква можност ни да припарат кај специјалните единици и нивните операции.

Сето она на што денешниот граѓанин може да се пожали во врска со самоволието на властите, сето тоа е пробано на Џон Ленон: надгледување,  малтретирање, политичко гонење, етикетирање, криминализирање. Дури и кога ќе се добие битката со системот, следат лудаците кои системот ги произвел.  

Мисијата на претставникот на О.Н. во Алабама е да ја анализира екстремната сиромаштија, нееднаквоста и „пречките за учество во политиката“ (гласање на избори) во американската сојузна држава.

Краткото филмче Снајперот од Кобани, почнува со војникот по име Харун, инаку Курд, снајперист, како оди на бербер да се спастри. Таму бербер ко бербер, зборува, за разлика од Харун.

„Без памет е што тврдат дека ЕУ е заедница на држави а не на народи. Затоа што со таа порака, на оние кои се за независност, им даваат огромна причина да си направат држава“. Тачдаун.

Шест ипол години по најголемата нуклеарна хаварија после Чернобил, роботите на јапонските инженери успеале да ја лоцираат стопената лава од ураниумското гориво на најоштетениот реактор на централата. Ние ги замислувавме Јапонците некако поагилни.

Како што доаѓа време за разделување од Британија, така ЕУ полека почнува да ги прави првите логистички потези па периодов седиштата на две ЕУ агенции се преселени од Лондон во Париз и Амстердам. Проблемот на колумнистот на Блумберг е што и при овој избор ЕУ се однесува како истокот од Унијата да не постои.

Озлогласениот убиец и водачот на псевдо-сатанистички клут деновиве умре во болница во Калифорнија на 83 години. Речиси пет децении тој имаше посебно место во американската, но и во светската поп-култура, како олицетворение на сè што е зло и демонско во човека. Кај нас РИП-ови му пишуваат.

Во рок од неколку седмици, саудискиот принц наследник (позиција на која дојде по многу драма) го присили либанскиот премиер да поднесе оставка, директно му се закани на Иран и изврши масовно апсење на членови на сопственото кралско семејство.

За пост 11-ти септември војните на разните американски администрации, секој американски даночен обврзник во просек има платено по 23.386 долари.

Аргументот „среќата не е во парите“ ќе го оставиме да се објасни со „полесно е да плачеш во Ауди отколку на точак“, во меѓувреме овие што имаат пари пресметале дека ти требаат најмалку 100 милиони долари за стварно да се чувствуваш богат.

За да го заштити јавното добро, безбедност и морал, државата треба да ги одвраќа жените да одат топлес, реши американскиот федерален суд со што криењето на женските гради го направи поважно од целиот слободарски корпус кој е заштитен со првиот амандман од американскиот устав.

ИСИС од една, Курдите и американско-британски сили во Сирија од друга страна постигнале таен договор кој им дозволил на стотици терористи на ИСИС заедно со своите семејства и оружје да избегаат од Рака. Конвојот испратен под закрила од западните сојузници во Сирија, вклучувал и некои од најозлогласените членови на ИСИС, плус десетици странски борци на џихадистите, објавува Бибиси.

И покрај интервјуата со разузнавачи од САД и Британија, и информации добиени преку закон за слобода на информации, она што следува во најголем дел е откриено од разузнавачки документи пронајдени по револуцијата во Либија, расфрлани по владини канцеларии, затвори, приватни резиденции и канцелариите на либиското разузнавање, пишува Гардијан на темата за тоа како британската тајна служба од 2001 го одржува во живот и помага владеењето на Гадафи.

Речиси 100 години Абориџините од Западна Австралија низ усни сведоштва и уметност зборуваат за масакар што го извршиле Австралијците на нивна територија, а за кој нема никаков пишан траг во кој било официјален австралиски документи, вклучувајќи полициски досиеа.

Ќе го искористиме Њу Делхи за да доловиме една друга, локално важна поента. Корисно е кога непријателот ќе добие име, затоа што така и борбата против него станува поопиплива. Ама не е корисно кога тоа име затскрива уште поопасен непријател. Денес сите горе-долу знаат за ПМ10 честичките. А со оние посмртоносните, ПМ2,5, што правиме?

Една од најголемите геостратешки победи на ЕУ против Русија беше почетокот на раскрстувањето со зависност од руски природен гас, кој беше заменет со редовни испораки на енергенсот од Америка. Излезе дека и овој пат преовладала старата „кај што има ексел, нема правдина“, и дека американските добавувачи на Европа и испорачувале руски гас.