Bookbox › Набрзинка

Претепан писателот Владимир Арсениевиќ

11 July 2026

Денес, 11.07., во центарот на Белград, пистелот и програмски директор на фестивалот „Крокодил“, Владимир Арсениевиќ е претепан под Бранковиот мост.
Настанот се случил кога излегувал од такси со намера да го исчисти просторот на кој денес е планиран настан за комеморација на жртвите од Сребреница. Напаѓачи била група хулигани, oколу 20-тина млади луѓе, кои брутално го шутирале и удирале во глава.
Настанот кој требаше да почне во 11 часот организаторите го откажаа поради безбедносни причини.

Букбокс читанка за Владимир Арсенијевиќ тука

извор

Почина Сем Нил

13 July 2026

Новозеландскиот актер Сем Нил, кој светската публика најмногу го памети по улогите во филмовите „Паркот Јура“ и „Пијано“, почина во Сиднеј на 78-годишна возраст. Во објава на неговите профили на социјалните мрежи, семејството наведе дека смртта била „ненадејна и неочекувана“. Нил во 2023 година откри дека му бил дијагностициран ангиоимунобластичен Т-клеточен лимфом, редок и агресивен вид на не-Хочкинов лимфом. По лекувањето со терапија со генетски изменети Т-клетки, во април оваа година соопшти дека повеќе нема траги од болеста.
Во текот на својата богата кариера Сем Нил важеше за еден од најразновидните и најпрепознатливите актери од Нов Зеланд. Со леснотија настапуваше и во авторски филмови и во големи холивудски продукции. Најголема светска слава стекна со улогата во „Паркот Јура“, а во филмот „Пијано“ го толкуваше сопругот на ликот што го играше Холи Хантер.
Тој припаѓаше на генерацијата актери и режисери кои стекнаа меѓународна афирмација по подемот на австралиската кинематографија кон крајот на седумдесеттите години од минатиот век. Иако целиот свет го доживуваше како новозеландски актер, неговите корени се во Северна Ирска. Роден е во 1947 година во градот Ома, во округот Тајрон, каде што неговиот татко, офицер во Ирската гарда и по потекло Новозеланѓанец, бил распореден на служба.

(фото: EpaImages)

извор

„Наши“ – промоција на нов фанзин за алтернативна култура во Лабораториум

6 July 2026

Во четврток на 9 јули 2026 година, во Лабораториум, со почеток во 20 часот, ќе се промовира нов фанзин - авторско визуелно истражување на независната македонска музичка сцена, спојувајќи графички дизајн, фотографија, интервјуа и визуелно раскажување во публикација што ја слави DIY културата и локалното независно творештво.
Кеј Зеќировиќ е дел од новата генерација автори кои својот креативен израз го развиваат низ повеќе визуелни медиуми. Покрај графичкиот дизајн, работи со фотографија, колаж, илустрација, дигитален и традиционален цртеж, а својата практика во сито печатењето ја развива преку работата во Партизанска Штампа. Во последните години гради препознатлив визуелен јазик, обележан со експресивна, алтернативна и намерно „хаотична“ естетика, инспирирана пред сè од музиката и независната културна сцена.
По претставувањето на фанзинот, бендот „Малард“ ќе предводи импровизирана џем-сесија, на која и публиката ќе може активно да се вклучи и да стане дел од автентично музичко искуство што ги отсликува вредностите на независната сцена: заедништво, спонтаност и колективно творештво. Фанзинот „НАШИ“ е дел од проектот „НОВИ ЛИЦА“ на Лабораториум.

извор