Дали физичарите можат да кажат нешто за јазикот, подеднакво релевантно како тоа да го кажале лингвисти? Минатата недела беше објавена статија во која група физичари тврди дека идентификувала универзални закони поврзани со создавањето, животниот век и исчезнувањето на зборовите.

Онлајн магазинот Слејт започнува со трибјут на најзначајните дела на светската филмска историја, со нова серија во која тие се „раскажани" низ само три анимирани сликички.

„Не знам зошто те сакам, онака како што те сакам", испеано со нешто помеѓу кисело смеење и болка од забиен нож во грб. По една минута и 37 секунди завршува. Страна прва, песна прва - „You're no Good", од првиот албум на Боб Дилан, еден од најзначајните американски музичари и поети на 20. век. Албумот - насловен едноставно „Боб Дилан" е издаден пред половина век (19. март 1962), кога тој имал 20 години и само што пристигнал од Минесота на Менхетен, со товарен воз.

Расказ од перото на американскиот хуморист Џек Ханди, за нашиот Аце, објавен во Њујоркер. Што се случува кога ќе освоиш сè, и веќе нема што да правиш? Си траеш и чекаш, дур на светот не му стане потребно уште едно добро освојување.

Музичкиот фестивал South by Southwest, кој се одржа од 9-18. март во Остин, е меѓу најголемите музички манифестации во САД. Еден од клучните настани беше говорот на Спрингстин, кој е веќе прогласен антологиски во овој жанр.

Како трибјут на неговиот лик од „Биг Лебовски", Џеф Бриџис ќе биде еден од авторите на книга зен пoуки. „Дјуд и зен учителот" е замислена како лежерна размена на мисли за животот, филмот и тоа како да се биде добар, меѓу Бриџис и Берни Гласман - еден од пионерите на американското зен движење.

На 14. март беа одбележани 80 години од раѓањето на поетот, режисер, сликар и новинар Мирослав Мика Антиќ, уште познат и по антологиската боемска - „Чика Јова деци, чика Мика Антиќ два деци". Во Културниот центар на Нови сад во тек се „Деновите на Антиќ". Ние се придружуваме на одбележувањето на годишнината со една пролетно љубовна, и топла.

Досега имаме видено секакви флеш-моб акции, од масовно играње сиртаки, „начекуша" на прв кој ќе подигне отпад намерно поставен среде трговски центар, играње „човечки огледала", замрзнување во место на цела толпа луѓе, ама немавме видено флеш-моб со симултано - читање книга!

Си немале физичари работа, си пуштале струја низ Теслини столбови. Да се обидеме да ви објасниме, како што нам ни објаснија: столпчињава се електрични направи засновани на вид резонантен трансформатор, кој наизменичната струја во едната навивка ја претвора во високонапонска струја во другата, поголемата навивка.

Се сеќавате на статијата која ја објавивме, за списание кое за 5 долари месечно им испраќа писмо од застапените автори на своите читатели? Тогаш ве прашавме кој од македонските автори би сакале да ви пише. Во бројните пораки кои ги добивме, едно име постојано се повторуваше..

Списанието Popular Science Monthly во 1925. објавил инфографик, со футуристички приказ на град, кој требало да се оствари за само 25 години.

И по 129 години од неговата смрт (14. март 1883), предупредувањата на германскиот филозоф во врска со последиците на капитализмот и индустријализацијата се поактуелни од кога и да е. „Капиталот е мртво битие, вампир, тој живее само со тоа што го цица живиот труд" е еден од ставовите на овој мислител, кој самиот изјавил дека не е - марксист.

Клипче од 2000. во кое двојниот оскаровец, нам драгиот Вербал Кинт, во шест минути имитира дури девет од неговите колеги - Џејмс Стујард, Марлон Брандо, Кетрин Хепбрн, Ал Пачино.

Ако некогаш сте налетале на Urban Dictionary, онлајн збирка на изрази од современиот глобален сленг, веројатно сте останале подзинати од сочните метафори кои како тајни кодови опишуваат однесувања кои се во најмала рака „необични". Повеќето од шестте милиони одредници се толку политички некоректни и сурови, што не се ни обидуваме да ви ги пренесеме. Но речникот, за чудо, содржи и имиња на познати писатели.

Хрватската писателка и блогерка Ведрана Рудан, позната како жена со депилиран јазик, понекогаш знае и да ги премине границите на добриот вкус. Вчера таа беше главна ѕвезда на емисијата „Пулс на Хрватска", а во неа без очигледен повод таа му се пушти на водителот ко пит бул на мачки.

Slacktivism, или „мрзоактивизам", е термин кој го опишува лажниот онлајн активизам, кој има нула политичко или општествено влијание. Дамир Авдиќ, познат и како Граха, Diplomatz или Босански психо, еден од најжестоките поети-музичари на современата босанска сцена, има посветено песна токму на овој феномен.

Во 1938., неколку месеци по првото објавување на „Хобит", Толкин и неговиот британски издавач, Стенли Анвин, почнале преговори со издавачка куќа од Берлин, која сакала да го преведе романот за германскиот пазар. Сè било во најдобар ред, додека Толкин не добил писмо од Германциве, во кое од него се барало да го докаже неговото ариевско потекло.

Серијата за Сулејман Величенствениот, десетиот султан на Отоманската империја, предизвика бранувања во српската јавност. Во прашање е епизодата во која се прикажува турската опсада на Белград летото 1521., во која султанот е прикажан како романтичен витез, кој не убил и не протерал ниту еден Србин.

Еден од моментално најпопуларните светски писатели, Џонатан Франзен, навистина е страствен противник на сè што се состои од монитор и тастатура, има пристап до интернет, и работи со eдиници и нули. Подетално, тој се згрозува од: Твитер, смартфони, е-книги, и интернет воопшто. 

Желимир Бабогредац, претседателот на управата на Кроација Рекордс, во своето интервју за Јутарњи лист остро реагира на најавата дека Џони ќе ја тужи оваа дискографска куќа и ќе бара отштета од 25 милиони евра, сума до која дошол преку следниов есап: ако денес една плоча чини 25 евра, а тој продал милион во бивша Југославија, тоа се 25 милиона.

Има денови, како овие, кога почесто погледнуваме нагоре, очекувајќи зрак сонце кој ќе го разбие сивилото. Но небото, и метеролошки, и теолошки, си има свои планови. Токму заради таа човечка неспособност да се контролира, тоа е честа инспирација на сликарите. Сигурно има повеќе, но еве избор од пет најпознати прикази на небото - испратете и ваши предлози.

„Најопасниот човек на светот" е роден пред 72 години во Рајан, Окалхома. Прекарот го добил откако по придружувањето на американските воени сили заминал во Јужна Кореjа, каде почнал да се занимава со боречки вештини. Актер станал по наговор на Стив МекКвин, кој пак бил добар во карате.

Езотурик е фирма која нуди туристички разгледувања на деловите од Лос Анџелес кои не се вклучени во вообичаените организирани прошетки низ градот. Турите се тематски, и нудат одлична мешавина на социјална историја, рокенрол, архитектура, литература и филм.

Ова сигурно им требаше! Познатиот сатиричен сајт - некаква српска верзија на Onion - кој е стар нешто повеќе од една година, во јануари се појави во печатено издание. Промоцијата на книгата со наслов „Ова можеби не ни требаше“ е денес, во Библиотеката на град Белград.