„Луѓето често ме прашуваат дали сум изненаден од вниманието кое го предизвика Биг Лебовски изминативе години", пишувал Бриџис во текст за Гардијан уште далечната 2007, од кога и датира идејата за книгата која ќе биде објавена годинава. „Јас најчесто одговарам со - не. Но бев изненаден кога Берни ми објасни дека една од причините за неговата популарност е што фановите го сметаат Дјуд за зен учител. И навистина - тој има таков тип на мудрост кој јас сакам да го нарекувам 'мудрост на ноктите', мудрост која ти овозможува да ти растат косата и ноктите, срцето да ти бие, стомакот да ти работи. Сите тие нешта кои знаеме да ги правиме, но не знаеме како тоа знаеме. Тоа е и основата на лик како Дјуд. Тој не е тип кој ја открил смислата на животот, но му е удобно со она што го има и со она што е. Токму тоа е суштината на зенот."
Некои обожаватели на ликот на Дјуд додуше не се толку по зенот. Тие си формирале своја религија - дјудизам, со наводно 100,000 'верници'. И браќата Коен, режисерите на „Биг Лебовски", имаат отворено сајт посветен на идеите и учењата на овој лик, каде една од корисните мудрости вели: „Животот е краток и комплициран и некој не знае што со тоа. Па, направи што и да е. Само кроце. Гледај само да бидеш искрен со себеси и другите". Сосема се согласуваме.
