Шест години откако го сними „Тру грит“ со браќата Коен, Бриџис повторно глуми во нео-вестерн, еден од највисоко оценуваните филмови годинава, „Хел ор хај вотер“. Во интервју за Ролинг Стоун тој зборува на повеќе теми, меѓу кои за незгласливата популарност на Дјуд, Дилан и што научил од татка си.

Правен според познатиот роман на Лоис Лоури (Lois Lowry), ова е хумана, но млака дистопија, која вреди да се погледне за атер на Бриџис, ако сте фан на Тејлор Свифт или за да го споредите со книгата.

Нашиот сакан Бриџис знае кои се вистинските вредности во животот. Една од нив, предуслов за сите останати, е добриот сон. Овој албум би требало да ви помогне ако имате проблеми на оваа тема. А ако немате проблем со сонот, опушта како да сте биле на масажа. Пуштете на добри слушалки и уживајте.

Од 1984 Џеф Бриџис почнал да го фотографира светот во кој живее тој и неговите филмски ликови - сетовите на снимањата, и она што се случува зад нив. Резултатот: голема збирка на широкоаголни фотки, со инсајдерски шмек.

Како трибјут на неговиот лик од „Биг Лебовски", Џеф Бриџис ќе биде еден од авторите на книга зен пoуки. „Дјуд и зен учителот" е замислена како лежерна размена на мисли за животот, филмот и тоа како да се биде добар, меѓу Бриџис и Берни Гласман - еден од пионерите на американското зен движење.