Набргу ќе изгледа претенциозно, елитистички и старомодно да се пишува што и да е со внимание и грижа. Ако сте на Твитер станувате можни соучесници во овој глобален тренд. 

На денешниот „ден на таткото“ (17.6), кој се одбележува во повеќе земји во светот, едно постаро но антологиско видео, кое сигурно ќе ви направи кнедла во грло. 

Вчера (16.06) во „Камарите“ беа донесени и земени стотина книги. Благодариме на сите што дојдоа, се надеваме си најдовте нешто интересно. Книгите што останаа ќе бидат донирани во двата новоотворени клуба на Црвениот крст на град Скопје.

QR Code е она матрикс баркодче, кое служи за складирање податоци - црни точки и линии распоредени во форма на квадрат на бела позадина. E, истиот мотив баба Јела од Лика го плете и везе уште од мала.

Вчера дознав информација, рамна на урбана легенда - дека некаде во Автокоманда постои магацин на книги на Универзитетската библиотека во кој вработените се плашат и да влезат.

Пред некој ден добив плоча од Џони Кеш, и ми падна мака - не ја собира во лаптоп, а во шпорет не свири. Слушањето музика на интернет и не е некоја замена за грамофон, ама па супер легнува која некој ќе ви ги собере на едно место сите ретки снимки на Кеш, овој пат во дует со Дилан.

Прокрастинацијата, или одложувањето на непријатните и тешки обврски, е генерално човечко искушение. Ама сега некој нашол чаре барем за писателите, оние склоните кон пролонгирање на рокот за завршување на нивните текстови и ракописи. 

Во недела на Школка ќе се одржи трибјут на Битлси - групата во која „Ленон беше душата, Харисон духот, Пол срцето, а Ринго тапанарот". На 50 години од придружувањето на последниов кон групата, неговата родна куќа е спасена од демолирање.

После успешната минатогодишна акција, повторно размена на книги. Овој пат во „Камарите" (Дебар маало, поранешна „Липа"), сабота од 19-21 часот.

Владимир Арсенијевиќ за еволутивно разбирливиот феномен на гушкање, потчукнување и друг вид телесно општење, но во рамки на една специфична човечка заедница - српски политичари. Кога е веќе зоологија во прашање, ако теоријата држи за српските, нема причина истата да не важи и за македонските, или за кои било други политичари.

Сосема е сигурно дека ако ја исклучите музиката од некој филм кој се води како хорор, тој во голема мерка ќе изгуби од „страшноста". Еволутивниот биолог Даниел Блумштајн од Универзитетот Колумбија објаснува зошто е тоа така.

Во секој муабет околу некакви „правила" за добро пишување ќе се најде некој кој ќе потсети дека најголемите книжевни дела ги напишале автори кои токму таквите правила ги кршеле. Искуството покажува дека некои совети околу раскажувањето сепак би требало да се послушаат. 

Aко не сте го гледале „Бразил" на Гилијам („Страв и омраза во ЛА", „Имагинариумот на д-р Парнасус") веројатно е време тоа да го направите. Мешавина на научна фантастика и сатира, тоа е приказна за еден тоталитарен свет, сличен на оној во Орвеловата 1984-та, но со многу црн хумор.

Она што во Македонија сè уште не сме го усовршиле како маркетинг aлатка се оние кратки „осврти" на кориците (таканаречени blurbs), кои често ја продаваат книгата, особено ако таа е од автор за кого слушате прв пат.

Балканските народи можеби негуваат меѓусебна омраза, ама околу едно се согласни: модерните државни системи се најголемиот душман на „нашиот“ човек, митолошкиот бог на измамата. Целата историја на таканаречениот напредок, е завера како тој да се заебе. Избор на антологиски примери во кои тој - јунакот - го возвраќа ударот.

Со замената на хартиеното издаваштво со електронско се губи една цела култура на читање и живеење - кукаат конзервативците и носталгичарите. Ајде да ги преброиме книжарниците кои постоеле во тоа ваше „златно време", велат прагматичарите.

Сценаристот Лучијано Секи и цртачот Роберт Равиола, попознати под псевдонимите Макс Бункер и Магнус, во мај 1969. во Италија го покренаа стрипот „Алан Форд". Во бивша Југославија во 1972. загребски „Вјесник" го објави првиот број на српскохрватски јазик.

Не дека во книгите на хартија нема грешки (во некои и повеќе од една), ама ваква ни е тешко да замислиме.

Две нивоа под бучните улици во близина на Тајмс Сквер, откако ќе поминете покрај цевки кои протекуваат, по ходници осветлени со јаки неонки и низ блиндирана врата, ќе влезете во чуден магацин.

Што се случува кога еден бодибилдер ќе се сретне со острата поезија на Дамир Авдиќ? Прво ќе се разгневи, а потоа ќе му се присака ракија и ќе му дојде да пцуе. Чаре: фикциотерапевт и забрана за поезија.

Кога пристигна првиот твит за смртта на Реј Бредбери, бев во недоумица дали е вистина. Мојата потреба да се консултирам околу прашањето пред да ја објавам веста беше благо исмеана - зошто некој би имал потреба да кривотвори умирачка на дедо од 91 година?

Квинтус Цицерон е првиот политички консултант - неговите совети за водење кампања, кои ги напишал за брат му Марко, до скоро им беа познати само на класичарите. Неодамна се објавени во нов превод на англиски, под наслов „Како се добиваат избори".

Луѓето не се разликуваат од животните по исправениот ôд, или по тоа што користат симболи. Ние, во основа, сме сонувачи. 

На 6. јуни 2006 Том Вејтс му напишал писмо на 15-годишниот Колин, од градот Палестајн, Илиноис. Секогаш ми доаѓа фино кога ќе видам писмо пишувано на рака, а не е од предминатиот век. Денес момчето има 21, и се надевам ги послушал добрите совети на чичко Том.