Нов филм со Мерил Стрип и Хју Грант зборува за една посебна фигура во (не)музичката историја - богаташка, која иако воопшто немала слух, одлучила да стане оперски сопран. Филмот е комедија, но вистинскиот живот на Флоренс Фостер Џенкинс е малку посложена приказна.

Млад Ирец присуствува на говор на Хитлер многу години пред овој да стане фирер. „Лудак, со одлични говорнички вештини“, била неговата дијагноза. Но уште тогаш го фатило шубе од ваквата комбинација. 

Алкохолот и поезијата кај Буковски одат (или подобро - се тетерават) рака под рака како патлиџан и босилек, варено јајце и к'цана сол, колбаси и пивце. A кога сме веќе кај пивце.

Кога бил дете, Калеб постојано правел бељи на школо. Не можел да седи мирен, измислувал работи и зборувал со непостоечки луѓе. Откако неговата учителка не успеала со опомени и казни, одлучила дека најдоброто решение е - да го запише во библиотека.

Moрис Равел го прославил неговиот 53-ти роденден, на 7 март 1928, во Њујорк, на забава која во негова чест ја приредила сопранистката Ева Готие. Помеѓу гостите таа вечер бил и 29-годишниот Џорџ Гершвин.

Каква врска има неможноста на Европа да излезе на крај со бегалците и тероризмот, и начинот на којшто се конструирани нејзините тоалети? Кога е во прашање Жижек, сè има врска со сè.

По веста дека починала Јадранка Стојаковиќ денот ни тргна со нејзина музика, но како што обично бива, од видео на видео, стигнавме до севдалинки, и тоа оние отпеани од Дамир Имамовиќ, кој последните години, пред таа целосно да снеможи, одржуваше заеднички концерти со Јадранка.

Филм којшто си игра со локалните стереотипи за различните делови на Франција, но и со генералната идеја на „провинција" и „примитивност". Одлична критика на локал-шовинизмот и на нашиот однос кон „другите“, дури и кога тие живеат само на десетина километри од нас. 

Изложбата која ќе биде отворена во галерија во Бруклин од 6 мај до 1 јуни 2016, се вика Воден жиг/Минување низ облаците на митот, и вклучува инсталации и перформанс кој ќе се одржи на 7 мај.

Едно уметничко дело може да е недовршено заради тоа што неговиот автор умрел, но и затоа што тој не сакал или не знаел како да го доврши. Овие непополнети места ни даваат увид во процесот на работа, но и нè ставаат на местото на уметникот - зошто тој донел одлука да го батали делото, и дали понекогаш тоа го сторил намерно.

Минатата недела, во подрумот на музејот Рубин во Њујорк, публиката на влезот добила метален цилиндар и инструкции да шмркнат малку од мирисот што тој го испушта. Истовремено, на екран одел анимиран филм под наслов „Алекс и земјата на чудата", кој ги следел замислените патувања на еден андрогин карактер додека тој патува низ светот, минувајќи низ џунгли, шуми и одмарајќи се на морски плажи.

Прирачник во кој славниот американски поет се занимава со сè поврзано со машкоста, од потенција до „грижа за стапалата", е откриен неодамна, 150 години по неговото прво објавување под псевдоним.

Пред неколку дена во еден њујоршки парк се одржа „Сакам да кажам", уметничко-активистички проект, преку кој жителите на овој град им испратија пораки на нивните претседателски кандидати. Куцани на хартија, за да бидат сфатени посериозно од дигитална порака или коментар, кои денес можат да кренат прашина, а утре никој веќе да не ги памти. 

Едно од прашањата што си го поставуваат познатите, освен колку грди слики кружат од нив по интернет, е - дали Њујорк Тајмс веќе го има напишано нивниот некролог.

Наспроти вообичаената практика за отварање па затворање на некоја изложба, сценариото на оваа е обратно. Една лондонска галерија привремено се затвори, за во текот на тој прекин во работата, и во таа тишина, да се постават прашања во врска со современата состојба на уметноста и вредноста на уметничкиот труд.

По смртта на славен музичар веднаш се копа по помалку познатите детали од неговиот живот, и се поставува прашањето - што ако соработувал со овој колега, што ако ја објавел онаа песна? Кога е во прашање Принс, едно такво партнерство кое не се развило онолку колку што можело на општо задоволство, е она со Мајлс Дејвис.

„Сте чуле за мене?" - вака гласеше прашањето на Свето Серафимов кога се запознавме. 

До сега Загмајстер го познававме како дизајнер на корици на албуми на Лу Рид, Стоунси, Дејвид Брн и Пет Метени. Австриец со постојан дом во Њујорк, тој деновиве е актуелен со изложба посветена на општочовечката потрага по среќата, поставена во Музејот на применета уметност во Франкфурт. 

Односот на колективот кон одреден феномен е директно отсликан во неговиот фолклор. И според квантитетот на „таговите“, и според тоа како е ставот кон нив. Во случајов клучниот збор е - книга, а изворот - Цепенков. 

Оваа недела умре еден принц, ама една кралица, британската, слави 90 години. Републиканците го искористија поводот за да ги обноват нивните повици за укинување на монархијата, или во најмала рака за воведување референдум по нејзината смрт. 

Речиси во сите демократии на младите се гледа како на непредвидлив и оттаму неважен дел од електоратот. И обратно, на снимките од денот на изборите најчесто во кадар се пензионери и повозрасни луѓе кои го сметаат гласањето за нивна граѓанска должност.

Амазон и Лајонс Гејт работат на шоу базирано врз песни на Дилан, и имаат обезбедена дозвола за употреба на што и да е од неговите стихови и музика.

Политиката не е само идеологија, туку и биологија. Така барем мисли Рик Шенкман, автор на книгата „Политички животни: како нашите мозоци од камено доба стојат на патот на умната политика".