- Почина Михаил Ренџов, еден од најреномираните македонски поети, прозаист и преведувач, објави неговиот син, музичарот Петар Ренџов. Имаше 88 години.
- Ренџов завршил Правен факултет, но неговата голема љубов беа поезијата и литературата, па со години работел во Националната и универзитетска библиотека „Свети Климент Охридски“ во Скопје и беше е член на Друштвото на писателите на Македонија (ДПМ).
- Автор е на дваесетина збирки поезија, меѓу кои и „Иселеник на огинот“ (поезија, 1965); „Ноќно растење на зборот“ (поезија,1967); „Каде од оваа страна“ (поезија, 1968, „Издишки“ (поезија, 2013). Го превел и епот „Гилгамеш“.
- Американецот Џон Хопфилд и британско-канадскиот научник Џефри Хинтон ја поделија овогодинешната Нобелова награда за физика за откритија кои доведоа до втемелувањето на машинското учење.
- На прес-конференцијата, комисијата изјави дека двајцата употребиле алатки од физиката за да развијат методи кои стојат во основите на денешните моќни невронски мрежи, кои вршат револуции во науката, инженерството и секојдневниот живот.
- Пионер на вештачката интелигенција, Хинтон го напушти Гугл во 2023 и изјави дека го направил тоа за да може слободно да зборува за опсаностите од технологијата, откако сфатил дека компјутерите би можеле да станат попаметни од луѓето многу побргу отколку што тој и други експерти го очекувале.
- Виктор Амброс и Гери Рувкун се добитници на овогодинешната Нобелова награда за медицина и физиологија, за нивната улога во пост-транскрипциската регулација на гените, односно за нивното откритие на микроРНК.
- Овие молекули играат суштинска улога во регулација на гените. Револуционерното откритие се однесува на комплетно нов принцип на генетска регулација, од огромно значење за повеќеклеточните организми, вклучително и за луѓето.
- Ова беше соопштено денес, 07.10., на прес конференција во Институтот Каролинска во Стокхолм. Победниците ќе поделат награда од речиси милион евра.