Технички се бездомници, практично не се. Иако состојбата им е - живеат во комбе на паркинг, во пракса мажот веќе неколку години е вработен на Гугл. Не дека му доцнат со плата, туку им се заарнило вака, ем поевтино е.

Ова е тврдењето на еден научник кој го оспорува Дарвин, и тоа не само за процедурата, туку и за расадот.

Ако им спомнете тепање на децата, повеќето родители од прва ќе ви речат дека се против физичко казнување. Но, ако им понудите некоја поблага терминолошка алтернатива (на пример, плескање по газето), нивната педагошка палета веќе станува „поинклузивна“.

Факт: Фиџет спинерите се сè повеќе барани. Факт: На многу луѓе најзгодно им е да побараат работи за кои ќе се заинтересираат на сајтови кои и обично им вршат работа. Факт: На многу луѓе работа им вршат порно сајтови.  

Агенцијата е Офицер и Џентлмен, и е одговорна за најголемиот дел од виралните видеа и кампањи околу брендот Порнхаб. Главниот предизвик: како да рекламираш на популација која е премногу засрамена да признае дека секој ден минува повеќе време на сајтот отколку на миење заби.

Она што ја разликува градинката Робин Худ од голем дел од другите градинки во Берлин е што таа е една од "шумските градинки", во која на децата со наставна програма им е пропишано секој ден да минуваат по неколку часа во шума. И ова важи за секој ден без разлика дали врнело или е сончево или е затрупано во снег.

Не да ја тетовираш "Тајната вечера" на глава, туку да тетовираш точки. Тоа, и нула да си шишан.

Диспанзерот за канабис е отворен во Колорадо и генерално функционира како останатите вакви сервиси „за носење“. Не излегуваш од кола, нарачуваш нешто од менито и ти стигнува кесиче полно радости.

Неколку приказни во одличната епизода на „Овој живот американски`“на Ајра Глас, ќе ве натераат да си размислите до која мерка нашето однесување  го контролираме „ние“ а колку нè контролира хемијата наречена тестостерон.

На меѓународниот аеродром во Лос Анѓелес отворен е приватен терминал за ултра богати патници кои ќе можат не само да уживаат во луксузот кој им се нуди туку и да гледаат како во меѓувреме рајата се малтретира и злопати на стандардните терминали. 

Омилената пијачка на Џенис Џоплин многумина и онака дифолтно ја сметаат за виски. А не е виски. Ама наскоро тие многумина ќе бидат во право.

Кенија има огромна стапка на автомобилски несреќи, меѓу другото и затоа што сите - заради курчење - возат со долги светла. Ако соборат светла, испаѓаат глупи и слаби. Значи Кенијците ризикуваат да загинат, само да не испаднат глупи во друштво. И така се доаѓа до она што во теоријата на игрите се нарекува „неефикасна Неш равнотежа“. Од страв на поединците да не изгубат, губат сите заедно. И треба, кога с(м)е колективно глупи.

Логиката зад раскажувањето на соновите е дека што и да се случувало во нив, ќе биде многу подобро дешифрирано од двајца (или повеќе) отколку од еден (кој згора на тоа е и крајно субјективен), и дека разговорот ќе помогне подобро да се справиш доколку некогаш во иднина се најдеме во хипотетичката ситуација што ни дошла на сон.

Во име на добрата заебанција студенти прошверцувале ананас и го оставиле среде една уметничка изложба. Аха, луѓето најнормално поверувале дека се работи за еден од експонатите.

Како дел од експеримент студенти минуваат цел час на повторувачки и монотони задачи, како вртење дрвен клин. По еден час вртење, на една група и се дадени околу 10 долари, а на друга околу 170 долари, за да го претстават затупувачкото искуство како интересно. На крај, оние што биле платени по 10 долари било далеку поверојатно да ја опишат досадната активност како возбудлива. "Изгледа тие се убедија себе си во сопствената лага".

Сер Исак Њутн беше револуционерен математичар, астроном и и физичар, еден од најголемите умови на сите времиња. Па сепак, последните години од својот живот ги минува по пабови и пристанишни биртии и тоа маскиран, за да лови фалсификатори на пари и да ги праќа во смрт.

Нема ништо понадразнувачко од обидот на оние во вашата околина да ви ја намалат тензијата со тоа што ќе ве советуваат „Да не се секирате“. „Па што не кажувате вакви работи?“ - ви иде да крикнете, оти облачното расположение се растерува баш така. Но можеби има нешто во тоа да не олабавувате и да продолжите да се секирате. За ваше добро.

„Тоа со што се занимаваш не е најдобриот бизнис ама бизнис моделот ти е добар“, му рекол американски судија на дилер на метамфетамини охрабрувајќи го да проба да ги искористи своите очигледни бизнис таленти за нешто добро.

Во доба кога претседателот на САД прекрива со злато речиси се што поседува, парите почнуваат да ја губат моќта на статусен симбол за вистински богатите луѓе. Ама ова нема никаква врска со него.

Ни Амазон, ни Јутјуб, а најмалку па традиционалните тв оператори. За првиот човек на глобалниот стриминг гигант Нетфликс, нивен најголем непријател им е чудната потреба на луѓето понекогаш да спијат.

Од велигденските нуспојави познати се „мимозите“ и други „да не се фрлат“ употреби на внатрешноста на јајцата. Со истата логика би требало да се размислува и за лушпите. Еве неколку корисни совети за тоа како може да се искористи овој благороден органски материјал.

Од велигденските нуспојави познати се „мимозите“ и други „да не се фрлат“ употреби на внатрешноста на јајцата. Со истата логика би требало да се размислува и за лушпите. Еве неколку корисни совети за тоа како може да се искористи овој благороден органски материјал.

Во јуни во Шведска ќе биде отворен музеј посветен на неуспесите. Зад него стои човек кој е фасциниран од апсурдноста и урнебесната погрешност во која влегле компании сакајќи да го развиваат својот бизнис. „Успехот е досаден“, порачува тој. И стварно.

Во јуни во Шведска ќе биде отворен музеј посветен на неуспесите. Зад него стои човек кој е фасциниран од апсурдноста и урнебесната погрешност во која влегле компании сакајќи да го развиваат својот бизнис. „Успехот е досаден“, порачува тој. И стварно.