Прашањето се базира на две статистики. Првата од американските избори 2008, кога од речиси 3000 прашања поставени на претседателските кандидати, само 6 се однесуваат на климатските промени. Втората, дека и покрај тоа што неодамнешните републикански и демократски дебати се одржаа на една недела пред 195 држави да го потпишат климатскиот договор од Париз, до кандидатите немаше ниту едно прашања околу климатските промени.

Неформално микропукотот е познат како дождовна бомба, а формално е признаен како еден од најопасните природни феномени кој се појавува без предупредување, личи како експлозија на нуклеарка од 20 мегатони, се истура и заминува.

Случајот на еден Французин скоро една деценија ги фрла во депресија научниците кои беа уверени дека нешто знаат за биолошката основа на човековата свест. Имено, нему му недостасуваат 90% од мозокот и живее нормален живот. А не е пратеник. Добро де, работи во администрација.

Четири новоткриени елементи од Периодниот систем кои досега беа со oзначувани со бројки добија предлог имиња кои се ставени на јавна дебата во следниве 5 месеци. Само ние си останавме БЈРМ.

Се работи за заштита на животната средина и за искористеност на соларната енергија, и двете би имале многу поголем успех кога целата тешка индустрија би се преселила во вселената, тврди Џеф Безос.

Студијата ја прават астрономи од УKЛА, ја објавува журналот Сајанс, а откритието е дека Земјата се всушност две планети кои се споиле при нивната колизија пред 4,5 милијарди години. Во истиот судир е настаната и Месечината.

Физичарите на ЦЕРН соопштија дека два тима, работејки независно, виделе трагови на можна нова честичка.

Во однос на атмосфера, Земјата и Марс пред околу 4 милијарди години се речиси на исто ниво. Денес атмосферата на Марс е околу 100 пати потенка отколку на Земјата. Тоа што се случило во овој период во основа се сведува на промаја.

Приказната за тоа како Монсанто користи угледни научници за својата ПР кауза е приказна за вишок пари и кусок академски интегритет.

Збирните документи на О.Н. околу климатските промени содржат се подолги реченици и покомплексни зборови, од кога и да било до сега, заклучува анализа заинтересирана за лингвистичката страна на студиите.

Иако никој не се сомнева во откритието и целото излагање на НАСА, за ова да биде 100% потврдено некој треба да собере примероци од водата на Марс. Моментално на Марс нема човек што може ова да го направи. Има два робота, ама и тие не смеат да се приближат до местата со вода.

Откако го објавија најголемото откритие во последните неколку децении, како што е ред луѓето на НАСА седнаа на интернет за да се пофалат што направиле и по пат да одговорат на прашања околу откритието.

Научниците на Марс пронајдоа молекули кои можат да се формираат само во присуство на вода. Иако не наидоа на барем вир вода, ова е уште еден знак дека на Марс можеби некаде жубори.

На неколку места во светот се најдени интересни камени алатки. Она што ги прави интерсни не е нивната старост туку кој е мајсторот.

Поставувањето на перманентна база на Месечината ќе чини 90% поевтино отколку што се очекуваше, покажува студија нарачана од НАСА, спроведена од две непрофитни организации и потоа рецензирана од независен тим составен од поранешни НАСА директори, астронаути и експерти.

Во изминатите децении американските републикански кандидати за претседател се повеќе го спуштаат прагот на толерантноста кон науката. Па така за некои од попроминентните кандидати во обид за фаќање на што е можно повеќе гласови не е проблем да не веруваат во научните резултати околу климата или еволуцијата.

Еден наш читател од Бостон ни ја проследи приказнава со асоцијација: двајца големи играчи се тркаат за исто, наградата е голема и политичка, едниот губи, другиот не го признава гласањето, излегуваат бомби (exposed internal documents). А оно - наука.

Неколку редови компјутерски алгоритам можат да научат да играат 49 различни аркадни игри, вклучувајќи класици од 70-тите како Pong или Space Invaders. Во над половина од нив, компјутерот станува толку вешт што победува професионален човечки противник.

British Medical Journal секоја година издава специјално божикно издание со измислени статии. По некое времe, еве ти ги истите статии во медиумите, овојпат како вистински.

Голтањето магнети е штетно за вашето здравје. Еурека! Пушењето им штети на вашите пари. Невозможно! Поодалечените предмети потешко се гледаат. Тоа е тоа.

Тешко дека ќе најдете нешто попросто од амебата, дури и на македонската јавна сцена. Па сепак, тоа глупо едноклеточно створче има 200 повеќе пати ДНК од Ајнштајн.

Се вика БАХФест, се одржува во МИТ, ја посетуваат легитимни научници (Харвард и слично ниво), кои користат легитимни научни докази, за да создадат крајно нелегитимни и лажни еволуциски теории.

Слободната воља звучи како концепт кој задолжително нурнува во метафизички контемплации. Но, дали и колку е слободен во изборот човек со полна бешика?

Не се случува баш често научни истражувачи да вртат грб на проект од нивен сектор кој ќе им донесе близу 1,5 милијарди долари. А токму тоа му се случува на еден проект на Европската Унија кој е пред бојкот од самите изведувачи на проектот.