Со легитимитет на објава во стручен научен журнал, една студија тврди дека луѓето со мало познавање на политика, мислат дека многу знаат за политика.

Цехот за испраќање на ракета за Чандрајан-2 мисијата ќе биде понизок од цехот за филмот на Кристофер Нолан од 2014. И тоа за некои си 40 милиони долари поевтин.

Се изнајмува: функционална вселенска станица моментално во вселената, со простор за 8 луѓе и фантастичен поглед кон Земјата. Може да се користи како хотел, лабораторија или занимална без гравитација. Цена: 3 до 4 милијарди долари годишно.

Успехот на Спејсикс во лансирањето на Фалкон Хеви е што постави рекорд за најтешка лансирана ракета во историјата. По ова следуваше втората фаза од подвигот приземјувањето на ракетите кои беа лансирани.

Идејата дека родот нема биолошка основа, туку е културолошки наметнат конструкт, во последно време стана скоро мејнстрим. Поборниците на оваа теорија веруваат дека на децата им е наметната идејата дека, на пример, машките треба да си играат со колички, камиончиња и сл., а девојчињата со кукли. И дека доколку би биле оставени самите на себе, машките и женските дечиња би се однесувале родово идентично. Не ќе да е баш така.

Пред нешто повеќе од 10 години првпат се запрепастивме кога симпатичниот Плутон беше исфрлен од лигата заради својата маленкост. А сега се актуелизира и обратното прашање: кога нешто е преголемо за да се смета за планета?

Тој е намерачен на Енцелад, месечината на Сатурн, НАСА е намерачена на Енцелад месечината на Сатурн. Тој изнајмува космодром од Русите, НАСА (за сега) изнајмува космодром од Русите. Тој има негови пари, НАСА треба да чека пари од буџетот на САД.

Односот меѓу човештвото и Марс се враќа на статусот од пред 2015, откако водата што НАСА тврдеше дека пред две години ја открила на Црвената планета излезе дека е само песок или прашина.

Астероидот што ја удрил Земјата и ги уништил диносаурусите, успеал во тоа само затоа што погодил на право место за да го започне нивното верижно изумирање.

„Посно прасе “некому звучи како оксиморон а некому како кошмарен знак за престојна апокалипса на оваа цивилизација. Ама кинеските научници создале баш такви. И горди се, ќе можеле гудињата на ладно да си играат. Јебала их логика. Ќе јадат кучиња (интегрални) а овде на мрсно ќе штедат.

И според важечкиот стандарден модел а и според наодите и мерењата од последната студија на луѓе од ЦЕРН, овој универзум не би требало да постои. А еве го, не само што постои туку и едвај се трпи.

Никој нормален не може да го негира срањето кое човекот ѝ го прави на оваа планета, уздуж и попреку. Па сепак, има тука и нешто медиумски индуциран страв. Затоа потсетуваме на периодот кога за малку ќе се простувавме од блиските заради озонската дупка. За 25 години подоцна да ни кажат дека крпењето на таа дупка можеби направило и нешто лошо.

Маск во журналот Нова вселена прв пат подетално го образложи својот план за човековото стапнување на Марс. Иако најголемиот дел се уште е во фаза на планирање, логиката на Маск е дека објавувањето на плановите е важен прв чекор за идејата за стигнување до Марс да почне да изгледа како изводлива за човештвото.

Студија на Кембриџ утврдила дека научните работници со привлечен и атрактивен изглед јавноста ги есапи помалку сериозно од нивните понепривлечни колеги. За среќа, на нашата интелектуална сцена (ене ги по телевизии) има многумина на кои по овој критериум можеме бескрајно да им веруваме. Додека не отворат уста.

Два кампа теоретичари кои се занимаваат со најзаплетканите аспекти на постанокот на космосот, деновиве се караат како стрини. Господ мава лајкови. 

Погрешнo е затоа што без разлика на големината, животните се празнат за отприлика исто време. Дали е човек, куче, фока или слон - 12 секунди (горе-долу). Спремни да се задлабочиме во оваа физика на изметот?

Ревизијата на НАСА покажува дека на американската вселенска агенција не само што и снемуваат одела за мисиите, туку и дека во скоро време нема да може да набави нови.

Во саботата стотици илјади само-прогласени поддржувачи на науката излегоа на над 600-те итерации на Маршот за наука низ целиот свет, и покажаа колку не ја разбираме науката.

Лоша вест за совеста на вегетаријанците: живите растенијата може да „слушнат“ како некој ги јаде и во такви случаи пуштаат хемикалии за да го одвратат предаторот од намерата. Тоа е.

New Scientist ни донесе вест која зрачи со политички оптимизам. Предизборните ветувања не се најкраткото нешто во нашиот универзум.

Денес само се знае дека на Американците им успева да стапнат на Месечината пред Советите. Тоа што се избриша од знаење е масовната осуда и скептичност на јавноста, политичарите и Ајзенхауер околу целиот проект.

Судбоносната миграција од вода на копно била направена благодарејќи на очите, а не на нозете, тврдат двајца научници. Според нив дури откако прогледале далеку, нашите акватички предци решиле дека треба да почнат да растат нозе.

Неодамна откриен есеј (сред американски музеј) од 1939 покажува дека британскиот премиер бил отворен кон можноста за постоење на живот на други планети, и тоа речиси под истите услови кои и денес се сметаат за неопходни.

Стереотипот а ла Big Bang Theory е: научниците се социјално хендикепирани фрикови, изгледаат ко клошари и се позагрижени за спинот на електронот отколку за бројот на лајкови (бидејќи и онака немаат профил на Фејсбук). Но реалноста е поинаква и повеќе личи на House of Cards.