Кога сите го чекаа Виндос 9 (што е логично ако последниот ти е 8-ца), Микрософт го објави Виндоус 10. Официјално објаснување - премногу е добар. Неофицијално објаснување - од мрзливи програмери си патиме.

Новата генерација на издржливи спортски камери ќе има три верзии - најјака со 4К квалитет на снимка, средна што има екран на допир и евтина што ќе чини 130 долари. Ова е 4-та генерација на Херој на ГоПро.

Вработениот на Епл одговорен за тестирање на апдејтот на иОС 8, по кој добар дел од Ајфоните останаа неупотребливи, е истиот човек кој беше надлежен за откривање на пропустите на Епл Мапс пред премиерата во 2012-та.

Како што малку се стишуваат работите околу новиот Ајфон, така луѓето почнуваат да сфаќаат дека годинава Епл тивко и многу суптилно успеа да го поскапи новиот модел.

Како што е редот, секоја година фановите на Епл на 2 - 3 дена пред премиерата на телефонот почнуваат да се редат пред продавниците. Годинава (барем во Њујорк) редовите беа преплавени од Кинези, претежно луѓе во години, секој купуваше по 2 телефона и секој плаќаше во готовина.

Вчера низ светот почна продажбата на двата нови Ајфони, кои кај нас би требало да стигнат некаде околу Нова година. За до тогаш, еве го упатството на Вајард, дали треба да го купите 6-та (или плусот).

После години со наслови и рецензии од типот нечовечки и апсурдно големи телефони (за Ноут на Самсунг), годинава Верџ (како и добар дел од досегашните корисници на Ајфон) инстантно легна на брашно во моментот кога Епл објави дека новиот Ајфон ќе има нечовечки големи димензии. Ова на страна, еве ја една од првите рецензии за 6-та.

И до сега имаше скриншотови од следниот Виндоус, меѓутоа ова е прв пат да добиеме поблизок поглед на тоа како во иднина ќе биде променето работењето на декстоп компјутерите.

Како што е редот во последните неколку години, Епл во септември ја одржа годишната конвенција на која презентираше се ново што има сработено и што очекува вие да го купите во следната година. Без многу објаснување, ова се главните точки.

Комплетно ненамерно, кинеската дивизија на Микрософт на социјалните медиуми ја откри следната верзија на Виндоус. Народ ова инстантно го сфати дека Микрософт се со 9-та.

Месецов Сони објави дека од премиерата во ноември до сега веќе има продадено 10 милиони Плејстејшн 4 конзоли. Деновиве првиот човек на Сони за конзолата во интервју призна дека не знаат зошто толку добро им оди со продажбата. И тоа по јапонски стандарди е знак за проблем.

Целиот бизнис со нови и неоткриени фудбалери се базира на многу бројки и статистики околу фудбалерот, а ретко кој се снаоѓа добро со бројки како видео игрите за фудбал.

Апаратот се вика Полароид Кјуб и за разлика од сите Полароиди, многу е мало и ништо не вади инстантно, туку сè оди со поврзување преку компјутер.

Научници од Јужна Кореја работат на проблемот со премногу пикавци. До сега се стигнати дека отпушоците можат да ги користат за полнење батерии за се и сешто.

Новиот американски сон одеше фино: ќе скоцкаш апликација која прави нешто банално и ќе згрнеш тон пари. Но, податоците велат дека златната грозница е срушена за многумина и дека ако имате апликација, таа најверојатно нема да успее.

Новиот уред ниту е подобар, ниту е поевтин од конкуренцијата (Епл и Самсунг), ама и покрај ваквата ситуација Амазон верува дека има адут со кој ќе го продава Fire phone - многу бесплатни работи од Амазон.

Изумите на починатиот основач на Епл имаат разорен ефект на финскиот пазар на труд бидејќи тамошните компании биле начекани комплетно неподготвени за тоа што се случило, барем така смета премиерот на Финска.

Дали знаете дека само во последните три години, Кина има употребено повеќе бетон отколку САД во последните 100? На таа тема.

Постои еден паметно составен тест кој служи човек да препознае дека разговара со компјутер иако тој му се претставува како човек. Не се случило компјутер да го помине тој тест. Досега.

Во последното интервју за NBC, Едвард Сноуден внесе дополнителна параноја кога откри дека службите можат да ве прислушуваат дури и кога ви е телефонот исклучен. Има ли чаре? Абе има, ама до кога ќе трае?

Вториот по големина телеком во САД, АТ&Т, ќе го купи најголемиот провајдер на сателитска телевизија во земјата, DirecTV. На ова претходеше купувањето на ТајмВорнер од страна на Комкаст за приближно иста сума (45 милијарди долари).

Оние кои стравуваат дека човештвото ќе се уништи од сопствената технологија отсега имаат влијателен сојузник во ковањето апокалиптични сценарија. Не нуклеарната технологија ниту пак клонирањето. Стивен Хокинг проценува дека фатална за нас може да биде вештачката интелигенција.

Од целиот раст на приходи што Епл и Фејсбук го направија минатата година, речиси 100% директно доаѓа од мобилни уреди, без разлика што и двете компании се скршија од работење на други полиња.

Официјално име на проектот е Андроид Силвер, прв пат беше спомнат минатиот месец и означува сериозна промена во мобилната стратегија на Гугл, од евтини и субвенционирани телефони односно Нексус, во скапи телефони на ниво на Ајфон.