И покрај тоа што изгледа крајно рамнодушен додека на Русија постојано и се крчкаат и воведуваат нови санкции, Путин дома мора редовно да ги смирува олигарсите кои најмногу страдаат од овие санкции. И ова е лесниот дел од работата.
Три години откако со сила беше урнат режимот на Гадафи, Либија е потоната во хаос, безвластие и крвопролевање а западните ментори на "демократските промени" панично бегаат од земјата.
Амбасадорите на Данска, Шведска и Холандија, заедно со претставниците на Белгија, Британија, Италија, Унгарија, Австрија и Германија, беа свикани во израелскиот парламент, не да зборуваат, туку да слушаат, внимателно.
По цела година дизајнирање, во август ЦЕО-то на Газпром, Алексеј Милер, ќе добие официјален и уникатен Газпром таблет базиран на иОС оперативниот систем на Епл и по цена од 3 милиони долари.
Сегашниот лидер на Хамас, Халед Машал (со непоправлива желба да ја уништи еврејската држава), е истиот човек чиј живот во 1997-ма во последните мигови беше спасен од (тогашниот и сегашен) израелски премиер Бенjамин Нетанјаху. Ова се случи само неколку дена откако Машал беше врзан на машини за одржување во живот, по атентатот извршен по наредба токму на Нетанјаху.
Лувр годишно собира 9,3 милиони посетители, Британскиот Музеј има 6,7 милиони туристи, а Музеите на Ватикан собраа 5,5 милиони посетители. Проблемот е што некој треба да луфтира после сите овие.
Моментално Израелците ги бомбардираат Палестинците, ирачката армија се обидува да се справи со ИСИС, а Сиријците се борат меѓу себе, плус треба да излезат на крај и со ИСИС. Која и да си држава или организација на Блискиот Исток, во секоја твоја одлука треба да земеш во предвид уште 12 заинтересирани (и најчесто гневни) страни околу тебе.
Израел, кој тврди дека Хамас го крие оружјето меѓу цивилната популација во Газа, во понеделникот вечерта изврши околу 70 воздушни напади. При ова беше срамнета со земја единствената електрана во Газа и домот на политичкиот лидер на Хамас.
Несудениот македонски златен спонзор Субрата Рој сака да излезе од затвор ама за тоа му треба секретарка, канцеларија, опрема за видео конференции и уште пар неопходни деловни алатки (фикус?). И, судот најверојатно ќе му го дозволи тоа.
По пристигнувањето во Холандија, секоја од жртвите со посебен автомобил беше пренесена од аеродромот до гробиштата. Ова е видео од еден од мостовите на кои беа собрани луѓе за да ја поздрават поворката со починатите.
1988-ма САД и Иран веќе некое време се во притаена војна. Американците во Персискиот залив го имаат крстосувачот УСС Винсенс. На 3-ти јули Американците погрешно проценуваат дека еден ирански цивилен авион е воен и го соборуваат. Загинуваат сите 290 лица на авионот, меѓу кои и 66 деца.
Во март кога Русија го анектираше Крим, ЕУ и наметна санкции на земјата. Кога пред неколку дена беше соборен малезискиот авион, ЕУ најави уште посилни санкции. Во исто време Русите и понатаму не изгледаат како да паѓаат на овие закани.
Холандскиот велосипедист Мартин де Јонг два пати ја избегнува смртта пропуштајќи ги двата кобни лета на Малезија ерлајнс (МH17 и MH370). Како што објасни Вулф Блицер на СиЕнЕн и во двата случаја Де Јонг во последна минута решава да не се качи на летот. Проблемот е што нема никаков доказ дека де Јонг воопшто направил резервација за карта за летовите.
Во јануари 2012-та, Коста Конкордија заринка во близина на италијанското крајбрежје и две и пол години остана таму. Неделава бродот треба да биде тргнат од таму. Целата операција ќе и донесе на италијанската економија околу 1 милијарда долари.
Веќе е јасно дека уривањето на Боингот 777 е сè освен несреќа, и дека е најголема веројатноста дека тој бил срушен со ракета земја-воздух. Иако се уште има препукувања за тоа кој пукал, натежнува верзијата во која виновници се Русите.
Додека се нагаѓа дали Путин го нарачал рушењето на авионот, или веќе ја изгубил контролата над бунтовниците во Украина, и дали оружјето ним оружјето им било испорачано од Русија, или пак го заплениле од украинската армија, единствено сигурно е дека нема ниту еден преживеан меѓу сите 295 луѓе во авионот.
Калифорниските затвореници кои чекаат на извршување смртна казна деновиве добија една добра и една лоша вест. Добрата е дека судот ја прогласи смртната казна за противуставна. Лошата ја добиваат кога ќе се прашаат: зошто?
Еднаш годишно, речиси во ист период, западни медиуми знаат да пренесат некоја голема сторија за индијскиот Фејсбук и милионските планови на неговиот сопственик за ширење на бизнисот. Има само еден проблем.
Идејата дека Калифорнија треба да се распадне и да биде поделена во 6 посебни држави, неделава конечно доби доволно потписи за да биде гласана на референдум.
Британски градоначалник си поднел оставка откако нему и на партнерката им било забрането да влегуваат во сите пабови во градот што го избрал за градоначалник.
Чисто пазарџиски, просечниот комшија е бетер муштерија од Талибанците, барем според сведоштвата на поранешни сопственици на продавнички во племенските области во Пакистан.
Израел веќе извесно време во авионските напади ја користи таканаречената тактика "Чукање по покрив" (roof knocking). Особено во последната офанзива на Газа. Како тоа изгледа?
Секоја година имаш 1,5 милијарди долари за итно да испратиш храна на места погодени од најразлични природни катастрофи. Дилемата на УСАИД е како ќе го направиш тоа, а притоа да имаш најмала можна загуба?
