Единствената жена лидер која присуствуваше на состанокот меѓу ЕУ и Турција, на кој меѓу другото требаше да се разговара за правата на жените, заврши без столче меѓу лидерите.

Заради еден од најлошите биланси во справувањето со ковид-19 на барање на премиерот на Чешка беше сменет тамошниот министер за здравство, кого го назначи во октомври минатата година.

Пратка од 700.000 Фајзер вакцини која во неделата требаше да стигне во Израел е одложена на неодредено време. Во случајов неодредено време е колку и да му е потребно на Израел да плати фактура.

Рускиот претседател го потпиша законот за „ресетирање“ мандати кој ќе му дозволи уште два пати да се кандидира за претседател на Русија, со што потенцијално би бил на власт до 2036.

Париското јавно обвинителство започна истрага околу сведоштвата објавени од медиумите на луѓе кои тврдат „дека јаделе во два или три тајни ресторани со одреден број на министри“.

Првиот дел од насловот е за целиот народ на Либан, „ама“ е за политичарите и владетелите на земјата, кои успеаа да ја дотераат до дереџето во кое се наоѓа.

Фабриката која требаше да произведе десетици милиони дози од Џонсон и Џонсон, што беа важен дел од планот на Бајден за вакцинирање на земјата, сега треба комплетно да престане со производство додека властите не ја истражат грешката.

Гневот дома и резилот во странство е што Германија како земја која се потпре на ЕУ во набавката на вакцини, моментално има вакцинирано само 11% од населенито со барем една доза. Во САД ова е 45%, во Израел 60%.

„Во моментов би убила за да бидам малку сексуално малтретирана“ ќе изјави една од функционерките на австралиската Либерална партија на состанок со колегите околу новите правила на однесување во партијата.

Затката што се случи во Суецкиот канал во преден план извади две потенцијални решенија кои до сега глатко беа игнорирани затоа што на глобалната трговија никогаш не и се случило кревање рачна како сега.

Новите извештаи на владините и здравствени институции ја корегираа цифрата на реалната смрност од ковид во земјата. Сега оперираат со бројка која е дури 60% поголема од претходната. Ама па аранжманите им се евтини.

Бродот што пред два дена се заглави во Суецкиот канал уште е таму и нема намера да мрдне. Моментално градацијата на проблемот е: веќе над 150 бродови се заглавени и не можат да продолжат со патувањето, и се очекува дека така ќе биде барем до следната недела.

Откако се смени првиот човек на Белата куќа, во неа се враќаат некои нејзини „станари“ кои таму службуваа во ерата на Барак Обама. Види чудо, вториов пат доаѓааат многу побогати отколку првиот.

Насукан карго брод, подолг од Ајфеловата кула, вчера успеа да го потсети светот за важноста што Суецкиот канал ја има за комплетната глобална економија.

По еден ден галама и негодување во земјата, Меркел им соопшти на лидерите на 16-те германски сојузни држави дека ја повлекува одлуката за затворање дома на целосната германска популација за време на Велигденските празници.

Полицијата соопшти дека започнала со испрашување сведоци а планира меѓу нив да се најде и првиот човек на норвешката влада како и нејзиниот сопруг, за да се расветлат пар непочитувања на ковид мерките кои важат (за сите) во таа далечна земја. 

Пролетта пристигна а американската ендемска болест која остана прикриена за време на ковид пандемијата, крваво се враќа на сцената. После две масовни убиства, Американците се потсетуваат: Да бее, вака изгледаше тоа „нормалното“.

Специјалната известувачка на Обединетите нации за случајот со убиството на Џамал Кашоги добила смртна закана од функционер на владата што е истражувана за убиството.

Данска планира да го лимитира бројот на не-западни жители во урбаните центри. Во едно маало не ќе може да има повеќе од 30 посто такви. Властите сметаат дека кога ги има повеќе од тоа, почнува гетоизација, односно почнува процесот тие повеќе да ја менуваат Данска отколку што Данска ги менува нив.

Откако во немилост падна судијата кој го осуди и го оневозможи да учествува на последните избори на кои, со така расчистен политички терен, победи актуелниот претседател Болсонаро, на политичката сцена во Бразил се враќа Луис Инасио Лула де Силва, омилениот претседател на работниците и најомразениот лик меѓу домашните и странски богаташи. 

Од делот од планетава кој има нуклеарен капацитет да стави крај на сè на планетава, доаѓа вест која изминативе години престанавме да ја очекуваме да дојде од било каде, а посебно од Пакистан и Индија.

Коментарот на Путин околу ставот на Бајден дека рускиот претседател е убиец, е дека тоа е само одраз на минатите и сегашни проблеми на САД.

Во интервју за Еј-би-си, американскиот претседател се согласи дека рускиот претседател е убиец, и дополни дека веќе му има кажано на Путин дека „ќе плати“ за мешањето во американските избори.

Само за викендот војската застрела 56 демонстранти, и додека Западот „најостро го осудува насилството“, воената хунта прогласи воена состојба во дополнителни делови од Мјанмар.