Во Франција оваа недела се одржува првиот Европски симпозиум за асиметрија. Неговата мултидисциплинарна програма покрива широк опсег теми, од глувчешки зиготи и пазарни економии, до јапонска уметност и невронаука. 

Еден од изненадувачките факти околу интернетот е дека интернетот не е само Фејсбук. Уште поизненадувачки е дека на интернет има сајтови кои стручно се бават со - наука. Екипата на Лајв саенс состави сопствен список од научни веб-страни кои секој ден ги посетуваат и читаат.

„Теоријата на благонаклоно реметење“ е уште една во редицата обиди да се објасни природата на хуморот. Работата е што луѓето главно не се благонаклони, па оттаму и реметењата стануваат не-смешни. 

Се викал Лук Хауард, и е еден од оние кои биле корисни за човештвото, иако главата му била во облаци.

Името на источната римска империја, во форма на придавка, најчесто означува комплициран општествен систем кој функционира преку интриги, корупција и предавства. Тоа е неправедно за една култура која на светот му дала многу повеќе од тоа.

Луѓето често размислуваат за незнаењето како за нешто кое треба да се искорени или да се надмине. Но всушност токму тоа го поттикнува развојот на науката.

Пензионираниот научник кој денес живее изолирано „некаде во Мејн“ вели дека ќе било подобро парите од овогодинешната награда да ги добиел порано - кога се мачел да го финансира истражувањето со кое и ја заслужи Нобеловата.

Жозеф Пујол на почетокот на 20 век бил највисоко платениот изведувач во Мулен Руж. Неговиот талент бил во најмала рака...необичен.

Сите оние кои се ставиле на некоја од диетите кои се во моментов „ин“ - хроно, протекали, прашоци од сурутки - го знаат она чувство на поетски копнеж во првите денови кога се „симнуваш“ од шеќер. Ама долгорочно изгледа борбата со самиот себе се исплати.

Koмуникацијата или недостатокот од истата помеѓу научниците и „обичното граѓанство“ е тема која може да се разгледува од „врвот“, или од „долу“. Ама секако знае да биде „дно“.

Студија на Кембриџ утврдила дека научните работници со привлечен и атрактивен изглед јавноста ги есапи помалку сериозно од нивните понепривлечни колеги. За среќа, на нашата интелектуална сцена (ене ги по телевизии) има многумина на кои по овој критериум можеме бескрајно да им веруваме. Додека не отворат уста.

Два кампа теоретичари кои се занимаваат со најзаплетканите аспекти на постанокот на космосот, деновиве се караат како стрини. Господ мава лајкови. 

Една од легендарните изјави на Тајсон која непогрешиво важи во секоја дебата меѓу науката и како и да се вика другата страна е "науката е во право, без разлика дали ти веруваш во неа или не". Ова е неговата порака по повод глобалниот протест против мешањето (на политиката) во науката. Тајсон = Нил Деграс Тајсон.

Иако веројатноста секој да си гледа од својот атар, и да смета дека научните проблеми со кои тој/таа се занимава се најбитните и најитните, интересно е на едно место да се видат одговорите на голем број научници и мислители за тоа кој концепт или термин би требало да е во фокусот на вниманието следната година, и особено - зошто.

Она што е први април за нормалниот свет, тоа е (католички) Божик за академските списанија - според традицијата голем број од нив на овој датум објавуваат статии кои не се сосема ненаучни, но на теми и методологии кои вообичаено не би биле прифатени како сериозни. Дали е ова толку наивно колку што изгледа на прв поглед?

За да се задржи нивото на потрошувачката на шеќер, индустријата платила научен развој на вакцина против расипување заби. Тие што слепо ѝ верувале на таквата наука останаа и без вакцина и без заби.

Американската федерална комисија за трговија ќе бара од производителите на хомеопатски што-и-да-се-тоа јасно да обележат дека нивните производи не функционираат.

Една жена е заслужна за основањето на пиратски сајт за научни статии, на тој начин овозможувајќи им на илјадници студенти и истражувачи во светот да ја прескокнат таа за останатите невидлива „железна завеса" на знаењето.

Претходниот придонес на муслиманскиот свет кон науката и образованието е извонреден. Златното доба на Исламот во кое учењето и образованието цветаат низ муслиманскиот свет, трае со векови, и го вклучува основањето на првите универзитети во светот. Денес, сепак, мнозински муслиманските држави доста заостануваат зад остатокот од светот во смисла на образование и истражување.

Светски шампион во влечење со јаже, рекордер во скок во далечина и пионир на форензичката наука кој го основал холандскиот Витесе Арнхем кој знаеше како се матираат противничките голмани.

Овој месец се одбележуваат сто - земски - години од Ајнштајновата општа теорија на релативност. Таа, како и делото на Ајнштајн воопшто, извршила огромно влијание не само врз научната мисла, туку и врз уметноста.

Иако академскиот дискурс се оценува како генерално „здрвен“ и непотребно комплициран, американските научници се поподготвени да се симнат од олимписките височини и во две реченици да објаснат што е тоа што го работат. Французите не сакаат да чујат за ваквото вулгаризирање. Македонските генерално само се обидуваат да преживеат.

Приказната за тоа како Монсанто користи угледни научници за својата ПР кауза е приказна за вишок пари и кусок академски интегритет.

Њутновата Principia Mathematica била напишана на латински, првите позначајни статии на Ајнштајн на германски, оние на Марија Кири на француски. Но денес речиси сите научни резултати се објавуваат на еден единствен јазик - англискиот, кој парадоксално станува научниот „лингва франка".