Еден текст во форма на петиција, којшто се однесува на актуелните состојби во европската наука, ни се виде многу интересен, и заради тоа што излегува дека уништувањето на науката е заедничка мака на сите земји членки, и затоа што Македонија излегува слична, и полоша од нив. Зошто тогаш побогу не сме во Европа?

Еден наш читател од Бостон ни ја проследи приказнава со асоцијација: двајца големи играчи се тркаат за исто, наградата е голема и политичка, едниот губи, другиот не го признава гласањето, излегуваат бомби (exposed internal documents). А оно - наука.

British Medical Journal секоја година издава специјално божикно издание со измислени статии. По некое времe, еве ти ги истите статии во медиумите, овојпат како вистински.

Слободната воља звучи како концепт кој задолжително нурнува во метафизички контемплации. Но, дали и колку е слободен во изборот човек со полна бешика?

Пет шведски професори и истражувачи признаа дека го цитирале Дилан во стручни статии. И дека се натпреваруваат меѓу себе кој ќе успее да протурка повеќе од нив пред пензија.

Денес стресот е главниот виновник за сите бељи кои недоволно ги разбираме или пак за кои ни треба алиби: од дебелеење до пад на имунитетот. А ако се трага по корените на неговиот волшебен статус и кај народот и во медицината (- Сè е до стресот. - Е, баш ви фала докторе), се доаѓа до еден покрив во Канада.

Ги знаете оние емисии, кога ќе им дојдат на врата и ги снимаат како реагираат на некаква вест. Што би можеле да ви кажат за да ви се сврти во глава, да барате сто пати да ви се повтори за да поверувате, и на крај да отворите шампањ? Пример...пет сигма на точка два?

Eден од поинтересните текстови на кои налетавме во новата година има врска со научна статија, социјални мрежи и патување низ времето. Доволно елементи за добар (книжевен) заплет.

Многу, многу ги цениме обидите за популаризација на науката и нејзино „преведување" на јазик кој може да го разбере и нормален човек. Ова е дефинитивно еден од најоткачените обиди да се стори тоа.

Дејвид Бирнбаум се збогатил продавајќи им накит на филмски ѕвезди. Но неговата огромна книга со помпезен наслов има врска со малку поинакви теми. Клучни зборови: космос, матка, потенцијал, метафизика. И според многумина, со благо лудило.

Хаи-Тинг Чин (Hai-Ting Chinn) , мецосопран од Њујорк, е позната по проекти кои истовремено ја промовираат класичната музика и науката. Еден од нив е пеење цитати од познати научници.

За оние кои и онака уживаат во читањето посебни аргументи за неговата корисност веројатно и не се потребни. За оние на кои им е неопходна наука за да се уверат во наведеното, еве компилација од истражувања на оваа тема.

Индијскиот графички дизајнер Капил Багат пред неколку дена го одбележа Националниот ден на науката во неговата земја со серија минималистички постери, кои сликовито ги прикажуваат најважните научни откритија во историјата на науката.

Не ни е јасно зошто научната јавност во Македонија сè уште не излегува со експертско мислење за чудото во св. Димитрија. Објаснувањето е едноставно: фотоните се квантно поле кое во интерференција со електромагнетните бранови произведени од локалната радио-дифузија при силен импулс може да ги направи сликите (а и звуците) појасни отколку што тие вообичаено се.

Леон Ледерман, добитникот на Нобелова за физика, на свои осумдесет и кусур си седнува на прометна улица во Њујорк и Чикаго и одговара на прашања на минувачите.

Уште еден контроверзен спот нарачан од Европската комисија, после оној кој беше критикуван за расизам. Овој пат една посуптилна тема - жени и наука.

На 14. јули 1930, славниот физичар во својот дом близу Берлин го примил индијскиот филoзоф Рабиндранат Тагоре. „Науката и индиската традиција" од Дејвид Л. Гослинг го пренесува разговорот кој притоа го воделе, а кој се однесува на постојаниот судир помеѓу науката и религијата. Веројатно очекувате дека Ајнштајн е оној кој ја велича науката. Епа ќе се изненадите...