Нова интересна епизода од стручните коментатори на Си-Би-Ес. За време на последниот пенал на Бразилецот Галено од Порто, Анри станува од своето место и ја напушта просторијата со коментар: „Не ми делува сигурен, ќе промаши, ќе промаши“. И голманот на Арсенал Давид Раја му го одбрани пеналот.

Арсенал и Порто одиграа драматичен реванш во 1/8 финале на Лига на шампиони. „Топџиите“ надоместија гол негатива од првиот дуел и натпреварот после продолженија отиде на пенали. Во првото продолжение Хаверц силеџиски го турна гостинскиот тренер Серџо Консеисао па имаше среќа што овој изреагира смирено.

Навивачите во САД забележале еден интересен детал. Приметиле дека Никола Јокиќ веќе неколку пати кога има некоја спорна судиска одлука, пред да продолжи играта застанува да ги врзе врвките и со тоа им дава време на тренерот и клупата на големиот екран горе да видат дали да бараат прегледување на снимка. Неколку пати му успеало и прашање е дали овој тренд ќе се рашири во НБА па лигата да мора да реагира.

Карлсруе го елиминираа во 91-ва, Баерн во 96-та, Борусија Менхенгладбах во 93-та минута. Најскапиот играч им вреди 700.000 евра. Што третолигаш ќе беше ова?

Кога кај нас ќе се спомне гол од корнер, веднаш се мисли на Артим Шаќири кој стана асоцијација. Истото и успеа и на Наташа Андонова. Пред една недела Вардар го доби Работнички токму со гол од корнер, дело на Дарко Глишиќ. Ама не паметиме на некој да му успеало вакво нешто два пати на ист натпревар. Лука Аџиќ од Чукарички против Спартак Суботица погоди на прва, а потоа и на втора статива. Неверојатно.

Фудбалерите на Арсенал после цели 14 години се пласираа во четвртфинале на Лига на шампиони што е прав подвиг за „топџиите“ за што после пенал драмата со Порто зборуваше и тренерот Микел Артета. Во Барселона Каталонците благодарение на одличната игра одат во следна фаза по убедливиот триумф над Наполи.

Скоро секој втор ден некој легендарен фудбалер одговара на прашање кои се неговите најдобри 11, ама оние кои ги избра „Феноменот“ Роналдо се дефинитивно најдобри во историјата на своите позиции.

Пазете ја ситуацијава во кадетскиот шампионат на Македонија. Алкалоид останува со двајца ракометари во игра плус голманот, а Еуфорам Пелистер го има цел тим. Голманот Ѓорѓи Николовски прима топка од центар, прави дар мар и им дава гол во финишот од средбата. Цела екипа му се фрли внатре во гол, за храброста и дрскоста против битолчани.

Најдобриот кошаркар во НБА кој е многу блиску до уште една МВП награда во кариерата, синоќа одигра нова страшна партија со 21. трипл-дабл во кариерата. Србинот постигна 35 поени со 17 скока, 12 аситенции и шест одземени топки и беше најзаслужен за големиот пресврт на Денвер Нагетс кој губеше -21 поен разлика на полувреме од Торонто Репторс но на крај победи.

Наградата за гол на годинава ја дава ФИФА и тоа им го оставаме на нив да си го решат по пат на гласање, ама за навивач на годинава нема простор за туѓо мислење. Овој е тој и точка. Се јави во емисија во живо во тв К1 за да зборува за дербито Ѕвезда - Партизан и тоа мртов ладен. Инаку бил дел од групата Алкатраз, а поздрав за гостите упати и од неговиот цимер од келија. Раде Богдановиќ пукна од смеење.

Необичен поен му зема Нарди на Ѓоковиќ во вториот сет за кој Србинот се бунеше кај судијата. Лука мислеше дека Новак направил дупла сервис грешка, па во еден момент застана во сред игра, но му ја врати топката во поле. Потоа и Новак одигра, но и он застана и го загуби поенот.

16 години помладиот Италијанец, на Индијан Велс го совлада човекот од кој има постер во соба кој не планира да го тргне. Кој знае какво му е чувството после овој сензационален триумф. Сабајле го гледаш дома на постер, а потоа истиот ден го победуваш на само 20 години.

Супер натпревар со четири гола во втората холандска лига одиграле Ден Хаг и Дордехт. Гостите воделе 0-2 до 32’ минута а домашните прво намалиле на 1-2 во 41-ва минута, па во 54-та преку Дарил ван Минем израмниле 2-2 со прекрасен погодок под пола терен.

На меч меѓу Атлетико Атланта и Химнасија и Тиро во втора аргентинска лига, топката во еден момент по изведен слободен удар удира во внатрешниот дел од мрежата, но се одбива од заштитната шипка и излегува надвор. Судијата ја продолжува играта, гол нема. Домашниот тренер се буни и добива црвен картон. Мечот завршил 1-1 со вкупно 4 црвени картони, два на терен и два надвор од терен.

Прославениот ас кој направи светска трофејна кариера како фудбалер на Црвена звезда и Милан, веќе дваесетина години раководи со Црногорскиот фудбалски сојуз. И таму нормално има жестоки критичари од кои голем е поранешен малку познат фудбалер Дејан Пековиќ - Џаја. Пековиќ му аргументирал на Савичевиќ дека слабо го води сојузот на што „Геније“ испровоциран почнал да вика.

Тешко се наоѓа саглам човек меѓу претседателите во Серија А. Дел од нив се полни со афери за малверзации, други се однесуваат циркузантски и несоодветно со оглед на позицијата која ја имаат, трети покажуваат силеџиски манири пред камери.

Се работи за првата сезона на Кристијано во Јувентус, 2018/2019, онаа кога Ајакс беше неверојатен и за влакно не стигна до финале во ЛШ. Со поразот од 2:0 од Атлетико Мадрид во осминафинале, Јувентус на реваншот имаше зезнат резултат, против тврд противник за што беа потребни 3:0 за елиминација. Одговорот го имаше Кристијано Роналдо со голови во 27', 48' и 86' минута токму против неговиот градски ривал од Мадрид, за делириум на Алијанц.

Актуелниот шампион Денвер Нагетс направи голем пресврт на свој терен против Торонто Репторс и на крајот славеше 125:119. Број 1 на мечот кој друг ако не Никола Јокиќ.

Младите италијански тенисери очигледно не му лежат на Ѓоковиќ кој после три порази од Јаник Синер, сега го доживеа можеби и најтешкиот пораз во својата епска кариера. Новак изгуби од 20-годишниот Лука Нарди кој е, верувале или не 123. место на ранг листа.

Со гол во 118-та минута, Кристијано Роналдо го спаси својот тим и го однесе во продолженија, но сето тоа паѓа во вода.

Феенорд со 3-0 го совлада Хераклес во 25. коло од холандската Ередивизија. Тимот од Ротердам и натаму е втор на табела со 59 бода, 10 помалку од лидерот ПСВ Ајндховен кој има 69 и е неприкосновено прв. Пред еден слободен удар домашните од Феенорд играа лист, камен, ножички за да решат кој да го изведе.

По веста за извонредното трето место во светска конкуренција на наш сноуборд натпреварувач, уште еден мејл нè изненади викендов. Па ајде нека е оваа објава и на некој начин нешто осмомартовско од нас со задоцнување, како поддршка за жените во спортот.

Нестварни сцени ни доаѓаат од второлигашката хрватска пресметка меѓу Змијавци и Зрински каква што досега не сме објавиле. При резултат 0:0, домаќините добија пенал за кои се обидуваа прво да создадат услови за удар од белата точка, која патем и ја немаше. За комедијата да биде целосна и спремна за ширење на сите сајтови и социјалните мрежи поврзани со фудбал се погрижи изведувачот по име Прскало. Го издиша голманот бе.