Иако Англија нема ниту еден претставник во ЛШ, дури 3 екипи од островот останаа во игра за освојувањето на пехарот во второто по ранг клупско европско натпреварување. Ова се најинтересните факти за четвртфиналните битки.

Атлетико Минеиро го победи аргентинскиот клуб Арсенал со 5:2 во рамките на Копа Либертадорес, а стрелец на два погодоци беше легендарниот Роналдињо, но неговото шоу беше фрлено во сенка на тешкиот инцидент и тепачката на гостинските фудбалери со бразилската полиција.

Пред четвртфиналниот натпревар против Малага, фудбалерот на Борусија Дортмунд, Марио Геце си ја обележа територијата на шпанскиот стадион. Напаѓачот кој подоцна се изнапромашува на натпреварот, не можеше да додржи до крајот на тренингот и се олесни зад рекламните паноа.

Реал Мадрид го победи Галатасарај со 3:0 и стекна голема предност која ќе им гарантира порелаксиран реванш во пеколниот Истанбул. Малага и Борусија Дортмунд одиграа натпревар со многу шанси, но без голови.

Репрезентацијата на Шпанија која влезе како апсолутен фаворит во нашата квалификациска група за европскиот шампионат во Данска, рутинирано и без никакви тешкотии славеше против нашиот национален тим со 17:24 во деби мечот на хрватскиот селекторот Ивица Обрван.

Во пресрет на Светското фудбалско првенство наредната година, бразилските легенди прочепкаа по минатото на првиот човек на Фудбалската федерација на Бразил и бараат да си поднесе оставка.

Фудбалерите никако да сфатат дека во денешно време има камери на секое ќоше од стадионот кои ги ловат сите нивни реакции и фолирања, па наместо жртви, стануваат мета за сеир на интернет. Оваа недела имаме две номинации за доделување на фудбалски оскар.

На водителите на една спортска емисија на локална ТВ станица од Истанбул, веројатно никогаш веќе нема да им текне да кажат лош збор за Галатасарај. За време на нивната вчерашна емисија тие дискутирале за натпреварот против Реал Мадрид и постојано велеле дека Галатасарај нема шанси по што веднаш следела реакција од лудите навивачи на турскиот клуб.

Марија Радаели која денеска требаше да наполни 114 години, почина вчера и ќе биде запаметена можеби и како највозрасна навивачка на еден фудбалки клуб.

Мајк Рајс, тренерот на кошаркарската екипа на универзитетот Ратгерс, е суспендиран на 3 натпревари и заработи казна од 50.000 долари откако ESPN прикажа видео од неговите необични методи на тренирање на екипата со мавање, влечење, гаѓање со баскет и навредување на своите играчи.

Фудбалското внимание во втората четвртфинална ноќ од Лигата на шампионите ќе биде свртено во Мадрид и Малага кои ќе ги нагостат екипите на Галатасарај и Борусија Дортмунд. Битката на Сантијаго Бернабе ќе се води и помеѓу најдобрите стрелци оваа сезона Роналдо и Јилмаз кои имаат по 8 гола.

Бруно Фонсека, голман на португалски нисколигаш е херој на денот. Во рок од 60 секунди тој успеа да одбрани пенал и да ја затресе противничката мрежа.

Расположени сте за теории за заговор во спортот? Убедени сте дека се мести во сите спортови насекаде во светот, па зошто да не и во НБА? Тогаш сигурно би се согласиле со следново видео во кое се тврди дека НБА мести за Лејкерси да се пласираат во плејоф.

Капитенот на репрезентацијата на Белгија и Манчестер Сити, Венсан Компани си купи фудбалски клуб во својата родна земја и ќе го менува од корен. За почеток тој ќе го смени името на клубот и тоа со помош на навивачите.

Во првите два борбени дуела од четвртфиналната фаза во Лигата на шампионите, Баерн Минхен со головите на Алаба и Милер обезбедија солидна предност пред реваншот. Барселона иако обезбеди водство во 89 минута со голот на Чави од пенал, ремито стигна во 94 минута.

Победникот во забивање на минатогодишното издание на НБА Ол Стар викендот, Џереми Еванс е пример за тоа како се читаат мислите на своите соиграчи. Кошаркарот на Јута Џез иако во моментот на додавање на Џамал Тинсли се наоѓаше на линијата за три поени, успеа да стигне на вистинското место.

Аргентинската полиција го уапси голманот на Сан Лоренцо, Пабло Миљоре кој е осомничен дека е дел од бандата која го убила 56 годишниот навивач Ернесто Чирино пред 2 години.

Фудбалерот на Галатасарај Емануел Ебуе не е од оние стандардни фудбалери кои мирно ќе застанат и ќе ги дадат своите видувања за натпреварот. Новинарот беше на маки да го смири фудбалерот кој беше расположен за мајтап кој обично се прави во предшколска возраст. 

Викендов еден натпревар од првата и еден од втората македонска фудбалска лига се одиграа без контролори за судиите, но имало и полоши од нас. Натпревар од Премиер лигата на Велс не се одигра затоа што никој не ги известил судиите.

Фудбалерите на Галатасарај ќе имаат дополнителна мотивација за да се пласираат во полуфиналето од Лигата на шампиони. За елиминација на Реал Мадрид тие ќе добијат по 25.000 евра.

Викендов го разбивме малерот и погодивме тикет со коефициент 25, па веднаш го продолжуваме нашиот напад на касите на кладилниците. Овој пат предлагаме типови за натпревари од Лига на шампиони и Лига Европа.

Првите четвртфинални двојки ПСЖ-Барселона и Баерн Минхен – Јувентус го креваат адреналинот на светскиот фудбалски аудиториум кој според силината и неизвеснота на средбите ќе биде на мака кој натпревар да го избере пред малите екрани.

Северна и објави војна на Јужна Кореја, а Србите веќе испорачаа две „бомби“ во Сеул, ама фудбалски. Милош Босанчиќ од екипата на Геонгам беше стрелец на два прекрасни погодоци на гостувањето кај екипата на Сеул, но неговата екипа мораше да се задоволи само со бод.

За прв пат по 1973-та година, односно по 1.786 изгледани натпревари, Стјуарт Естил синоќа пропушти натпревар на неговиот омилен клуб Нотингем Форест и тоа не по негова волја.