Главниот конкурент во борбата за титулата на Јуве изминативе неколку сезони му е Наполи кој никако да го направи тој исчекор за да го зграпчи толку посакуваното Скудето уште од времето на Марадона. Како да подзагубија чекор и овој пат.

Жозе е еден од оние ликови кој или го сакате или го мразите. На моменти изгледа арогантен, на моменти комичен, ама секогаш е отворен и работите на новинарите им ги кажува (плеска) во лице, онака како што ги мисли. Ова е најновата компилација од тие негови циркузи.

Изгледа дека Маруан Фелаини е решен да биде трол број 1 меѓу англиските навивачи, се додека биде дел од англискиот фудбал. Ја објави својата најнова фризура со која ќе се појави на насловна страница во магазинот GQ Style. Гасете нетот, ама од штекер.

Со должна почит за нивниот лик и дело, ама ние веруваме во онаа маалската дека за да бидеш добар голман треба да си малку така.

„Си лета времето“ е првата помисла на навивачите на Ајакс, Јувентус и Барселона кога му честитаат роденден на еден од најомилените нивни фудбалери во клупската историја.

Оваа приказна не е за Барса, Реал или Манчестер, туку за новиот фудбалски клуб Лос Анџелес кој има верен еден фан во Австралија. Тие уште не заиграле во лигата, а тој си резервирал карта пред 10 месеци.

Кливленд никако да се тргне од апатијата која ги држи сезонава. Имаат 6 порази на последните 10 меча заклучно и со последниот од Лејкерс. Сега се четврто место на Истокот. Единствен кој нешто игра е Леброн Џејмс.

Она што се најавуваше и се очекуваше дека ќе му се случи, му го остварија. Сонот на Јане Велковски стана јаве. Се наоѓа во Манчестер во друштво на големите ѕвезди кои ќе ги гледа во ЛШ.

Што ќе се случува во Исланд на 15 март? Ништо посебно, само една обична промоција на дрес за потребите на Мундијалот во Русија. Ама таа обична промоција тие ја најавуваат на креативен и уникатен начин, затоа што се цареви и со 300.000 народ ќе играат на Светско, а беа на Европско и тоа во топ 8. Ние уште стадион не знаеме да наполниме, а да не зборуваме за некои стадиони во внатрешноста каде чешмите не ги менуваат.

Прво малиот е многу мал за да го ребрачите вака. Второ Наполи неколку години по ред се поти да ја прекине доминацијата на Јуве. Трето сезонава е или беше најблиску до тоа. И четврто требаше да ви ја плесне во фаца.

Португалецот во дресот на Барселона, Андре Гомеш често е мета на критики, навреди, свирежи зошто не покажува ниво вредно на Барселона - но никој не ја знаел неговата душевна состојба.

Една од најважните работи за секој фудбалски и општо спортски колектив е играчите да функционираат сложно или како што се вели како семејство. За што поголема опуштеност меѓу нив се погрижи нивниот тренер кој ги разби сувопарните тренинзи делејќи им нова задача, која се покажа како успешна.

Политичар и бизнисмен кој во минатото служел војска во Советската армија. Важи за 30-ти најбогат човек на светот кој го спаси ПАОК од гаснење во 2012. Необично, не зборува грчки јазик иако 30 години живее во Солун.

НБА е шоу. Не само на паркетот, туку и на трибините. За време на паузите за публиката се организираат разни игри. Така за време на полувремето од мечот Оклахома - Сан Антонио се одржа Oklahoma Lottery Victory Dance. Камерата по случаен избор наоѓа гледачи кои се натпреваруваат кој подобро ќе денса. Победникот добива 1.000 долари.

По гангстерското однесување на газдата на ПАОК кој се шеташе како шериф на терен со пиштол, владата донесе одлука сите натпревари од првата грчка лига да бидат во прекин на неодредено време.

Џејми Карагер е легенда на Ливерпул со 17 години стаж и 700 настапи, но и со манири на тешко сељачиште кој не го пере тоа што се јавил да се извини за крајно идиотскиот потег.

После години и години, Валенсија сезонава е на прав пат со врвниот тренер Марселино и со Италијанецот Симоне Ѕаѕа во нападот. Викендов со 2:0 ја победија Севиља но триумфот како да остана во сенка на глупоста на овој вториот кој лошо исценира фаул.

Во неделата се одигра еден од најжестоките дерби дуели на светот. Градската битка за Глазгов меѓу Ренџерс и Селтик. „Келтите“ славеа 2:3 после неколку пресврти а во 87. минута напаѓачот на Ренџерс Алфредо Морељос промаши чудесија од шанса за 3:3.

По 20 години кариера, греота е да човек да залегне и да се запушти, затоа не е на одмет малку фудбалче со другарчињата. Еднаш мајстор, засекогаш мајстор. Дами и господна, неговото височество: Франческо Тоти.

Во цела Италија натпреварите почннуваа со едноминутен молк во чест на прерано починатиот капитен на Фиорентина. На дуелот Јуве - Удинезе во Торино, Буфон остана на клупата каде му се насолзија очите додека траеше молкот.

Гол со ножички е веќе видено и досадно. Одамна не паднал некој со шкорпион удар, кој е еден вид белег на Ибрахимовиќ. Овој пат му успеа на Чиро Имобиле и тоа во 95-та минута против Каљари на гости.

Тагата за раната смрт на Давиде Астори не завршува. Неговите соиграчи го одиграа првиот натпревар без својот капитен на кој го совладаа Беневенто со 1:0, а во моментот кога се играше минутата со број 13, која Астори ја носеше на својот грб се случи најемотивниот момент на сезоната. Како никој се уште да не може да дојде на себе по смртта на Давиде кој на 31 година ги напушти Виолетовите.