Да почнеме со златокосиот: Трамп ја избегна дебатата за климатските промени на Г7 со најглупото можно алиби. А околу жените се зарчкаа Болсонаро и Макрон, поточно овој првиот.

Првата пратка африкански робови пристигнуваат пред 400 години во Поинт Комфорт во тогаш се уште англиската колонија Вирџинија, каде на колонизаторите им се продавани за храна.

„Оние луѓе кои живеат во големите градови како Рио или Сао Паоло мислат дека ние треба да живееме од трошките кои ни ги фрлаат. Таквиот живот ничие наше дете нема да однесе на факултет,“ вели селанец од избирачката база на Болсонаро, оние кои едвај чекаа некој од горе да намигне за да ги забревтаат багерите по Амазонија.

Нималку не е лесно и наивно да се застане на браникот на родната планета и да се бори за нејзино преживување бидејќи на тој браник може да се положи и својот живот. За таа кауза, секоја година гинат стотици комити. 

Во сите кампањи што последниве две-три години ги водеше Борис Џонсон проникнуваше по некоја излудена идеја којa никој не веруваше, а тој ветуваше, дека ќе може да ја истера. Сега веќе не е во кампања, ама идеите му се исти како да е.

Слично како што кај нас никој не верува дека воопшто постојат Демир Хисар, Пехчево, Македонски Брод, Пробиштип и слично, во Германија никој не верува дека градот Билефелд вистински постои. Сега Билефелд сака уште повеќе да не постои.

Човекот се самоуби на 10 август и со тоа ги лиши од каква било судска правда сите него жртви. Два дена пред самоубиството тој составува нов тестамент со кој истите овие жртви ги лишува и од каква било отштета во иднина.

Земјата има 17 милиони жители, ама затоа годишно има 19 милиони туристи, и тоа главно концентрирани на неколку локации.

Трамп толку го чеша да се спука со Иран што почна да штанца соопштенија дека тие го кршеле договорот и пред тој да постои (?). За да се спречи уште една криминална и нелегална војна како онаа во Ирак, медиумите треба да го прават она што колективно не го правеа во 2003 година: да ги демаскираат лагите.

Во време кога кај нас уште од портирница на Влада немаат кажано кој обвинител која судска постапка треба да ја тера, како треба да ја води и како треба да заврши, канадскиот премиер Трудо го минува еден од најтешките скандали на својата кариера заради мешање во работата на својата министерка за правда.

Милиони брегзит монети од 50 пени ќе бидат пуштени во оптек на 31-ви октомври, последниот ден на Британија во Европската Унија.

Речиси три децении по падот на Берлинскиот ѕид германските власти решија дека е доста од собирање пари по таа основа.

Запрашан околу тоа како планира да го комбинира земјоделскиот развој на земјата и заштита на околината, бразилскиот претседател порача дека луѓето треба секој втор ден да одат по голема нужда ако сакаат да ја спасат планетата.

Човекот кој парите меѓу другото ги прави и од не-Трамп публика (фитнес и слично), го дознаа дека сакал да организира вечера за собирање донации за Трамп. Сега истиов се вади со алиби - не е така како што изгледа.

Хакирањето странски финансиски институции и компании е претворено во доходовна гранка за севернокорејскиот буџет, поточно за неговата воена програма, покажуваат тајни документи на О.Н. што ги објавува Ројтерс.

Во целата онаа пост-масакр дебата што воскреснува секој пат кога некој од чиста мира ќе покоси над 20 Американци, еден твит го направи најдобриот пресврт што до сега се случил и успеа од шини да го измести целиот муабет: а јас со што треба да се бранам ако ме нападнат 30 до 50 диви свињи?

За индиската влада бришењето на ставките од Уставот кои гарантираа автономија и останата специјална заштита за Џаму и Кашмир преставува исправање на историска грешка од времето на заминувањето на британските колонизатори.

Саудиска Арабија има убиено над 3.000 Американци и пак и дозволувате да има нуклеарно оружје, порача првиот човек на иранската дипломатија.

Полицијата и јавниот превоз во земјата главно покажаа неволност за спроведување на забраната за носење облека која го покрива целото тело.

Халал ресторани и слични објекти во Пекинг добија наредба од локалните власти да ги отстранат сите арапски букви и симболи поврзани со исламот прикажани на нивните реклами и називи.

Најмалата оддалеченост меѓу Европа и Африка е 8 милји, заради што Гелдоф тоа го избира и како име за неговиот фонд чија главна цел е носење инвестиции во Африка. Пред некое време се дозна дека носењето инвестиции за Гелдоф не подразбира и носење данок во Африка.

Ти си прв човек на компанија и сам бираш дали е буџет за маркетинг, истражување и развој, поправки... е, кој и да е, веќе е потрошен, а имаш уште 5 месеци од годината што треба да ги истераш. Изборот е или ќе пропаднеш (што не е решение), или ќе се позајмиш, со ветување дека догодина ќе пазиш и ќе вратиш што должиш. Ама така се позајмуваш повеќе од 40 години и секоја следна година е полошо.

Најобични, најпрости, црвени пластични цевки на кои го пишува името Трамп и донесоа на кампањата на Трамп речиси половина милиони долари за нешто повеќе од една недела.

Во британската верзија на ФБИ имаат чувство дека со последните политички промени во владата, заврши времето на цврстиот став кон руските олигарси и дека ним Англија повторно ќе им постеле црвен тепих.