Калифорнија лани реши дека не постои биолошки пол и дека тоа треба да важи и за затворите, што значи дека биолошки мажи (по старовремски) можат да решат да ја отслужуваат казната во женски затвор. Нагрнале преку 300 од новосознаените „жени“. Ќе биде работата „и волкот сит и овците преку број“.

27 годишна студентка на американскиот Универзитет Колумбија која преку замрзнати води и пустини има избегано од Северна Кореја, се разочарала кога видела колку во САД денес го има она по кое е озлогласена нејзината татковина замолчување на слободното мислење  и перењето мозоци. 

Граѓанскиот активист Шон Кинг го живее влажниот сон на сите активисти кварни како него. Овие што кмишат по мрежи како ботови ухлебени во ПР служби или цивилни филијали, нека знаат дека слабо некако се имаат продадено.  

Доскорешниот извршен директор на Амазон на НАСА ѝ нуди две милијарди долари за да го вклучи во трката за повторно стигнување до Месечината. Да не биде само Маск. 

Мажите прават повеќе климатски промени од жените. На приближно исто потрошени пари, мажите се еколошки поштетни за околу 16%. А научнички ладнокрвно, најштетно по околината е она едно дете вишок што се има.

Човекот кој платил 30 милиони долари за да лета во вселената со ракетата на Џеф Безос, го откажал патувањето. Му испаднало нешто друго.

Доналд Трамп своевремено ја смени одлуката на Барак Обама за максимален млаз на тушовите. Џо Бајден сега ја смени одлуката на Трамп. Ништо од тоа нема баш многу врска со реалноста.

Синот на американскиот претседател решил да стане уметник и наскоро негови дела ќе се најдат на продажба во Њујорк. Презимето на Хантер Бајден повлеквит па некои дела ќе се нудат и за 500.000 долари.

Во конфронтација со активисти на Блек Лајвс Метер, американски полицац од Калифорнија проба да се брани со - Тејлор Свифт. Јака финта, На овој за малку не му успеа, ама на македонски полицаец сигурно би му успеала. Ако оние со пола курс разберат за што зборуваме.

Убер богатите досега купуваа приватни острови, авиони и подземни бункери. Сега сакаат да ни покажат дека им се може уште нешто - да ја напуштат планетава.  

Француската винска сцена е на нозе откако во Русија стапи на сила закон по кој Французите мора да објаснат дека Шампањот е пенливо вино. Истовремено, руските производители на пенливо вино можат самостојно да го користат називот „шампањско“.

60 години откако го помина тестот за астронаути но беше одбиена од НАСА затоа што е жена,  Воли Фанк ќе лета во вселената, заедно со Џеф Безос. Своевремено беше најмладата астронаутка која ги исполнила условите. Денес има 82 година.

Астрономите за првпат посведочиле на настан во кој црна дупка голта еден од најгустите објекти во вселаната, неутронска ѕвезда. Залакот траел помалку од една минута и на кратко време ослободил енергија колку цела видлива светлина во Универзумот. 

Со едногласна одлука, американскиот врховен суд одлучи дека верски групи не можат да бидат дискриминирani ако, согласно својата религија, не сакаат да работат со истополови двојки.

Американскиот департмент за воени ветерани најави дека во иднина државата ќе ги плаќа операциите за менување на пол. Ќе можат да се почастат преку 130.000 воени ветерани. 

Во глобално истражување на јавното мислење, огромно мнозинство луѓе целосно го поддржуваат слободното мислење и израазување - на оние кои мислаат како нив. Кога во игра ќе се вклучат спротивни гледишта, таквата поддршка нагло опаѓа.

Бразил има три милиони вакцини Џонсон и Џонсон чиј рок на употреба истекува кон крајот на јуни. Ама, тоа е така само ако ептен се држиш до упатството.

Вашингтон покрена акција за давање бесплатен џоинт на секој возрасен кој ќе се вакцинира. Може да се одбере и пиво. А наши луѓе ќе се тркалаат по Врања и Белгради заради неспособната клика, опиена од сопствените лаги и надувана од фалбите на своите ботови.

Конгресмен од Тексас праша дали надлежните служби и институции можат да сторат нешто за да ја сменат орбитата на Земјата и на Месечината, за подобро да се справиме со климатските предизвици. Во неверување што ги прашува, претставник од службите признал дека ќе му требаат дополнителни консултации за одговор а од спротивната партија му рекоа дека ќе ja прашаат Капетан Марвел. 

Популарни се легендите дека германската војска се повлекла од овие простори кон крајот на Втората светска војна, оставајќи едно чудо злато закопано по македонските планини и пештери. Тие алкохол не оставаат зад себе, не па злато.

60 години откако го убија и го стoпија во киселина, некогашната колонијална сила Белгија реши да го врати она што останало од легендарниот борец за независност на Конго, Патрис Лумумба. Зборуваме за заб. Еден единствен факинг заб.

Доктор Ентони Фаучи е директор на американскиот институт за алергии и заразни болести цели 35 години (од 2 ноември 1984 година). Во ерата на Трамп стана ѕвезда не само заради функцијата која ја имаше во пандемијата туку и затоа што медиумите го портретираа како витез на науката во борба против самоволието на претседателот. Трамп веќе го нема и на Фаучи брзо му падна медиумскиот имунитет.

Шпанската пошта објавила серија поштенски марки со кои сакала да ја промовира расната еднаквост, инклузија, минклузија. Наместо очекуваните ПР бенефити, си закачија скандал на врат.

Бродовите пренесуваат 90% од светскиот трговски товар и затоа се круцијални за глобалната економија. Но, кога танкерите и големите бродови ќе го отслужат своето па ќе дојде време да се расходуваат, тоа во богати и пристојни земји е скапа операција. Ама затоа има сиромашни и глупи земји.